ਬਾਬਾ ਸ੍ਰੀ ਚੰਦ ਜੀ ਦੇ ਜਨਮ ਦਿਹਾੜੇ ਮੌਕੇ ਵੱਖ-ਵੱਖ ਪਦਾਰਥਾਂ ਦੇ ਲਗਾਏ ਲੰਗਰ

ਜੈਂਤੀਪੁਰ, 4 ਸਤੰਬਰ (ਭੁਪਿੰਦਰ ਸਿੰਘ ਗਿੱਲ)-ਬਾਬਾ ਸ਼੍ਰੀ ਚੰਦ ਜੀ ਦੇ ਜਨਮ ਦਿਹਾੜੇ ਮੌਕੇ ਉੱਘੇ ਸਮਾਜ ਸੇਵੀ ਨਿਸ਼ਾਨ ਸਿੰਘ ਸਰਹਾਲਾ ਦੇ ਉਦਮਾ ਸਦਕਾ ਤੇ ਸੰਗਤਾਂ ਦੇ ਸਹਿਯੋਗ ਨਾਲ ਹਰੇਕ ਸਾਲ ਦੀ ਤਰ੍ਹਾਂ ਐਤਕੀ ਵੀਂ ਤਲਵੰਡੀ ਮੌੜ 'ਤੇ ਸੰਗਤਾਂ ਲਈ ਫਰੂਟ ਤੇ ਵੱਖ-ਵੱਖ ਪਦਾਰਥਾਂ ਦੇ ਲੰਗਰ ਲਗਾਏ ਗਏ | ਇਸ ਮੌਕੇ ਸਮਾਜ ਸੇਵੀ ਨਿਸ਼ਾਨ ਸਿੰਘ ਸਰਹਾਲਾ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਬਾਬਾ ਸ਼੍ਰੀ ਚੰਦ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਹਰੇਕ ਸਾਲ ਦੀ ਤਰ੍ਹਾਂ ਗੁਰਦੁਆਰਾ ਸ਼ਹੀਦ ਬਾਬਾ ਬਚਾਉਆਣਾ ਪਿੰਡ ਵਰਪਾਲ ਤੋਂ ਸਲਾਨਾ ਯਾਤਰਾ ਜਥੇਦਾਰ ਕੁਲਵੰਤ ਸਿੰਘ ਪੰਡੋਰੀ ਮਹਿਮਾ ਦੀ ਅਗਵਾਈ ਵਿਚ ਸੌ ਦੇ ਕਰੀਬ ਬੱਸਾਂ ਅਤੇ ਕਾਰਾਂ ਦੇ ਵੱਡੇ ਕਾਫਲੇ ਦੇ ਰੂਪ ਵਿਚ ਜੈਕਾਰਿਆਂ ਦੀ ਗੂੰਜ ਵਿਚ ਆਰੰਭ ਹੋਈ ਸੀ, ਤਲਵੰਡੀ ਮੌੜ 'ਤੇ ਪੁੱਜਣ ਤੇ ਪ੍ਰਬੰਧਕਾਂ ਤੇ ਸੰਗਤਾਂ ਵਲੋਂ ਭਰਵਾਂ ਸਵਾਗਤ ਕੀਤਾ ਗਿਆ | ਇਸ ਮੌਕੇ ਨਿਸ਼ਾਨ ਸਿੰਘ ਸਰਹਾਲਾ ਤੋਂ ਇਲਾਵਾ ਮਨਪ੍ਰੀਤ ਸਿੰਘ ਪਾਖਰਪੁਰ, ਕਿਰਪਾਲ ਸਿੰਘ ਪਾਖਰਪੁਰ , ਪਿ੍ੰਸ ਖੈੜੇ , ਹਰਪਾਲ ਸਿੰਘ ਮੁਗੋਸੋਹੀ, ਜੋਬਨਜੀਤ ਸਿੰਘ, ਗੁਰਪਿੰਦਰ ਸਿੰਘ, ਖੁਸ਼ਪ੍ਰੀਤ ਸਿੰਘ ਸਰਹਾਲਾ, ਦਵਿੰਦਰ ਸਿੰਘ, ਸਰਹਾਲਾ, ਸਰਪੰਚ ਗੁਰਭੇਜ ਸਿੰਘ ਸੋਨਾ, ਲਾਡਾ ਤਲਵੰਡੀ ਲਾਲੀ ਤਲਵੰਡੀ, ਧਰਮਿੰਦਰ ਸਿੰਘ, ਪਾਖਰਪੁਰ, ਦਿਲਸ਼ੇਰ ਸਿੰਘ ਸੁਲਤਾਨਵਿੰਡ, ਖੁਸ਼ਦਿਲ ਸਿੰਘ, ਅੰਮਿ੍ਤ ਸਿੰਘ ਸੇਖ਼ੂਪੁਰ, ਜੱਸ ਢਡਿਆਲਾ, ਜਰਮਨਜੀਤ ਸਿੰਘ ਹਾਜ਼ਰ ਸਨ |