ਮੀਆਂਵਿੰਡ, 24 ਦਸੰਬਰ (ਗੁਰਪ੍ਰਤਾਪ ਸਿੰਘ ਸੰਧੂ)-ਸਥਾਨਕ ਪਿੰਡ ਮੀਆਂਵਿੰਡ ਵਿਖੇ ਗੁਰਦੁਆਰਾ ਪੱਤੀ ਬਜ਼ਾਰ ਵਿਖੇ ਚਾਰ ਸਾਹਿਬਜ਼ਾਦਿਆਂ, ਮਾਤਾ ਗੁਜਰੀ ਜੀ ਅਤੇ ਬਾਬਾ ਮੋਤੀ ਰਾਮ ਮਹਿਰਾ ਦੀ ਸ਼ਹੀਦੀ ਨੂੰ ਸਮਰਪਿਤ 21ਵਾਂ ਗੁਰਮਤਿ ਸਮਾਗਮ 27 ਦਸੰਬਰ 13 ਪੋਹ ਨੂੰ ਗੁਰਦੁਆਰਾ ਪੱਤੀ ਬਾਜ਼ਾਰ ਵਿਖੇ ਬੜੀ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਮੁਨਸ਼ੀ ਰਣਜੀਤ ਸਿੰਘ ਰਾਣਾ ਮੀਆਂਵਿੰਡ ਨੇ ਦੱਸਿਆ ਕਿ ਸਵੇਰੇ ਬੀਬੀਆਂ ਵਲੋਂ ਰੱਖੇ ਸਹਿਜ ਪਾਠ ਅਤੇ ਸ੍ਰੀ ਸੁਖਮਨੀ ਸਾਹਿਬ ਦੇ ਪਾਠ ਦੇ ਭੋਗ ਪਵਾਏ ਜਾਣਗੇ ਅਤੇ ਰਾਤ 6 ਵਜੇ ਤੋਂ 10.50 ਵਜੇ ਤੱਕ ਖੁੱਲ੍ਹੇ ਪੰਡਾਲ ਵਿਚ ਧਾਰਮਿਕ ਸਮਾਗਮ ਦੌਰਾਨ ਕਿ੍ਪਾਲ ਸਿੰਘ ਗਗੜੇਵਾਲ ਦੇ ਕਵੀਸ਼ਰੀ ਜਥੇ, ਗੁਰਦੁਆਰਾ ਸਾਹਿਬ ਦੇ ਗ੍ਰੰਥੀ ਬਾਬਾ ਪਰਮਜੀਤ ਸਿੰਘ ਦੇ ਕੀਰਤਨੀ ਜਥੇ ਅਤੇ ਕਥਾਵਾਚਕ ਲਵਪ੍ਰੀਤ ਸਿੰਘ ਵਲੋਂ ਪਹੁੰਚੀ ਹੋਈ ਸੰਗਤ ਨੂੰ ਗੁਰੂ ਇਤਿਹਾਸ ਨਾਲ ਜੋੜਿਆ ਜਾਵੇਗਾ | ਇਸ ਮੌਕੇ ਠੇਕੇਦਾਰ ਜਤਿੰਦਰ ਸਿੰਘ, ਕਰਮਜੀਤ ਸਿੰਘ ਕੰਡਾ, ਮੈਂਬਰ ਪੂਰਨ ਸਿੰਘ, ਫ਼ੌਜੀ ਸੁਰਜੀਤ ਸਿੰਘ ਪਿੰਟੂ, ਬਿੱਲੂ ਸਿੰਘ, ਗਗਨ ਸਿੰਘ, ਰਾਣਾ ਹੱਟੀ ਵਾਲਾ ਆਦਿ ਹਾਜ਼ਰ ਸਨ |
