ਗੋਇੰਦਵਾਲ ਸਾਹਿਬ, 21 ਸਤੰਬਰ (ਸਕੱਤਰ ਸਿੰਘ ਅਟਵਾਲ)-ਪੰਜਾਬ ਐਂਡ ਸਿੰਧ ਬੈਂਕ ਦੀ ਬ੍ਰਾਂਚ ਗੋਇੰਦਵਾਲ ਸਾਹਿਬ ਵਲੋਂ ਪਿੰਡ ਹੰਸਾਵਾਲਾ ਵਿਖੇ ਜਨ ਸੁਰੱਖਿਆ ਕੈਂਪ ਲਗਾਇਆ ਗਿਆ | ਕੈਂਪ ਵਿਚ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀਆਂ ਨੇ ਹਿੱਸਾ ਲਿਆ, ਜਿਨ੍ਹਾਂ ਨੂੰ ਬੈਂਕ ਅਧਿਕਾਰੀਆਂ ਵਲੋਂ ਜਨ ਧਨ ਖਾਤੇ, ਐੱਸ.ਬੀ.ਵਾਈ, ਜੇ.ਬੀ.ਵਾਈ ਤੇ ਏ.ਪੀ.ਵਾਈ, ਅਟੱਲ ਪੈਨਸ਼ਨ ਯੋਜਨਾ ਤੋਂ ਇਲਾਵਾ ਸਰਕਾਰ ਵਲੋਂ ਹੋਰ ਚਲਾਈਆਂ ਜਾ ਰਹੀਆਂ ਵੱਖ-ਵੱਖ ਬੈਂਕ ਸਕੀਮਾਂ ਸੰਬੰਧੀ ਲੋਕਾਂ ਨੂੰ ਜਾਗਰੂਕ ਕੀਤਾ ਗਿਆ | ਕੈਂਪ ਵਿਚ ਮੁੱਖ ਮਹਿਮਾਨ ਐੱਫ. ਜੀ.ਐੱਮ. ਚਮਨ ਲਾਲ, ਜੋਨਲ ਮੈਨੇਜਰ ਮੋਗਾ ਤੋਂ ਪ੍ਰਕਾਸ਼ ਚੰਦ ਮਿਸਰਾ, ਚੀਫ ਮੈਨੇਜਰ ਤੇਜਾ ਸਿੰਘ ਪਹੁੰਚੇ | ਕੈਂਪ ਵਿਚ ਬ੍ਰਾਂਚ ਦਾ ਸਮੂਹ ਸਟਾਫ਼ ਅਤੇ ਮੈਨੇਜਰ ਸ੍ਰੀਮਤੀ ਸੰਦੀਪਾ ਦਹੀਆ, ਬੀਰਦਵਿੰਦਰ ਸਿੰਘ, ਕਮਲਜੀਤ ਸਿੰਘ ਪੰਨੂੰ ਵੀ ਮੌਜੂਦ ਸਨ |
