ਰੂਪਨਗਰ, 3 ਸਤੰਬਰ (ਯਸ਼ਵੰਤ ਬੱਸੀ)-ਰੂਪਨਗਰ ਦੇ ਮੁਸਲਿਮ ਭਾਈਚਾਰੇ ਦੇ ਵਫ਼ਦ ਨੇ ਡਿਪਟੀ ਕਮਿਸ਼ਨਰ ਨੂੰ ਮੰਗ ਪੱਤਰ ਸੌਂਪਿਆ | ਜਿਸ ਵਿਚ ਮੰਗ ਕੀਤੀ ਗਈ ਕਿ 5 ਸਤੰਬਰ 2025 ਨੂੰ ਹਜ਼ਰਤ ਮੁਹੰਮਦ ਸਾਹਿਬ ਦੇ ਜਨਮ ਦਿਨ ਨੂੰ ਧੂਮਧਾਮ ਨਾਲ ਮਨਾਇਆ ਜਾਵੇਗਾ ਅਤੇ ਉਸ ਦਿਨ ਸ਼ਰਾਬ ਦੀ ਵਿਕਰੀ 'ਤੇ ਰੋਕ ਲਗਾਈ ਜਾਵੇ | ਇਸਲਾਮ ਧਰਮ ਵਿਚ ਸ਼ਰਾਬ ਪੂਰੀ ਤਰ੍ਹਾਂ ਹਰਾਮ ਮੰਨੀ ਜਾਂਦੀ ਹੈ, ਇਸ ਲਈ ਮੁਸਲਮਾਨਾਂ ਦੀਆਂ ਧਾਰਮਿਕ ਭਾਵਨਾਵਾਂ ਦਾ ਖ਼ਿਆਲ ਰੱਖਦੇ ਹੋਏ ਸਰਕਾਰ ਨੂੰ ਇੱਕ ਦਿਨ ਲਈ ਸ਼ਰਾਬਬੰਦੀ ਲਾਗੂ ਕਰਨੀ ਚਾਹੀਦੀ ਹੈ | ਇਸ ਮੌਕੇ 'ਤੇ ਜਾਮਾ ਮਸਜਿਦ ਸ਼ੇਖਾਂ ਦੇ ਇਮਾਮ ਸੈਯਦ ਅਜ਼ਹਰ ਹਸਨ, ਬੜੀ ਹਵੇਲੀ ਮੁਸਲਮਾਨ ਭਾਈਚਾਰੇ ਦੇ ਪ੍ਰਧਾਨ ਫਤਹਿ ਖਾਨ, ਕਾਂਗਰਸ ਦੇ ਘਟ ਗਿਣਤੀ ਵਿਭਾਗ ਦੇ ਜ਼ਿਲ੍ਹਾ ਪ੍ਰਧਾਨ ਮੁਹੰਮਦ ਆਸਿਫ਼, ਬਸ਼ੀਰ ਅਹਿਮਦ, ਇਸਰਾਰ ਅਹਿਮਦ ਅਤੇ ਦਿਲਸ਼ਾਦ ਅਹਿਮਦ ਮੌਜੂਦ ਸਨ |
