ਤਰਨ ਤਾਰਨ, 6 ਦਸੰਬਰ (ਪਰਮਜੀਤ ਜੋਸ਼ੀ)- ਤਰਨ ਤਾਰਨ ਤੇ ਅੰਮਿ੍ਤਸਰ ਦੇ ਸਮੂਹ ਸ਼ੈਲਰ ਮਾਲਕਾਂ ਦੀ ਸਾਂਝੀ ਮੀਟਿੰਗ ਹਵੇਲੀ ਵਿਖੇ ਪ੍ਰਧਾਨ ਅੰਮਿ੍ਤਸਰ ਰਾਈਸ ਮਿੱਲਰਜ਼ ਐਸੋਸੀਏਸ਼ਨ ਰਜਿੰਦਰ ਸਲਵਾਨ ਅਤੇ ਤਰਨ ਤਾਰਨ ਰਾਈਸ ਮਿੱਲਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਅਵਤਾਰ ਸਿੰਘ ਤਨੇਜਾ ਦੀ ਅਗਵਾਈ ਵਿਚ ਕੀਤੀ ਗਈ | ਜਿਸ ਵਿਚ ਸਰਬਸੰਮਤੀ ਨਾਲ ਫੈਸਲਾ ਕੀਤਾ ਗਿਆ ਕਿ ਐੱਫ.ਸੀ.ਆਈ. ਜੋ ਕਿ ਚੌਲ ਲੈਣ ਤੋਂ ਨਾਂਹ ਕਰ ਰਹੀ ਹੈ ਪਰ ਸ਼ੈਲਰ ਮਾਲਕ ਸੋਮਵਾਰ 8 ਦਸੰਬਰ ਤੋਂ ਚੌਲ ਡੰਪ ਕਰਨਗੇ ਅਤੇ ਚੌਲ ਐੱਫ.ਸੀ.ਆਈ. ਨੇ ਆਫਰ ਕੀਤੇ ਜਾਣਗੇ ਅਤੇ 10 ਫੀਸਦੀ ਵਾਲਾ ਪਰੂਫਡ ਰਾਈਸ ਅਤੇ 25 ਫੀਸਦੀ ਵਾਲਾ ਐੱਫ.ਆਰ.ਕੇ ਡੰਪ ਕੀਤਾ ਜਾੇਗਾ | ਜੇਕਰ ਐੱਫ.ਸੀ.ਆਈ ਨੇ ਚੌਲ ਲੈਣ ਤੋਂ ਕਿਸੇ ਕਿਸਮ ਤੋਂ ਨਾ ਨੁੱਕਰ ਕੀਤਾ ਤਾਂ ਦੋਵੇਂ ਜ਼ਿਲਿ੍ਹਆ ਦੇ 100 ਦੇ ਕਰੀਬ ਸ਼ੈਲਰ ਮਾਲਕ ਇਕੱਠਏ ਹੋ ਕੇ ਐੱਫ.ਸੀ.ਆਈ. ਅਧਿਕਾਰੀਆਂ ਦਾ ਡੱਟ ਕੇ ਵਿਰੋਧ ਕਰਨਗੇ | ਮੀਟਿੰਗ ਵਿਚ ਮੁੱਖ ਤੌਰ 'ਤੇ ਨਵੀਨ ਗੁਪਤਾ ਮੀਤ ਪ੍ਰਧਾਨ ਤਰਨ ਤਾਰਨ, ਵਿਨੋਦ ਚੱਡਾ ਸਰਪ੍ਰਸਤ ਅੰਮਿ੍ਤਸਰ, ਸੁਰਜੀਤ ਸਿੰਘ ਕੰਗ ਪ੍ਰਧਾਨ ਜੰਡਿਆਲਾ ਗੁਰੂ, ਅਨਿਲ ਧਵਨ ਪ੍ਰਧਾਨ ਪੱਟੀ, ਸੰਜੀਵ ਭੰਡਾਰੀ ਪ੍ਰਧਾਨ ਰਈਆ, ਵਲੈਤੀ ਸ਼ਾਹ ਪ੍ਰਧਾਨ ਛੇਹਰਟਾ, ਨਿੱਕੂ ਸ਼ਾਹ ਸਰਹਾਲੀ ਮਹਿਤਾ ਅਜਨਾਲਾ, ਝਬਾਲ ਅਤੇ ਹੋਰ 70 ਦੇਕਰੀਬ ਰਾਈਸ ਮਿੱਲਰਜ ਸ਼ਾਮਿਲ ਹੋਏ | ਇਸ ਮੌਕੇ ਤਰਨ ਤਾਰਨ, ਪੱਟੀ, ਜੰਡਿਆਲਾ ਗੁਰੂ, ਰਈਆ ਤੋਂ ਬਹੁਤ ਸਾਰੇ ਸ਼ੈਲਰ ਮਾਲਕ ਹਾਜ਼ਰ ਸਨ |
