ਅੰਮਿ੍ਤਸਰ ਦੇ ਹਵਾਈ ਅੱਡੇ 'ਤੇ ਲਗਾਤਾਰ ਇੰਡੀਕੋ ਏਅਰਲਾਈਨ ਦੀਆਂ ਉਡਾਣਾਂ ਰੱਦ <br/>

ਰਾਜਾਸਾਂਸੀ, 6 ਦਸੰਬਰ (ਹਰਦੀਪ ਸਿੰਘ ਖੀਵਾ)-ਅੰਮਿ੍ਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਕੌਮਾਂਤਰੀ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਲਗਾਤਾਰ ਇੰਡੀਕੋ ਏਅਰਲਾਈਨ ਦੀਆਂ ਉਡਾਣਾਂ ਰੱਦ ਹੋ ਰਹੀਆਂ ਹਨ, ਜਿਸ ਤਹਿਤ ਚੌਥੇ ਦਿਨ ਵੀ ਸਵੇਰ ਤੋਂ ਲੈ ਕੇ ਦੁਪਹਿਰ ਤੱਕ ਦੀਆਂ ਪੁਣੇ, ਦਿੱਲੀ ਹੈਦਰਾਬਾਦ, ਅਹਿਮਦਾਬਾਦ, ਸ੍ਰੀਨਗਰ ਦੀਆਂ ਉਡਾਣਾਂ ਰੱਦ ਰਹੀਆਂ | ਇਸ ਤੋਂ ਇਲਾਵਾ ਦੋਹਾ ਤੋਂ ਇੱਥੇ ਤੜਕੇ 2.40 ਵਜੇ ਪੁੱਜਣ ਵਾਲੀ ਕਤਰ ਏਅਰਵੇਜ਼ ਉਡਾਣ ਆਪਣੇ ਸਮੇਂ ਤੋਂ ਕਰੀਬ ਪੌਣੇ ਦੋ ਘੰਟੇ ਦੇਰੀ ਨਾਲ ਪਹੁੰਚੀ | ਦੁਬਈ ਤੋਂ ਏਥੇ ਸਵੇਰੇ 7.50 'ਤੇ ਏਥੇ ਪੁੱਜਣ ਵਾਲੀ ਸਪਾਈਸ ਜੈੱਟ ਦੀ ਉਡਾਣ ਕਰੀਬ ਸਵਾ ਘੰਟਾ ਦੇਰੀ ਨਾਲ ਪਹੁੰਚੀ | ਅੱਜ ਇੰਡੀਗੋ ਏਅਰਲਾਈਨ ਦੀਆਂ ਆਉਣ ਤੇ ਜਾਣ ਵਾਲੀਆਂ ਘਰੇਲੂ 12 ਉਡਾਣਾਂ ਰੱਦ ਰਹੀਆਂ | ਅੱਜ ਵੀ ਯਾਤਰੀ ਆਪਣੇ ਸਫਰ ਲਈ ਆਪਣੀਆਂ ਟਿਕਟਾਂ ਪੁਸ਼ਟੀ ਕਰਨ ਲਈ ਅੰਮਿ੍ਤਸਰ ਹਵਾਈ ਅੱਡੇ ਤੇ ਇੰਡੀਗੋ ਦੇ ਕਾਊਾਟਰ 'ਤੇ ਖੜੇ੍ਹ ਰਹੇ |