ਧਾਰੀਵਾਲ, 18 ਦਸੰਬਰ (ਸਵਰਨ ਸਿੰਘ)- ਬਲਾਕ ਸੰਮਤੀ ਧਾਰੀਵਾਲ ਦੀ ਜ਼ੋਨ ਨੰਬਰ-10 ਖੁੰਡਾ ਜ਼ੋਨ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਸਤਿੰਦਰਪਾਲ ਸਿੰਘ ਸੁਜਾਨਪੁਰ ਜੇਤੂ ਰਹੇ ਹਨ | ਦੱਸਣਯੋਗ ਹੈ ਕਿ 'ਆਪ' ਉਮੀਦਵਾਰ ਸਤਿੰਦਰਪਾਲ ਸਿੰਘ ਸੁਜਾਨਪੁਰ ਨੂੰ 1139 ਵੋਟਾਂ ਪ੍ਰਾਪਤ ਹੋਈਆਂ, ਜਦੋਂ ਕਿ ਕਾਂਗਰਸੀ ਉਮੀਦਵਾਰ ਗੁਰਸ਼ਰਨ ਸਿੰਘ ਨੂੰ 553 ਤੇ ਅਕਾਲੀ ਦਲ ਉਮੀਦਵਾਰ ਦੀਪ ਮਾਨ ਖੁੰਡਾ ਨੂੰ 380 ਵੋਟਾਂ ਮਿਲੀਆਂ ਜਿਸ 'ਤੇ 586 ਵੋਟਾਂ ਦੇ ਫ਼ਰਕ ਨਾਲ ਆਮ ਆਦਮੀ ਪਾਰਟੀ ਨੇ ਸੀਟ ਜਿੱਤੀ ਹੈ | ਜੇਤੂ ਉਮੀਦਵਾਰ ਸਤਿੰਦਰਪਾਲ ਸਿੰਘ ਸੁਜਾਨਪੁਰ ਨੇ ਕਿਹਾ ਕਿ ਹਲਕਾ ਇੰਚਾਰਜ ਐਡਵੋਕੇਟ ਜਗਰੂਪ ਸਿੰਘ ਸੇਖਵਾਂ ਵਲੋਂ ਕੀਤੀ ਸਖ਼ਤ ਮਿਹਨਤ ਸਦਕਾ ਹੀ ਜਿੱਤਣ ਵਿਚ ਸਫ਼ਲ ਹੋਏ ਹਾਂ | ਇਸ ਮੌਕੇ ਚੇਅਰਮੈਨ ਭੁਪਿੰਦਰ ਸਿੰਘ ਰਿੰਕਾ, ਹਰਦੇਵ ਸਿੰਘ ਮਾਲੀ ਸਮਰਾ, ਨਿਸ਼ਾਨ ਸਿੰਘ ਮਾਲੀ ਸਮਰਾ, ਤਰਲੋਚਨ ਸਿੰਘ ਸੁਜਾਨਪੁਰ, ਲਾਡੀ ਮਸੀਹ, ਕੁਲਜੀਤ ਸਿੰਘ ਖਾਨਮਲੱਕ ਆਦਿ ਹਾਜ਼ਰ ਸਨ |