ਹੈਦਰਾਬਾਦ, 5 ਦਸੰਬਰ (ਏਜੰਸੀ)-ਇਥੋਂ ਦੇ ਰਾਜੀਵ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਅੱਜ ਧਮਕੀ ਭਰਿਆ ਈਮੇਲ ਆਇਆ ਜਿਸ ਵਿਚ ਅਮੀਰਾਤ ਦੀ ਦੁਬਈ-ਹੈਦਰਾਬਾਦ ਉਡਾਣ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ, ਜਿਸ ਕਾਰਨ ਹਵਾਈ ਅੱਡੇ 'ਤੇ ਜਹਾਜ਼ ਦੇ ਉਤਰਨ ਤੋਂ ਬਾਅਦ ਸੁਰੱਖਿਆ ਪ੍ਰਬੰਧਾਂ ਵਜੋਂ ਜਾਂਚ ਕੀਤੀ ਗਈ | ਜਾਣਕਾਰੀ ਅਨੁਸਾਰ 5 ਦਸੰਬਰ ਨੂੰ ਦੁਬਈ ਤੋਂ ਹੈਦਰਾਬਾਦ ਉਡਾਣ ਈ ਕੇ526 'ਚ ਅੱਜ ਸਵੇਰੇ 7.30 ਵਜੇ ਹੈਦਰਾਬਾਦ ਹਵਾਈ ਅੱਡੇ 'ਤੇ ਈਮੇਲ ਆਇਆ | ਇਹ ਉਡਾਣ ਸਵੇਰੇ 8.30 ਵਜੇ ਹੈਦਰਾਬਾਦ 'ਚ ਸੁਰੱਖਿਅਤ ਉਤਰੀ | ਇਸ ਤੋਂ ਬਾਅਦ ਜਹਾਜ਼ ਵਿਚਲੇ ਸਾਮਾਨ ਤੇ ਯਾਤਰੀਆਂ ਦੀ ਜਾਂਚ ਕੀਤੀ ਗਈ | ਇਸ ਮÏਕੇ ਫਾਇਰ ਬਿ੍ਗੇਡ ਦੀਆਂ ਗੱਡੀਆਂ ਤਿਆਰ ਕੀਤੀਆਂ ਗਈਆਂ ਤੇ ਬੰਬ ਤੇ ਡÏਗ ਸਕੁਐਡ ਨੇ ਜਾਂਚ ਕੀਤੀ | ਬੋਇੰਗ 777-300ਈਆਰ (ਟਵਿਨ-ਜੈੱਟ) ਦੀ ਫਲਾਈਟ ਈਕੇ526 ਨੇ ਸਵੇਰੇ 3.51 ਵਜੇ ਦੁਬਈ ਤੋਂ ਉਡਾਣ ਭਰੀ ਸੀ |
