ਤਰਨ ਤਾਰਨ, 4 ਸਤੰਬਰ (ਪਰਮਜੀਤ ਜੋਸ਼ੀ)-ਸੇਵਾ ਭਾਰਤੀ ਜ਼ਿਲ੍ਹਾ ਤਰਨ ਤਾਰਨ ਦੀ ਇਕ ਬੈਠਕ ਰਾਸ਼ਟਰੀ ਸਵੈ-ਸੇਵਕ ਸੰਘ ਦਫ਼ਤਰ ਤਰਨ ਤਾਰਨ ਦੇ ਵਿਚ ਹੋਈ, ਜਿਸ ਦੇ ਵਿਚ ਵਿਭਾਗ ਪ੍ਰਚਾਰਕ ਸ੍ਰੀਮਾਨ ਵਿਜੇ ਜ਼ਿਲ੍ਹਾ ਪ੍ਰਚਾਰਕ ਗਰੀਸ਼ੰਕਰ, ਜ਼ਿਲ੍ਹਾ ਸੰਘਚਾਲਕ ਹੰਸਰਾਜ ਚੌਧਰੀ, ਨਗਰ ਸੰਘ ਚਾਲਕ ਫਤਿਹ ਸਿੰਘ ਤੇ ਸੇਵਾ ਭਾਰਤੀ ਦੇ ਪ੍ਰਮੁੱਖ ਕਾਰਜ ਕਰਤਾ, ਅਭਿਨੰਦਨ, ਆਤਮਵੀਰ ਸ਼ਰਮਾ, ਵਿਜੈ ਗੁਪਤਾ ਸਾਬਕਾ ਪ੍ਰਧਾਨ ਸੇਵਾ ਭਾਰਤੀ, ਜਤਿੰਦਰ ਭਾਟੀਆ, ਦੀਪਕ ਕੈਰੋਂ, ਕਪਿਲ ਅਗਰਵਾਲ, ਸਤਿੰਦਰ, ਅਤਲ ਗੁਪਤਾ, ਹਰਿੰਦਰ ਅਗਰਵਾਲ ਨੇ ਭਾਗ ਲਿਆ | ਇਸ ਮੌਕੇ ਉਕਤ ਆਗੂਆਂ ਨੇ ਕਿਹਾ ਕਿ ਜੋ ਪਿਛਲੇ ਦਿਨਾਂ ਦੇ ਵਿਚ ਪੂਰੇ ਪੰਜਾਬ ਦੇ ਵਿਚ ਹੜ੍ਹਾਂ ਦੇ ਮੁਤਾਬਿਕ ਜੋ ਪੂਰਾ ਪੰਜਾਬ ਇਸ ਵਕਤ ਪਾਣੀ ਦੀ ਮਾਰ ਝੱਲ ਰਿਹਾ ਹੈ, ਉਸ ਨਾਤੇ ਇਹ ਬੈਠਕ ਕੀਤੀ ਗਈ ਅਤੇ ਪਿਛਲੇ ਚਾਰ ਦਿਨ ਤੋਂ ਲਗਾਤਾਰ ਸੇਵਾ ਭਾਰਤੀ ਦੇ ਕਾਰਕੁੰਨ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿਚ ਜਾ ਕੇ ਸਹਿਯੋਗ ਕਰ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਖੇਮਕਰਨ ਖ਼ੇਤਰ ਦੇ ਪਿੰਡ ਮੁੱਠਿਆਂਵਾਲੀ ਵਿਖੇ ਜਿਹੜਾ ਬੰਨ੍ਹ ਟੁੱਟਾ ਹੈ, ਉਥੇ ਸਹਾਇਤਾ ਵਾਸਤੇ ਸਮੱਗਰੀ ਪਹੁੰਚਾਈ ਜਾਵੇਗੀ | ਉਨ੍ਹਾਂ ਕਿਹਾ ਕਿ ਸਾਡੇ ਜ਼ਿਲ੍ਹੇ ਦੇ ਵਿਚ ਜਿੱਥੇ ਜਿੱਥੇ ਵੀ ਸਹਿਯੋਗ ਦੀ ਲੋੜ ਹੋਵੇਗੀ, ਚਾਹੇ ਤੂੜੀ, ਚਾਹੇ ਚੋਕਰ, ਚਾਹੇ ਤਰਪਾਲਾਂ, ਚਾਹੇ ਦਵਾਈਆਂ, ਸੇਵਾ ਭਾਰਤੀ ਅੱਗੇ ਹੋ ਕੇ ਉਸ ਦੀ ਪੂਰਤੀ ਕਰੇਗੀ |
