ਫ਼ਰੀਦਕੋਟ, 1 ਨਵੰਬਰ (ਜਸਵੰਤ ਸਿੰਘ ਪੁਰਬਾ)-ਦਿੱਲੀ ਇੰਟਰਨੈਸ਼ਨਲ ਸਕੂਲ ਦੀ ਪਹਿਲੀ ਤੋਂ ਪੰਜਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਇਕ ਰੋਮਾਂਚਕ ਟੇਬਲ ਡੋਜਿੰਗ ਮੁਕਾਬਲਾ ਕਰਵਾਇਆ ਗਿਆ | ਇਸ ਮੁਕਾਬਲੇ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ 'ਚ ਦਿਮਾਗੀ ਫ਼ੁਰਤੀ ਦਾ ਵਿਕਾਸ ਕਰਨਾ ਸੀ | ਇਹ ਮੁਕਾਬਲਾ ਸਕੂਲ ਦੇ ਐਕਟੀਵਿਟੀ ਹਾਲ ਵਿਚ ਕਰਵਾਇਆ ਗਿਆ ਜਿੱਥੇ ਵੱਖ-ਵੱਖ ਜਮਾਤਾਂ ਦੇ ਵਿਦਿਆਰਥੀਆਂ ਨੇ ਬਹੁਤ ਉਤਸ਼ਾਹ ਨਾਲ ਭਾਗ ਲਿਆ ਅਤੇ ਆਪਣੀ ਦਿਮਾਗੀ ਹਾਜ਼ਰੀ ਅਤੇ ਫ਼ੁਰਤੀ ਲੇਪਣ ਨਾਲ ਸਭ ਨੂੰ ਪ੍ਰਭਾਵਿਤ ਕੀਤਾ | ਹਾਜ਼ਰੀਨ ਵਿਦਿਆਰਥੀਆਂ ਦੀਆਂ ਤਾਲੀਆਂ ਅਤੇ ਹੌਸਲਾ-ਅਫਜ਼ਾਈ ਨੇ ਮਾਹੌਲ ਨੂੰ ਹੋਰ ਵੀ ਰੌਣਕ ਦਾਰ ਬਣਾ ਦਿੱਤਾ | ਮੁਕਾਬਲੇ 'ਚ ਪਹਿਲੀ ਜਮਾਤ 'ਚੋਂ ਭਵਿਅੰਸ਼ ਮੌਂਗਾ, ਰਯਾਨਬੀਰ ਸਿੰਘ , ਗੁਰਨਾਵ ਸਿੰਘ ਤੇ ਮਨਜੋਤ ਸਿੰਘ, ਦੂਜੀ ਜਮਾਤ 'ਚੋਂ ਹਰਕਿਰਨ ਕੌਰ, ਹਰਸਿਮਰਤ ਕੌਰ, ਸ਼ਾਹਨਵਾਬ ਸਿੰਘ ਅਤੇ ਪਿ੍ਥਮਪ੍ਰੀਤ ਸਿੰਘ, ਤੀਜਾ ਜਮਾਤ ਵਿਚੋਂ ਸੋਮ ਸ਼ਰਮਾ, ਮਨਸੁੱਖ ਸਿੰਘ, ਹਰਨਿਮਰਤ ਕੌਰ ਬਰਾੜ, ਜੈਸਲੀਨ ਕੌਰ, ਚੌਥੀ ਜਮਾਤ ਵਿਚੋਂ ਸ਼ਿਵਨਿਆ, ਪਵਲੀਨ, ਦੇਵ ਅਤੇ ਪ੍ਰਭਕੀਰਤ, ਪੰਜਵੀਂ ਜਮਾਤ ਵਿਚੋਂ ਗੁਰਨੂਰ ਕੌਰ, ਸਿਦਕਦੀਪ ਕੌਰ, ਪੌਰਵ ਸੋਨੀ ਤੇ ਗੁਰਮੰਤ ਸਿੰਘ ਜੇਤੂ ਰਹੇ | ਜੇਤੂਆਂ ਨੂੰ ਪਿ੍ੰਸੀਪਲ ਪਿ੍ਯੰਕਾ ਬਰਾੜ ਨੇ ਮੁਬਾਰਕਬਾਦ ਦਿੰਦਿਆਂ ਸਨਮਾਨਿਤ ਕੀਤਾ | ਚੇਅਰਮੈਨ ਆਸ਼ੀਸ਼ ਤੋਲਾ, ਡਾਇਰੈਕਟਰ ਅਨੂਪਮਾ ਤੋਲਾ ਅਤੇ ਸ਼ਿਵਮ ਤੋਲਾ ਨੇ ਪ੍ਰਤੀਭਾਸ਼ਾਲੀ ਵਿਦਿਆਰਥੀਆਂ ਤੇ ਉਨ੍ਹਾਂ ਦੀ ਤਿਆਰੀ ਕਰਵਾਉਣ ਵਾਲੇ ਅਧਿਆਪਕਾਂ ਹੌਸਲਾ ਅਫ਼ਜਾਈ ਕੀਤੀ |
