ਕੋਟਕਪੂਰਾ, 3 ਸਤੰਬਰ (ਮੋਹਰ ਸਿੰਘ ਗਿੱਲ)-ਸਹਾਇਕ ਥਾਣੇਦਾਰ ਗੁਰਮੇਲ ਸਿੰਘ ਸਮੇਤ ਪੁਲਿਸ ਪਾਰਟੀ ਦੇ ਗਸ਼ਤ ਅਤੇ ਚੈਕਿੰਗ ਦੇ ਸਬੰਧ ਵਿਚ ਬੱਤੀਆਂ ਵਾਲਾ ਚੌਕ ਕੋਟਕਪੂਰਾ ਮੌਜੂਦ ਸੀ ਤਾਂ ਮੁਖ਼ਬਰ ਖ਼ਾਸ ਨੇ ਦੱਸਿਆ ਕਿ ਸੋਮਨਾਥ, ਗੋਲਡੀ, ਰਾਜ ਕੁਮਾਰ ਸਾਰੇ ਵਾਸੀ ਕੋਟਕਪੂਰਾ ਜੋ ਸਰਕਾਰ ਦੀ ਲਾਟਰੀ ਦੀ ਆੜ ਵਿਚ ਭੋਲੇ ਭਾਲੇ ਲੋਕਾਂ ਨੂੰ ਧੋਖੇ 'ਚ ਰੱਖ ਕੇ ਝੂਠ ਮਾਰਦੇ ਹਨ ਕਿ ਸਾਡੇ ਪਾਸ ਮਾਨਤਾ ਪ੍ਰਾਪਤ ਲਾਟਰੀ ਹੈ ਪ੍ਰੰਤੂ ਕੋਈ ਪਰਚੀ ਕੱਢ ਕੇ ਨਹੀਂ ਦਿੰਦੇ, ਸਗੋਂ ਹੱਥ ਨਾਲ ਲਿਖ ਕੇ ਪਰਚੀ ਦੇ ਦਿੰਦੇ ਹਨ ਅਤੇ ਆਪਣੀ ਨੋਟ ਬੁੱਕ 'ਤੇ ਨੰਬਰ ਨੋਟ ਕਰਦੇ ਹਨ | ਲਾਟਰੀ ਦੀ ਆੜ ਵਿਚ ਦੜਾ ਸੱਟਾ ਲਗਾਉਂਦੇ ਹਨ ਅਤੇ ਸਰਕਾਰ ਨੂੰ ਚੂਨਾ ਲਗਾਉਂਦੇ | ਪੁਲਿਸ ਪਾਰਟੀ ਨੇ ਤੁਰੰਤ ਛਾਪਾਮਾਰੀ ਕਰਕੇ ਉਕਤ ਤਿੰਨਾਂ ਵਿਅਕਤੀਆਂ ਨੂੰ 33,580 ਰੁਪਏ ਭਾਰਤੀ ਕਰੰਸੀ ਨੋਟ ਸਮੇਤ ਗਿ੍ਫ਼ਤਾਰ ਕਰਕੇ ਇਨ੍ਹਾਂ ਵਿਰੁੱਧ ਸ਼ਹਿਰੀ ਪੁਲਿਸ ਸਟੇਸ਼ਨ ਕੋਟਕਪੂਰਾ ਵਿਖੇ ਮਾਮਲਾ ਦਰਜ ਕੀਤਾ ਹੈ |
