ਚੰਡੀਗੜ੍ਹ, 25 ਸਤੰਬਰ (ਅਜੀਤ ਬਿਊਰੋ)-ਸਟੇਟ ਬੈਂਕ ਆਫ਼ ਇੰਡੀਆ ਦੇ ਮੁੱਖ ਦਫ਼ਤਰ ਨੇ ਸੈਕਟਰ-17 ਚੰਡੀਗੜ੍ਹ ਵਿਖੇ ਇਕ ਦਿਨ ਇਕ ਘੰਟਾ ਇਕੱਠੇ ਹੋ ਕਿ ਸਫ਼ਾਈ ਮੁਹਿੰਮ ਚਲਾਈ ਗਈ | ਇਸ ਸਮਾਗਮ ਵਿਚ ਮੁੱਖ ਜਨਰਲ ਮੈਨੇਜਰ ਕਿ੍ਸ਼ਨ ਸ਼ਰਮਾ, ਜਨਰਲ ਮੈਨੇਜਰ (ਨੈੱਟਵਰਕ-99) ਨੀਰਜ ਭਾਰਤੀ, ਜਨਰਲ ਮੈਨੇਜਰ (ਨੈੱਟਵਰਕ-999) ਵਿਮਲ ਕਿਸ਼ੋਰ, ਜਨਰਲ ਮੈਨੇਜਰ (ਨੈੱਟਵਰਕ-99) ਮਨਮੀਤ ਐਸ. ਛਾਬੜਾ, ਡਿਪਟੀ ਜਨਰਲ ਮੈਨੇਜਰ ਅਤੇ ਡਿਵੀਜ਼ਨਲ ਵਿਕਾਸ ਅਧਿਕਾਰੀ ਕਾਜਲ ਕੁਮਾਰ ਸਮੇਤ ਹੋਰ ਪਤਵੰਤੇ ਸੱਜਣਾਂ ਅਤੇ ਸਟਾਫ਼ ਮੈਂਬਰਾਂ ਨੇ ਸਰਗਰਮੀ ਨਾਲ ਸ਼ਿਰਕਤ ਕੀਤੀ | ਇਸ ਸਫਾਈ ਮੁਹਿੰਮ ਨੇ ਨਾ ਸਿਰਫ਼ ਭਾਈਚਾਰਕ ਭਾਗੀਦਾਰੀ ਦੀ ਭਾਵਨਾ ਨੂੰ ਉਤਸ਼ਾਹਿਤ ਕੀਤਾ ਸਗੋਂ ਇਕ ਸਾਫ਼ ਵਾਤਾਵਰਨ ਬਣਾਈ ਰੱਖਣ ਅਤੇ ਦੇਸ਼ ਦੀ ਸਫ਼ਾਈ ਲਈ ਇਕੱਠੇ ਕੰਮ ਕਰਨ ਪ੍ਰਤੀ ਜ਼ਿੰਮੇਵਾਰੀ ਦੀ ਮਜ਼ਬੂਤ ਭਾਵਨਾ ਦਾ ਪ੍ਰਦਰਸ਼ਨ ਵੀ ਕੀਤਾ |
