ਰੇਲਵਨ ਐਪ ਰਾਹੀਂ ਅਣਰਿਜ਼ਰਵਡ ਟਿਕਟ ਬੁਕਿੰਗ 'ਤੇ 3 ਪ੍ਰਤੀਸ਼ਤ ਛੂਟ ਦੀ ਸੁਵਿਧਾ <br/>

ਅ

ਅਜੀਤ ਡੈਸਕ 31-12-2025

ਅੰਮਿ੍ਤਸਰ, 30 ਦਸੰਬਰ (ਗਗਨਦੀਪ ਸ਼ਰਮਾ)-ਰੇਲਵੇ ਬੋਰਡ ਵਲੋਂ ਯਾਤਰੀਆਂ ਨੂੰ ਡਿਜ਼ੀਟਲ ਮਾਧਿਅਮਾਂ ਰਾਹੀਂ ਟਿਕਟ ਬੁਕਿੰਗ ਲਈ ਉਤਸ਼ਾਹਿਤ ਕਰਨ ਦੀ ਦਿਸ਼ਾ ਵਿਚ ਮਹੱਤਵਪੂਰਨ ਕਦਮ ਚੁੱਕਦਿਆਂ ਰੇਲਵਨ ਐਪ ਰਾਹੀਂ ਅਣਰਿਜ਼ਰਵਡ ਟਿਕਟ ਬੁਕਿੰਗ ਕਰਨ 'ਤੇ 3 ਪ੍ਰਤੀਸ਼ਤ ਛੂਟ ਦੀ ਸੁਵਿਧਾ ਪ੍ਰਦਾਨ ਕੀਤੀ ਗਈ ਹੈ | ਮੌਜੂਦਾ ਸਮੇਂ ਰੇਲਵਨ ਐਪ 'ਤੇ ਆਰ-ਵਾਲੇਟ ਰਾਹੀਂ ਅਣਰਿਜ਼ਰਵਡ ਟਿਕਟ ਬੁਕਿੰਗ ਕਰਨ 'ਤੇ 3 ਪ੍ਰਤੀਸ਼ਤ ਕੈਸ਼ਬੈਕ ਦੀ ਸੁਵਿਧਾ ਉਪਲਬਧ ਹੈ | ਹੁਣ, ਰੇਲਵਨ ਐਪ 'ਤੇ ਆਰ-ਵਾਲੇਟ ਤੋਂ ਇਲਾਵਾ ਹੋਰ ਸਾਰੇ ਡਿਜ਼ਿਟਲ ਭੁਗਤਾਨ ਮਾਧਿਅਮਾਂ ਰਾਹੀਂ ਅਣਰਿਜ਼ਰਵਡ ਟਿਕਟ ਬੁੱਕ ਕਰਨ 'ਤੇ ਵੀ 3 ਪ੍ਰਤੀਸ਼ਤ ਬੋਨਸ/ਛੂਟ ਦੀ ਸੁਵਿਧਾ ਦਿੱਤੀ ਜਾਵੇਗੀ |
ਇਹ ਸੁਵਿਧਾ 14 ਜਨਵਰੀ 2026 ਤੋਂ 14 ਜੁਲਾਈ 2026 ਤੱਕ ਲਾਗੂ ਰਹੇਗੀ ਅਤੇ ਇਸ ਸਮੇਂ ਅੰਤਰਾਲ ਦੌਰਾਨ ਯਾਤਰੀਆਂ ਤੋਂ ਪ੍ਰਾਪਤ ਫੀਡਬੈਕ ਦੇ ਆਧਾਰ 'ਤੇ ਅੱਗੇ ਸਮੀਖਿਆ ਕੀਤੀ ਜਾਵੇਗੀ | ਫਿਰੋਜ਼ਪੁਰ ਡਿਵੀਜ਼ਨ ਦੇ ਸੀਨੀਅਰ ਡੀ. ਸੀ. ਐੱਮ. ਪਰਮਦੀਪ ਸਿੰਘ ਸੈਣੀ ਨੇ ਕਿਹਾ ਕਿ ਰੇਲਵਨ ਐਪ ਰਾਹੀਂ ਅਣਰਿਜ਼ਰਵਡ ਟਿਕਟ ਬੁਕਿੰਗ ਕਰਨ ਨਾਲ ਸਮਾਂ ਅਤੇ ਪੈਸਿਆਂ ਦੀ ਬਚਤ ਦੇ ਨਾਲ-ਨਾਲ ਸੁਵਿਧਾਜਨਕ ਅਤੇ ਪਾਰਦਰਸ਼ੀ ਟਿਕਟ ਬੁਕਿੰਗ ਦੀ ਸੁਵਿਧਾ ਮਿਲੇਗੀ |

ਪਿਛਲੀ ਖ਼ਬਰ ਪਵਿੱਤਰ ਸ਼ਹਿਰ ਦੇ ਨਾਂਅ 'ਤੇ ਵਾਲ ਸਿਟੀ ਦੇ ਦੁਕਾਨਦਾਰਾਂ ਨੂੰ ਨਿਸ਼ਾਨਾ ਬਣਾਉਣਾ ਬੇਇਨਸਾਫ਼ੀ : ਪੋ੍ਰ. ਚਾਵਲਾ <br/> ਅਗਲੀ ਖ਼ਬਰ ਨਗਰ ਨਿਗਮ ਪੈਨਸ਼ਰਨਜ਼ ਯੂਨੀਅਨ ਦਾ ਸਾਲਾਨਾ ਧਾਰਮਿਕ ਕੈਲੰਡਰ ਜਾਰੀ <br/>

ਰੇਲਵਨ ਐਪ ਰਾਹੀਂ ਅਣਰਿਜ਼ਰਵਡ ਟਿਕਟ ਬੁਕਿੰਗ 'ਤੇ 3 ਪ੍ਰਤੀਸ਼ਤ ਛੂਟ ਦੀ ਸੁਵਿਧਾ <br/>

ਸੰਬੰਧਿਤ ਖ਼ਬਰਾਂ