ਪ੍ਰਧਾਨ ਸੁਖਬੀਰ 27 ਨੂੰ ਹਲਕਾ ਅਜਨਾਲਾ ਦੇ ਹੜ੍ਹ ਪ੍ਰਭਾਵਿਤ ਲੋਕਾਂ ਨੂੰ ਪਸ਼ੂਆਂ ਲਈ ਚਾਰਾ ਵੰਡਣ ਦੀ ਕਰਨਗੇ ਸ਼ੁਰੂਆਤ-ਸਮਰਾ, ਵਿਛੋਆ <br/>

ਅਜਨਾਲਾ, ਜਗਦੇਵ ਕਲਾਂ, ਗੱਗੋਮਾਹਲ, 23 ਸਤੰਬਰ (ਢਿੱਲੋਂ/ ਗਿੱਲ, ਸੰਧੂ)-ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਹੜ੍ਹ ਪੀੜਤਾਂ ਦੇ ਪਸ਼ੂਆਂ ਲਈ ਭੇਜੇ ਚਾਰੇ ਦੇ ਟਰੱਕਾਂ ਨੂੰ ਪ੍ਰਾਪਤ ਕਰਨ ਮੌਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਕੌਮੀ ਮੀਤ ਪ੍ਰਧਾਨ ਤੇ ਵਿਧਾਨ ਸਭਾ ਹਲਕਾ ਅਜਨਾਲਾ ਦੇ ਇੰਚਾਰਜ ਤੇ ਸ਼੍ਰੋਮਣੀ ਕਮੇਟੀ ਮੈਂਬਰ ਜੋਧ ਸਿੰਘ ਸਮਰਾ ਅਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਅੰਤਿੰ੍ਰਗ ਕਮੇਟੀ ਮੈਂਬਰ ਮਾਸਟਰ ਅਮਰੀਕ ਸਿੰਘ ਵਿਛੋਆ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਇਹ ਟਰੱਕਾਂ ਦਾ ਕਾਫ਼ਲਾ ਪਿੰਡ ਵਿਛੋਆ ਵਿਖੇ ਪ੍ਰਾਪਤ ਕਰਕੇ ਟਰਾਲੀਆਂ ਵਿਚ ਭਰਿਆ ਗਿਆ ਹੈ ਜਿਸ ਨੂੰ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਤੇ ਸਮੁੱਚੀ ਲੀਡਰਸ਼ਿਪ 27 ਸਤੰਬਰ ਵਾਲੇ ਦਿਨ ਹੜ੍ਹ ਪੀੜਤ ਪਿੰਡਾਂ ਨੂੰ ਰਵਾਨਾ ਕਰੇਗੀ |
ਇਸ ਮੌਕੇ ਸੁਖਦੇਵ ਸਿੰਘ ਸੁਧਾਰ, ਬ੍ਰਹਮ ਸਿੰਘ ਝੰਡੇਰ, ਫ਼ੌਜੀ ਜਸਮੇਰ ਸਿੰਘ ਜੱਸੜ, ਗੁਰਲਾਲ ਸਿੰਘ ਵਿਛੋਆ, ਪੀ.ਏ ਗੁਰਭੇਜ ਸਿੰਘ ਭੱਟੀ, ਸਾਬਕਾ ਸਰਪੰਚ ਪਰਗਟ ਸਿੰਘ ਚੱਕਬਾਲਾ ਤੇ ਹੋਰ ਹਾਜ਼ਰ ਸਨ |