ਅਜਨਾਲਾ, 24 ਸਤੰਬਰ (ਗੁਰਪ੍ਰੀਤ ਸਿੰਘ ਢਿੱਲੋਂ)-ਪਸ਼ੂ ਹਸਪਤਾਲ ਜਸਰਾਊਰ ਵਿਖੇ ਹੜ੍ਹ ਪ੍ਰਭਾਵਿਤ ਪਸ਼ੂਆਂ ਸੰਬੰਧੀ ਰਾਹਤ ਕੈਂਪ ਲਗਾਇਆ ਗਿਆ, ਜਿਸ ਵਿਚ ਆਮ ਆਦਮੀ ਪਾਰਟੀ ਹਲਕਾ ਰਾਜਾਸਾਂਸੀ ਦੇ ਇੰਚਾਰਜ ਮੈਡਮ ਸੋਨੀਆ ਮਾਨ ਨੇ ਵਿਸ਼ੇਸ਼ ਤੌਰ 'ਤੇ ਹਿੱਸਾ ਲਿਆ | ਕੈਂਪ ਦੌਰਾਨ ਡਾ: ਬਲਤੇਜ ਸਿੰਘ ਵੈਟਰਨਰੀ ਅਫ਼ਸਰ ਅਜਨਾਲਾ ਨੇ ਪਸ਼ੂਆਂ ਵਿਚ ਵੈਕਸੀਨ ਦੀ ਮਹੱਤਤਾ ਬਾਰੇ ਦੱਸਿਆ | ਡਾ: ਅਮਰਪ੍ਰੀਤ ਸਿੰਘ ਪੰਨੂੰ ਸੀਨੀਅਰ ਵੈਟਰਨਰੀ ਅਫ਼ਸਰ ਨੇ ਪਾਲਕਾਂ ਨੂੰ ਪਸ਼ੂਆਂ ਲਈ ਮੁਫ਼ਤ ਦਵਾਈਆਂ ਵੰਡੀਆਂ | ਇਸ ਕੈਂਪ ਵਿਚ ਰੇਸ਼ਮ ਸਿੰਘ ਵੜੈਚ, ਸੁਖਦੀਪ ਸਿੰਘ ਛੀਨਾਂ, ਡਾ: ਗੁਰਸਿਮਰਦੀਪ ਸਿੰਘ ਵੀ.ਓ ਜਸਰਾਊਰ, ਕੁਲਜੰਟ ਸਿੰਘ ਵੀ.ਓ ਬਾਸਰਕੇ ਗਿੱਲ, ਜਗਜੀਤ ਸਿੰਘ ਵੀ.ਆਈ, ਸਤਨਾਮ ਸਿੰਘ, ਸ: ਪ੍ਰੀਤਪਾਲ ਸਿੰਘ ਸੌੜੀਆਂ, ਸਰਤਾਜ ਸਿੰਘ, ਲਖਵਿੰਦਰ ਸਿੰਘ, ਸ਼ਮਸ਼ੇਰ ਸਿੰਘ ਅਤੇ ਨਵਤੇਜ ਸਿੰਘ ਭਿੰਡੀ ਔਲਖ ਨੇ ਹਿੱਸਾ ਲਿਆ |
