ਤਰਨਤਾਰਨ

ਪਿੰਡ ਧੂੰਦਾ ਤੋਂ ਮਾਣਕਦੇਕੇ ਅਤੇ ਭੈਲ ਪਿੰਡ ਦੇ ਢਾਏ ਹੇਠਲੇ ਝੋਨੇ ਦੀ ਢਾਲ ਬਣੇ ਬੰਨ੍ਹ ਨੂੰ ਢਾਹ ਲੱਗੀ <br/>

ਪਿੰਡ ਧੂੰਦਾ ਵਿਖੇ ਮਾਣਕਦੇਕੇ ਪਿੰਡ ਅਤੇ ਭੈਲ ਪਿੰਡ ਦੀ ਢਾਏ ਦੇ ਥੱਲੇ ਵਾਲੀ ਜ਼ਮੀਨ 'ਚ ਬੀਜੇ ਝੋਨੇ ਨੂੰ ਬਚਾਉਣ ਲਈ ਤਰਪਾਲਾਂ ਪਾਉਂਦੇ ਪਿੰਡ ਨਿਵਾਸੀ | ਤਸਵੀਰਾਂ: ਧੂੰਦਾ <br/> 05-09-2025

ਫਤਿਆਬਾਦ, 4 ਸਤੰਬਰ (ਹਰਵਿੰਦਰ ਸਿੰਘ ਧੂੰਦਾ)-ਬਿਆਸ ਦਰਿਆ ਵਿਚ ਆਏ ਬੇਤਹਾਸ਼ਾ ਪਾਣੀ ਨੇ ਜਿਥੇ ਹਜ਼ਾਰਾਂ ਏਕੜ ਫ਼ਸਲ ਬਰਬਾਦ ਕਰ ਦਿੱਤੀ, ਉਥੇ ਪਿੰਡ ਭੈਲ ਢਾਏ ਵਾਲਾ ਅਤੇ ਧੂੰਦੇ ਦੇ ਲੋਕਾਂ ਨੇ ਬੜੀ ਮੁਸ਼ਕਿਲ ਨਾਲ ਧੂੰਦੇ ਪਿੰਡ ਦੇ ਸੱਜੇ ਹੱਥ ਪੈਂਦੇ ਮਾਣਕਦੇਕੇ ਅਤੇ ਭੈਲ ਢਾਏਵਾਲਾ ਦੀ ਢਾਏ ਹੇਠਲੀ ਜ਼ਮੀਨ 'ਚ ਬੀਜੇ ਝੋਨੇ ਨੂੰ ਬਚਾਉਣ ਲਈ ਦਰਿਆ ਦਾ ਰੁੱਖ ਮੋੜਨ ਲਈ ਪਿਛਲੇ ਸਾਲਾਂ 'ਚ ਇਕ ਬੰਨ੍ਹ ਬਣਾਇਆ ਸੀ, ਜਿਸ ਕਰਕੇ ਹਰ ਸਾਲ ਆਉਂਦੇ ਹੜ੍ਹਾਂ ਤੋਂ ਇਸ ਬੰਨ੍ਹ ਦੇ ਅੰਦਰ ਆਉਂਦੀ ਜ਼ਮੀਨ 'ਚ ਬੀਜੇ ਝੋਨੇ ਦੀ ਫ਼ਸਲ ਦਾ ਬਚਾਅ ਹੋ ਜਾਂਦਾ ਰਿਹਾ ਹੈ ਅਤੇ ਇਸ ਵਾਰ ਵੀ ਭਾਵੇਂ ਪਾਣੀ ਦੀ ਬਹੁਤਾਤ ਰਹੀ, ਪਰ ਹੁਣ ਤੱਕ ਫ਼ਸਲ ਦਾ ਬਚਾਅ ਰਿਹਾ, ਪਰ ਬੀਤੀ ਰਾਤ ਦਰਿਆ ਦੇ ਪਾਣੀ ਨੇ ਉਸ ਬੰਨ੍ਹ ਨੂੰ ਵੀ ਖੋਰ ਦਿੱਤਾ ਅਤੇ ਪਾਣੀ ਝੋਨੇ ਦੀ ਫ਼ਸਲ ਵਿਚ ਭਰ ਗਿਆ | ਇਸ ਮੌਕੇ ਲੋਕਾਂ ਨੇ ਹਿੰਮਤ ਨਹੀਂ ਹਾਰੀ ਅਤੇ ਆਪਣੇ ਤੌਰ 'ਤੇ ਪੋਕਲੇਨ ਮਸ਼ੀਨ ਦੀ ਸਹਾਇਤਾ ਨਾਲ ਟੁੱਟੇ ਹੋਏ ਬੰਨ੍ਹ ਦੀ ਮੁਰੰਮਤ ਦਾ ਕੰਮ ਸ਼ੁਰੂ ਕੀਤਾ ਹੈ | ਇਸ ਬਾਰੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਪਿੰਡ ਦੇ ਸਰਪੰਚ ਜਸਵੰਤ ਸਿੰਘ ਜੱਸਾ ਸਾ. ਸਰਪੰਚ ਪ੍ਰਮਿੰਦਰ ਸਿੰਘ ਪੰਮਾ, ਮੈਂਬਰ ਮਹਿਲ ਸਿੰਘ ਭੱਲੀ ਨੇ ਰਮਨਜੀਤ ਸਿੰਘ ਸਿੱਕੀ ਦੇ ਪੀ.ਏ. ਰਣਜੀਤ ਸਿੰਘ ਪਵਾਰ ਤੋਂ ਇਲਾਵਾ ਸਰਪੰਚ ਜਗਰੂਪ ਸਿੰਘ ਖਵਾਸਪੁਰ, ਨਿਸ਼ਾਨ ਸਿੰਘ ਢੋਟੀ ਸਮੇਤ ਦੱਸਿਆ ਕਿ ਇਸ ਬੰਨ੍ਹ 'ਤੇ ਤਿੰਨਾਂ ਪਿੰਡਾਂ ਦੇ ਲੋਕਾਂ ਨੇ ਬੜੀ ਮਿਹਨਤ ਕੀਤੀ, ਪਰ ਪਾਣੀ ਦੇ ਜ਼ੋਰ ਨੇ ਇਸ ਨੂੰ ਵੀ ਖੋਰ ਦਿੱਤਾ, ਜਿਸਨੂੰ ਪਿੰਡ ਵਾਸੀਆਂ ਨੇ ਹਿੰਮਤ ਕਰਕੇ ਹਾਲ ਦੀ ਘੜੀ ਬਚਾਅ ਲਿਆ ਹੈ | ਇਸ ਮੌਕੇ ਸਾ. ਸਰਪੰਚ ਪ੍ਰਮਿੰਦਰ ਸਿੰਘ ਪੰਮਾ ਨੇ ਦੱਸਿਆ ਕਿ ਇਸ ਬੰਨ੍ਹ ਦੀ ਖ਼ਬਰ ਪਹੁੰਚਣ 'ਤੇ ਪ੍ਰਸ਼ਾਸਨਿਕ ਅਧਿਕਾਰੀ ਵੀ ਮੌਕੇ 'ਤੇ ਪਹੁੰਚੇ ਅਤੇ ਐਸ.ਡੀ.ਐਮ. ਦੀ ਅਗਵਾਈ ਹੇਠ ਮਿੱਟੀ ਦੇ ਤੋੜੇ ਭਰ ਕੇ ਬੰਨ ਨੂੰ ਮਜ਼ਬੂਤ ਕਰਨ ਲਈ ਯੋਗਦਾਨ ਪਾਇਆ | ਇਸ ਮੌਕੇ ਮਾਣਕਦੇਕੇ ਪਿੰਡ ਤੋਂ ਇਲਾਵਾ ਭੈਲ ਪਿੰਡ ਦੀ ਸੰਗਤ ਵੀ ਬੰਨ੍ਹ ਨੂੰ ਮਜ਼ਬੂਤ ਕਰਨ ਲਈ ਲੱਗੀ ਹੋਈ ਹੈ |

ਪਿਛਲੀ ਖ਼ਬਰ ਡੀ. ਸੀ. ਅੰਮਿ੍ਤਸਰ ਨੇ ਵਜ਼ੀਰ ਭੁੱਲਰ ਵਿਚ ਨੁਕਸਾਨ ਦਾ ਲਿਆ ਜਾਇਜ਼ਾ ਅਗਲੀ ਖ਼ਬਰ ਲਾਲਜੀਤ ਭੁੱਲਰ ਦੀ ਅਗਵਾਈ ਵਿਚ ਹਲਕਾ ਪੱਟੀ ਦੇ ਪਿੰਡ ਭਾਓਵਾਲ ਵਿਖੇ ਰਾਹਤ ਕੈਂਪ ਖੋਲਿ੍ਹਆ

ਪਿੰਡ ਧੂੰਦਾ ਤੋਂ ਮਾਣਕਦੇਕੇ ਅਤੇ ਭੈਲ ਪਿੰਡ ਦੇ ਢਾਏ ਹੇਠਲੇ ਝੋਨੇ ਦੀ ਢਾਲ ਬਣੇ ਬੰਨ੍ਹ ਨੂੰ ਢਾਹ ਲੱਗੀ <br/>

ਸੰਬੰਧਿਤ ਖ਼ਬਰਾਂ