ਚੰਡੀਗੜ੍ਹ, 21 ਨਵੰਬਰ (ਕਪਿਲ ਵਧਵਾ)-ਚੰਡੀਗੜ੍ਹ ਪੁਲਿਸ ਵਲੋਂ ਜਨਤਕ ਥਾਵਾਂ 'ਤੇ ਸ਼ਰਾਬ ਪੀਣ ਤੇ ਹੰਗਾਮਾ ਖੜ੍ਹਾ ਕਰਨ ਵਾਲਿਆਂ ਵਿਰੁੱਧ ਚਲਾਈ ਗਈ ਖ਼ਾਸ ਮੁਹਿੰਮ ਦੌਰਾਨ ਵੱਖਵੱਖ ਥਾਵਾਂ ਤੋਂ ਕੁਲ 18 ਵਿਅਕਤੀਆਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਇਹ ਕਾਰਵਾਈ 19 ਤੇ 20 ਨਵੰਬਰ ਨੂੰ ਸ਼ਹਿਰ ਦੇ ਕਈ ਇਲਾਕਿਆਂ ਵਿਚ ਕੀਤੀ ਗਈ | ਸਾਰੇ ਮਾਮਲਿਆਂ 'ਚ ਧਾਰਾ 68-1(ਬੀ) ਪਬਲਿਕ ਪ੍ਰਾਪਰਟੀ ਐਕਟ 2007 ਅਤੇ ਧਾਰਾ 355 ਬੀ. ਐਨ. ਐੱਸ. ਦੇ ਤਹਿਤ ਵੱਖ-ਵੱਖ ਥਾਣਿਆਂ 'ਚ ਕੇਸ ਦਰਜ ਕੀਤੇ ਗਏ ਹਨ | ਜਿਸ ਤੋਂ ਬਾਅਦ ਗਿ੍ਫ਼ਤਾਰ ਵਿਅਕਤੀਆਂ ਨੂੰ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ | ਜਾਣਕਾਰੀ ਅਨੁਸਾਰ ਪੁਲਿਸ ਨੇ ਵੀਰਵਾਰ ਨੂੰ ਪਿੰਕੂ ਨਿਵਾਸੀ ਧਨਾਸ ਨੂੰ ਮਿਲਕ ਕਾਲੋਨੀ ਲਾਈਟ ਪੁਆਇੰਟ ਤੋਂ, ਵਿਜੇ ਨੂੰ ਟਰਾਂਸਪੋਰਟ ਏਰੀਆ ਸੈਕਟਰ26 ਤੋਂ, ਗੁਰਮੀਤ ਸਿੰਘ ਨੂੰ ਟਿੰਬਰ ਮਾਰਕੀਟ ਐਂਟਰੀ ਰੋਡ, ਸੈਕਟਰ26 ਤੋਂ, ਹਰਿਸ਼ ਸ਼ਰਮਾ ਨੂੰ ਸੈਕਟਰ30 ਬੀ ਮਾਰਕੀਟ ਪਾਰਕਿੰਗ ਤੋਂ, ਦੀਪਕ ਨੂੰ ਮੌਲੀਜਾਗਰਾ ਪੁਲਿਸ ਸਟੇਸ਼ਨ ਚੌਕ ਤੋਂ, ਰਾਹੁਲ ਕੁਮਾਰ ਨੂੰ ਮੰਡੀ ਵਿਕਾਸ ਨਗਰ ਮੌਲੀ ਜਾਗਰਾਂ ਤੋਂ ਅਤੇ ਕਰਨਵੀਰ ਸਿੰਘ ਨੂੰ ਮਨੀਮਾਜਰਾ ਵਿਚ ਸਰਕਾਰੀ ਵੈਟਰਨਰੀ ਹਸਪਤਾਲ ਨੇੜੇ ਤੋਂ ਕਾਬੂ ਕੀਤਾ | ਇਸ ਤੋਂ ਇਲਾਵਾ, ਪੁਲਿਸ ਨੇ ਅਰੁਣ ਕੁਮਾਰ ਨੂੰ ਕਮਿਊਨਿਟੀ ਸੈਂਟਰ ਕਿਸ਼ਨਗੜ੍ਹ ਨੇੜੇ ਤੋਂ, ਸੰਨੀ ਨੂੰ ਰਮਦਰਬਾਰ ਫੇਜ਼2 ਏਅਰਫੋਰਸ ਕੰਧ ਨੇੜੇ ਤੋਂ, ਓਮ ਕੁਮਾਰ ਨੂੰ ਮੋਟਰ ਮਾਰਕੀਟ ਸੈਕਟਰ48 ਤੋਂ ਅਤੇ ਕੁਲਦੀਪ ਨੂੰ ਦਾਦੂ ਮਾਜਰਾ ਰਾਮ-ਲੀਲ੍ਹਾ ਮੈਦਾਨ ਨੇੜੇ ਤੋਂ ਗਿ੍ਫ਼ਤਾਰ ਕੀਤਾ | ਇਨ੍ਹਾਂ ਸਾਰਿਆਂ ਨੂੰ ਸ਼ਰਾਬ ਪੀ ਕੇ ਜਨਤਕ ਥਾਂ 'ਤੇ ਹੰਗਾਮਾ ਕਰਨ ਦੇ ਦੋਸ਼ਾਂ 'ਤੇ ਕਾਬੂ ਕੀਤਾ | 19 ਨਵੰਬਰ ਨੂੰ ਮਨੋਜ ਨੂੰ ਲੱਕੀ ਸਰਵਿਸ ਸਟੇਸ਼ਨ ਕੈਂਬਵਾਲਾ ਨੇੜੇ ਤੋਂ, ਆਕਾਸ਼ ਕੁਮਾਰ ਨੂੰ ਉਦਯੋਗਿਕ ਖੇਤਰ ਫੇਜ਼1 ਤੋਂ, ਪੰਕਜ ਨੂੰ ਮਿਡਲਵੇਅਰ ਮਾਰਕੀਟ ਫੇਜ਼1 ਤੋਂ, ਰਜਿੰਦਰ ਕੁਮਾਰ ਨੂੰ ਮੋਟਰ ਮਾਰਕੀਟ ਮਨੀਮਾਜਰਾ ਤੋਂ, ਸਤੀਸ਼ ਨੂੰ ਐਨ. ਏ. ਸੀ. ਮੌਲੀ ਜਾਗਰਾਂ ਤੋਂ, ਕਪਿਲ ਦੇਵ ਨੂੰ ਸਰਕਸ ਪਾਰਕ ਰਾਮਦਰਬਾਰ ਤੋਂ ਅਤੇ ਸੁਰੇਸ਼ ਨੂੰ ਕਜਹੇੜੀ ਮਿਨੀ ਗਰਾਊਾਡ ਨੇੜੇ ਤੋਂ ਗਿ੍ਫ਼ਤਾਰ ਕੀਤਾ ਗਿਆ ਸੀ | ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਜਨਤਕ ਥਾਵਾਂ 'ਤੇ ਸ਼ਰਾਬ ਪੀਣ ਵਾਲਿਆਂ ਵਿਰੁੱਧ ਕਾਰਵਾਈ ਜਾਰੀ ਰਹੇਗੀ |
