ਬੱਧਨੀ ਕਲਾਂ, 31 ਅਕਤੂਬਰ (ਸੰਜੀਵ ਕੋਛੜ)-ਠਾਕੁਰ ਦੁਆਰਾ ਮੰਦਰ ਬੱਧਨੀ ਕਲਾਂ 'ਚ ਸ੍ਰੀ ਖਾਟੂ ਸ਼ਿਆਮ ਦਾ ਜਨਮ ਮਹਾਂ ਉਤਸਵ 1 ਨਵੰਬਰ ਦਿਨ ਸਨਿਚਰਵਾਰ ਨੂੰ ਮਨਾਇਆ ਜਾ ਰਿਹਾ ਹੈ, ਇਸ ਸੰਬੰਧੀ ਸ਼ਹਿਰ ਦੇ ਮੁੱਖ ਬਾਜ਼ਾਰਾਂ ਅਤੇ ਘਰਾਂ 'ਚ ਕਾਰਡ ਵੰਡ ਕੇ ਧਾਰਮਿਕ ਸਮਾਗਮ 'ਚ ਸ਼ਾਮਿਲ ਹੋਣ ਦਾ ਸੱਦਾ ਪੱਤਰ ਦਿੰਦਿਆਂ ਵਿਨੋਦ ਤਾਇਲ, ਪਵਨ ਮੋਦਗਿਲ, ਭਾਰਤ ਭੂਸ਼ਨ ਗੋਲਡੀ ਆਦਿ ਪ੍ਰਬੰਧਕਾਂ ਨੇ ਦੱਸਿਆ ਕਿ ਠਾਕੁਰ ਦੁਆਰਾ ਮੰਦਰ ਸ੍ਰੀ ਨਰਾਇਣ ਦਾਸ ਤਾਇਲ ਬੱਧਨੀ ਕਲਾਂ ਵਿਖੇ ਹਰ ਸਾਲ ਦੀ ਤਰਾਂ ਸ੍ਰੀ ਖਾਟੂ ਸ਼ਿਆਮ ਦੇ ਜਨਮ ਉਤਸਵ ਦੇ ਸੰਬੰਧ 'ਚ ਦੁਪਹਿਰ 2 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਧਾਰਮਿਕ ਸਮਾਗਮ ਕਰਵਾਇਆ ਜਾ ਰਿਹਾ ਹੈ, ਇਸ ਦੌਰਾਨ ਧਰਮਿੰਦਰ ਸ਼ਰਮਾ ਮੋਗੇ ਵਾਲੇ ਅਤੇ ਇਸਤਰੀ ਸਤਿਸੰਗ ਸਭਾ ਮੰਡਲ ਲੁਧਿਆਣਾ ਵਾਲੇ ਭਗਵਾਨ ਸ੍ਰੀ ਖਾਟੂ ਸ਼ਿਆਮ ਦੇ ਭਜਨਾਂ ਦਾ ਗੁਣਗਾਨ ਗਾਉਣਗੇ | ਇਸ ਮੌਕੇ ਹੋਰ ਵੀ ਮੈਂਬਰ ਹਾਜ਼ਰ ਸਨ |
