ਧੂਰੀ, 22 ਦਸੰਬਰ (ਲਖਵੀਰ ਸਿੰਘ ਧਾਂਦਰਾ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੀਆਂ ਸਮਾਰਟ ਸਕੂਲ ਦੇ ਵਿਚ ਸੱਤ ਰੋਜ਼ਾ ਕੌਮੀ ਸੇਵਾ ਯੋਜਨਾ ਕੈਂਪ ਦਾ ਉਦਘਾਟਨ ਕੀਤਾ ਗਿਆ | ਇਸ ਮੌਕੇ ਪਿ੍ੰਸੀਪਲ ਸਰਦਾਰ ਅਵਤਾਰ ਸਿੰਘ ਅਤੇ ਪ੍ਰੋਗਰਾਮ ਅਫ਼ਸਰ, ਸਰਬਜੀਤ ਕੌਰ ਅੰਗਰੇਜ਼ੀ ਲੈਕਚਰਾਰ ਅਤੇ ਵਲੰਟੀਅਰ ਨੇ ਮੁੱਖ ਮਹਿਮਾਨ ਸਾਬਕਾ ਲੈਕਚਰ ਸਰਦਾਰ ਸੰਤ ਸਿੰਘ ਅਤੇ ਸ੍ਰੀ ਰਾਮ ਚੰਦ ਸ਼ਰਮਾ ਸਾਬਕਾ ਲੈਕਚਰ ਇਤਿਹਾਸ ਦਾ ਇੱਥੇ ਕੌਮੀ ਸੇਵਾ ਯੋਜਨਾ ਦੇ ਸ਼ੁਰੂਆਤ ਸਮੇਂ ਸਤਿਕਾਰ ਕੀਤਾ | ਪ੍ਰੋਗਰਾਮ ਅਫ਼ਸਰ ਮੈਡਮ ਸਰਬਜੀਤ ਕੌਰ ਨੇ ਮੁੱਖ ਮਹਿਮਾਨ ਨੂੰ ਦੱਸਿਆ ਕਿ ਇਹ ਸੱਤ ਰੋਜ਼ਾ ਦਿਨ ਰਾਤ ਦਾ ਕੈਂਪ ਸਹਾਇਕ ਡਾਇਰੈਕਟਰ ਸੰਗਰੂਰ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ਸਰਕਾਰੀ ਗਰਾਂਟ ਨਾਲ ਲੱਗ ਰਿਹਾ ਹੈ | ਮੁੱਖ ਮਹਿਮਾਨ ਸਰਦਾਰ ਸੰਤ ਸਿੰਘ ਨੇ ਵਲੰਟੀਅਰਾਂ ਨੂੰ ਦੱਸਿਆ ਕਿ ਇਸ ਕੈਂਪ ਦੌਰਾਨ ਤੁਹਾਡੀ ਸ਼ਖ਼ਸੀਅਤ ਵਿਚ ਲਚਕੀਲਾਪਣ, ਰਚਨਾਤਮਿਕਤਾ ਅਤੇ ਸਕਰਮਕਤਾ ਇੱਕ ਸੁਰ ਹੋ ਜਾਵੇਗੀ ਪਿ੍ੰਸੀਪਲ ਸਰਦਾਰ ਅਵਤਾਰ ਸਿੰਘ ਨੇ ਮੁੱਖ ਮਹਿਮਾਨ ਦਾ ਵਲੰਟੀਅਰ ਵਲੋਂ ਧੰਨਵਾਦ ਕੀਤਾ | ਇਸ ਸਮੇਂ ਸਹਾਇਕ ਪੋ੍ਰਗਰਾਮਾਂ ਅਫ਼ਸਰ ਬਲਜੀਤ ਕੌਰ ਪੰਜਾਬੀ ਲੈਕਚਰ ਅਤੇ ਹੈਪੀ ਰਾਣੀ ਅਧਿਆਪਕਾ ਵੀ ਹਾਜ਼ਰ ਰਹੇ |
