ਪੱਟੀ, 4 ਸਤੰਬਰ (ਕੁਲਵਿੰਦਰਪਾਲ ਸਿੰਘ ਕਾਲੇਕੇ, ਅਵਤਾਰ ਸਿੰਘ ਖਹਿਰਾ)-ਪਹਾੜੀ ਤੇ ਮੈਦਾਨੀ ਇਲਾਕਿਆਂ ਵਿਚ ਲਗਾਤਾਰ ਹੋ ਰਹੀ ਬਾਰਿਸ਼ ਕਾਰਨ ਪੰਜਾਬ ਦੇ ਕਈ ਜ਼ਿਲਿ੍ਹਆਂ ਵਿਚ ਕੁਦਰਤੀ ਆਫਤ ਆਈ ਹੋਈ ਹੈ, ਜਿਸ ਨੂੰ ਲੈ ਕੇ ਹਰੀਕੇ ਹੈ?ਡ ਵਰਕਸ ਤੋਂ ਪਾਣੀ ਦਾ ਪੱਧਰ ਲਗਾਤਾਰ ਵੱਧ ਰਿਹਾ ਹੈ, ਜਿਸ ਨੂੰ ਲੈ ਕੇ ਨੇੜ੍ਹਲੇ ਸਮੇਂ ਵਿਚ ਕਾਫੀ ਪਾਣੀ ਆਉਣ ਨਾਲ ਬੰਨ੍ਹ ਨੇੜੇ੍ਹ ਬੈਠੇ ਲੋਕਾਂ ਦਾ ਕਾਫੀ ਨੁਕਸਾਨ ਹੋਇਆ ਹੈ | ਬੀਤੀ ਰਾਤ ਤੋਂ ਇਕਦਮ ਹਰੀਕੇ ਹੈ?ਡ ਵਰਕਸ ਵਿਖੇ ਪਾਣੀ ਦਾ ਪੱਧਰ ਵਧਣ ਕਾਰਨ ਐਸ.ਡੀ.ਐਮ. ਪੱਟੀ ਪ੍ਰੀਤਇੰਦਰ ਸਿੰਘ ਬੈਂਸ ਨੇ ਤਹਿਸੀਲਦਾਰ ਪੱਟੀ, ਨਾਇਬ ਤਹਿਸੀਲਦਾਰ ਪੱਟੀ, ਖੇਮਕਰਨ, ਹਰੀਕੇ ਤੋਂ ਇਲਾਵਾ ਬਲਾਕ ਵਿਕਾਸ ਤੇ ਪੰਚਾਇਤ ਅਫਸਰ ਪੱਟੀ, ਵਲਟੋਹਾ ਨੂੰ ਹੁਕਮ ਕੀਤੇ ਹਨ ਕਿ ਹੜ੍ਹਾਂ ਦੀ ਸਥਿਤੀ ਨਾਲ ਨਜਿੱਠਣ ਲਈ ਆਪਣੇ ਇਲਾਕਾ ਪਟਵਾਰੀਆਂ, ਸਰਪੰਚਾਂ, ਪੰਚਾਂ ਨਾਲ ਰਾਬਤਾ ਕਾਇਮ ਕਰਕੇ ਦਰਿਆ ਨਾਲ ਲੱਗਦੇ ਪਿੰਡ, ਬਹਿਕਾਂ, ਢਾਣੀਆਂ ਵਿਚ ਮੁੁਨਾਦੀ ਕਰਵਾਈ ਜਾਵੇ ਕਿ ਹੜ੍ਹ ਪ੍ਰਭਾਵਿਤ ਇਲਾਕੇ ਵਿਚ ਪੈਂਦੇ ਪਿੰਡਾਂ ਲਈ ਬਣਾਏ ਗਏ ਰਿਲੀਫ਼ ਸੈੈਂਟਰਾਂ ਵਿਚ ਸੁਰੱਖਿਅਤ ਜਗ੍ਹਾ 'ਤੇ ਆ ਜਾਣ | ਜੇਕਰ ਫਿਰ ਵੀ ਕੋਈ ਵਿਅਕਤੀ ਬਾਹਰ ਨਹੀ ਆਉਂਾਦਾ ਤਾਂ ਇਸ ਸੰਬੰਧੀ ਜ਼ਿਲ੍ਹਾ ਪ੍ਰਸ਼ਾਸਨ ਦੀ ਕੋਈ ਜਿੰਮੇਵਾਰੀ ਨਹੀਂ ਹੋਵੇਗੀ | ਇਸ ਸੰਬੰਧੀ ਦਰਿਆ ਨੇੜ੍ਹਲੇ ਪਿੰਡਾਂ ਦੇ ਗੁਰਦੁਆਰਾ ਸਾਹਿਬ ਵਿਚ ਮੁਨਾਦੀਆਂ ਕਰਕੇ ਵੀ ਜਾਣਕਾਰੀ ਦਿੱਤੀ ਹੈ, ਜਿਸ ਨੂੰ ਲੈ ਕੇ ਕਈ ਪਰਿਵਾਰਾਂ ਨੂੰ ਗੁਰਦੁਆਰਾ ਢਾਬਸਰ ਵਿਖੇ ਰਿਲੀਫ਼ ਸੈਂਟਰ ਵਿਚ ਲਿਆਂਦਾ ਗਿਆ ਹੈ |
