ਅਬੋਹਰ, 24 ਸਤੰਬਰ (ਤੇਜਿੰਦਰ ਸਿੰਘ ਖ਼ਾਲਸਾ)- ਅਬੋਹਰ ਸਬ-ਡਵੀਜ਼ਨ ਦੀ ਅਦਾਲਤ ਵਿਚ ਜੱਜ ਸੁਖਮਨਦੀਪ ਸਿੰਘ ਨੇ ਇਕ ਚੈੱਕ ਬਾਉਂਸ ਦੇ ਮਾਮਲੇ ਵਿਚ ਦੋਸ਼ੀ ਨੂੰ 2 ਸਾਲ ਦੀ ਸਜ਼ਾ ਸੁਣਾਈ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਸਥਾਨਕ ਮਾਡਲ ਟਾਊਨ ਵਾਸੀ ਸੁਨੀਲ ਸੇਤੀਆ ਨੇ ਆਪਣੇ ਵਕੀਲ ਸੰਦੀਪ ਬਜਾਜ ਦੇ ਮਾਰਫ਼ਤ 5 ਲੱਖ ਰੁਪਏ ਦਾ ਚੈੱਕ ਬਾਉਂਸ ਦੇ ਦੋਸ਼ ਵਿਚ ਸੰਜੀਵ ਕੁਮਾਰ ਨੂੰ ਕਾਨੂੰਨੀ ਨੋਟਿਸ ਭੇਜਿਆ | ਉਪਰੰਤ ਮਾਮਲਾ ਅਦਾਲਤ ਵਿਚ ਦਾਇਰ ਕੀਤਾ ਗਿਆ | ਦੋਨਾਂ ਧਿਰਾਂ ਵਲ਼ੋਂ ਆਪਣੇ ਪੱਖ ਵਿਚ ਗਵਾਹ ਪੇਸ਼ ਕੀਤੇ ਗਏ, ਉਪਰੰਤ ਵਕੀਲਾਂ ਨੇ ਬਹਿਸ ਕੀਤੀ ਜਿਸ ਤਹਿਤ ਜੱਜ ਸੁਖਮਨਦੀਪ ਸਿੰਘ ਦੀ ਅਦਾਲਤ ਵਲ਼ੋਂ ਸੰਜੀਵ ਕੁਮਾਰ ਨੂੰ ਚੈੱਕ ਬਾਉਂਸ ਦੇ ਮਾਮਲੇ 'ਚ ਦੋਸ਼ੀ ਕਰਾਰ ਦਿੰਦੇ ਹੋਏ 2 ਸਾਲ ਦੀ ਸਜ਼ਾ ਸੁਣਾਈ ਹੈ |
