ਫ਼ਿਰੋਜ਼ਪੁਰ, 5 ਸਤੰਬਰ (ਕੁਲਬੀਰ ਸਿੰਘ ਸੋਢੀ)- ਹਲਕਾ ਸ਼ਹਿਰੀ ਤੇ ਦਿਹਾਤੀ ਖੇਤਰ ਦੇ ਵਧੇਰੇ ਪਿੰਡ ਜੋ ਸਤਲੁਜ ਦਰਿਆ ਨੇੜੇ ਵਸੇ ਹੋਏ ਹਨ, ਬੀਤੇ ਕੁੱਝ ਦਿਨ ਪਹਿਲਾ ਆਏ ਹੜ੍ਹ ਦੇ ਪਾਣੀ ਦੀ ਲਪੇਟ 'ਚ ਆ ਜਾਣ ਕਰ ਕੇ ਪ੍ਰਭਾਵਿਤ ਹੋ ਗਏ ਸਨ ਜਿਨ੍ਹਾਂ ਦੇ ਵਾਸੀਆਂ ਲਈ ਸਮਾਜਸੇਵੀ, ਧਾਰਮਿਕ ਤੇ ਹੋਰਨਾਂ ਸੁਸਾਇਟੀਆਂ ਵਲੋਂ ਸੁੱਕਾ ਰਾਸ਼ਨ ਤੇ ਹੋਰ ਰਾਹਤ ਸਮਗਰੀ ਵੱਡੇ ਪੱਧਰ 'ਤੇ ਮੁਹੱਈਆ ਕਾਰਵਾਈ ਜਾ ਰਹੀ ਹੈ | ਇਸ ਦੇ ਚੱਲਦੇ ਕਰੀਬ 5 ਦਿਨ ਪਹਿਲਾ ਸ਼ਹਿਰੀ ਹਲਕੇ ਦੇ ਪਿੰਡ ਹਬੀਬ ਵਾਲਾ ਨੇੜੇ ਦਰਿਆ 'ਤੇ ਬਣੇ ਹੋਏ ਬੰਨ੍ਹ 'ਤੇ ਖੋਰ ਪੈਣੀ ਸ਼ੁਰੂ ਹੋ ਗਈ ਸੀ, ਜਿਸ ਦੇ ਬਚਾਅ ਲਈ ਦੂਰ ਦੁਰਾਡੇ ਤੋਂ ਪਿੰਡਾਂ ਦੇ ਲੋਕਾਂ ਵਲੋਂ ਮਿੱਟੀ ਦੀਆਂ ਟਰਾਲੀਆਂ ਤੇ ਖ਼ਾਲੀ ਸੀਮਿੰਟ ਵਾਲੇ ਗੱਟੂਆਂ ਦੀ ਸੇਵਾ ਵੱਡੇ ਪੱਧਰ 'ਤੇ ਕੀਤੀ ਗਈ | ਇਸੇ ਲੜੀ ਦੇ ਚੱਲਦੇ ਹਲਕਾ ਦਿਹਾਤੀ ਦੇ ਪਿੰਡ ਝੋਕ ਹਰੀਹਰ ਵਾਸੀਆਂ ਵਲੋਂ ਪਿੰਡ ਹਬੀਬ ਵਾਲਾ ਦੇ ਬੰਨ੍ਹ ਲਈ 500 ਮਿੱਟੀ ਨਾਲ ਭਰੇ ਗੱਟੂਆਂ ਦੀ ਸੇਵਾ ਭੇਜੀ ਗਈ | ਆਪ ਆਗੂ ਬੂਟਾ ਗੁਲਾਟੀ ਨੇ ਦੱਸਿਆ ਕਿ ਸਾਰਾ ਪਿੰਡ ਹੜ੍ਹ ਪ੍ਰਭਾਵਿਤ ਖੇਤਰਾਂ 'ਚ ਪਹੁੰਚ ਕਰਕੇ ਲੋਕਾਂ ਦੀ ਵੱਖ-ਵੱਖ ਢੰਗ ਨਾਲ ਸੇਵਾ ਕਰ ਰਿਹਾ ਹੈ | ਪਿੰਡ ਵਾਸੀਆਂ ਮਿੱਟੀ ਦੇ ਗੱਟੂਆਂ ਨਾਲ ਖਾਣ ਪੀਣ ਦੇ ਸਾਮਾਨ ਦੀ ਸੇਵਾ ਵੀ ਕੀਤੀ ਗਈ ਹੈ | ਇਸ ਮੌਕੇ ਬਲਕਾਰ ਸਿੰਘ, ਕੁਲਵੰਤ ਸਿੰਘ, ਸੁਖਦੇਵ ਸਿੰਘ, ਗੁਰਵਿੰਦਰ ਸਿੰਘ, ਬਾਜ ਸਿੰਘ ਗਿੱਲ, ਲਵਕੇਸ਼, ਬਲਬੀਰ ਸਿੰਘ, ਗੁਰਬਚਨ ਸਿੰਘ, ਨਿਸਾਨ ਸਿੰਘ, ਅਮਰ ਸਿੰਘ, ਰਣਜੀਤ ਸਿੰਘ, ਉਰਮਿਲਾ ਗੁਲਾਟੀ ਮਹਿਲਾ ਵਿੰਗ ਹਲਕਾ ਕੋਆਰਡੀਨੇਟਰ (ਦਿਹਾਤੀ), ਗੁਰਮੀਤ ਸਿੰਘ, ਭਜਨ ਸਿੰਘ ਤੇ ਗੁਰਦੇਵ ਸਿੰਘ ਆਦਿ ਹਾਜ਼ਰ ਸਨ |
