ਬਠਿੰਡਾ, 2 ਜੂਨ (ਸੱਤਪਾਲ ਸਿੰਘ ਸਿਵੀਆਂ)-ਬਠਿੰਡਾ ਦੀ ਇਕ ਅਦਾਲਤ ਵਲੋਂ 70 ਲੱਖ ਰੁਪਏ ਦਾ ਚੈੱਕ ਬਾਊਾਸ ਹੋਣ ਦੇ ਪਿਛਲੇ ਤਿੰਨ ਸਾਲਾਂ ਤੋਂ ਚੱਲ ਰਹੇ ਮਾਮਲੇ ਦਾ ਨਿਪਟਾਰਾ ਕਰਦਿਆਂ ਇਕ ਵਿਅਕਤੀ ਨੂੰ ਇਸ ਮਾਮਲੇ 'ਚੋਂ ਬਾਇੱਜ਼ਤ ਬਰੀ ਕਰਨ ਦਾ ਹੁਕਮ ਸੁਣਾਇਆ ਹੈ | ਜਾਣਕਾਰੀ ਅਨੁਸਾਰ ਸਥਾਨਕ ਸ਼ਹਿਰ ਦੀ ਵਸਨੀਕ ਇਕ ਔਰਤ ਵਲੋਂ ਲੁਧਿਆਣਾ ਦੇ ਰਹਿਣ ਵਾਲੇ ਹੰਸ ਰਾਜ ਨਾਂਅ ਦੇ ਵਿਅਕਤੀ ਤੋਂ 70 ਲੱਖ ਰੁਪਏ ਲੈਣ ਦਾ ਦਾਅਵਾ ਕਰਦੇ ਹੋਏ ਉਸ ਦੇ ਖਾਲੀ ਚੈੱਕ ਉੱਪਰ 70 ਲੱਖ ਰੁਪਏ ਸਬੰਧਿਤ ਬੈਂਕ 'ਚ ਚੈੱਕ ਲਗਾਇਆ ਗਿਆ ਸੀ, ਜਿਸ ਦੇ ਬਾਊਾਸ ਹੋਣ ਉਪਰੰਤ ਉਕਤ ਅÏਰਤ ਵਲੋਂ ਸਾਲ 2022 'ਚ ਉਕਤ ਵਿਅਕਤੀ ਦੇ ਖਿਲਾਫ਼ ਬਠਿੰਡਾ ਅਦਾਲਤ 'ਚ ਕੇਸ ਦਾਖ਼ਲ ਕੀਤਾ ਗਿਆ ਸੀ | ਹੁਣ ਜੇ. ਐਮ. ਸੀ. ਆਈ. ਬਠਿੰਡਾ ਦੀ ਅਦਾਲਤ ਨੇ ਇਸ ਕੇਸ ਦਾ ਨਿਪਟਾਰਾ ਕਰਦਿਆਂ ਬਚਾਅ ਪੱਖ ਦੇ ਵਕੀਲ ਸਰਬਜੀਤ ਸਿੰਘ ਦੀਆਂ ਠੋਸ ਦਲੀਲਾਂ ਨਾਲ ਸਹਿਮਤ ਹੁੰਦੇ ਹੋਏ ਅਤੇ ਸਬੂਤਾਂ ਦੀ ਘਾਟ ਦੇ ਮੱਦਨਜ਼ਰ ਇਸ ਮੁਕੱਦਮੇ 'ਚੋਂ ਹੰਸ ਰਾਜ ਵਾਸੀ ਲੁਧਿਆਣਾ ਨੂੰ ਬਰੀ ਕਰ ਦਿੱਤਾ ਹੈ |
