ਸਿਲਵਰ ਓਕਸ ਸਕੂਲ ਲਹਿਰਾ ਬੇਗਾ ਵਿਖੇ ਪੂਜਾ ਕਰ ਕੇ ਦੀਵਾਲੀ ਦਾ ਤਿਉਹਾਰ ਮਨਾਇਆ

ਲਹਿਰਾ ਮੁਹੱਬਤ, 18 ਅਕਤੂਬਰ (ਸੁਖਪਾਲ ਸਿੰਘ ਸੁੱਖੀ))-ਸਿਲਵਰ ਓਕਸ ਸਕੂਲ ਲਹਿਰਾ ਬੇਗਾ ਵਿਖੇ ਪੂਜਾ ਕਰਕੇ ਦੀਵਾਲੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ | ਇਸ ਮੌਕੇ ਦੀ ਸ਼ੋਭਾ ਗਿਆਨ ਮੰਥਨ ਦੀ ਨਿਰਦੇਸ਼ਕਾ ਸ੍ਰੀਮਤੀ ਬਰਨਿੰਦਰ ਪੌਲ ਸੇਖੋਂ ਨੇ ਵਧਾਈ | ਉਨ੍ਹਾਂ ਨੇ ਸਕੂਲ ਦੇ ਸਟਾਫ਼ ਦੇ ਨਾਲ ਮਿਲ ਕੇ ਦੀਵਾਲੀ ਪੂਜਾ ਅਤੇ ਹਵਨ ਵਿੱਚ ਭਾਗ ਲਿਆ, ਜਿਸ ਨਾਲ ਵਾਤਾਵਰਣ ਪਵਿੱਤਰਤਾ ਅਤੇ ਸਕਾਰਾਤਮਕਤਾ ਨਾਲ ਭਰ ਗਿਆ | ਮੰਤ੍ਰੋਚਾਰ ਦੇ ਨਾਲ ਸਾਰਾ ਮਾਹੌਲ ਸ਼ਾਂਤੀ ਭਰਪੂਰ ਹੋ ਗਿਆ | ਹਵਨ ਤੋਂ ਬਾਅਦ, ਸ੍ਰੀਮਤੀ ਬਰਨਿੰਦਰ ਪੌਲ ਸੇਖੋਂ ਨੇ ਸਭ ਨੂੰ ਦੀਵਾਲੀ ਦੀ ਮੁਬਾਰਕਬਾਦ ਦਿੱਤੀ ਅਤੇ ਸਟਾਫ਼ ਮੈਂਬਰਾਂ ਦੇ ਸਮਰਪਣ ਅਤੇ ਯੋਗਦਾਨ ਲਈ ਆਭਾਰ ਦੇ ਤੌਰ 'ਤੇ ਤੋਹਫ਼ੇ ਦਿੱਤੇ | ਇਸ ਦੀ ਸ਼ੁਰੂਆਤ ਪ੍ਰਾਰਥਨਾ ਅਤੇ ਪਿਆਰ ਅਤੇ ਸਦਭਾਵ ਦਾ ਸੁਨੇਹਾ ਦੇਣ ਵਾਲੇ ਵਿਚਾਰ ਨਾਲ ਹੋਈ | ਸਭਾ ਦਾ ਮੁੱਖ ਆਕਰਸ਼ਣ ਦੀਵਾਲੀ ਕਵਿਜ਼ ਸੀ, ਵਿਦਿਆਰਥੀਆਂ ਨੇ ਤਿਉਹਾਰ ਦੇ ਮਹੱਤਵ, ਪਰੰਪਰਾਵਾਂ ਅਤੇ ਸੰਸਕਿ੍ਤਿਕ ਪਹਿਲੂਆਂ ਨਾਲ ਸਬੰਧਿਤ ਪ੍ਰਸ਼ਨਾਂ ਦੇ ਜਵਾਬ ਦਿੱਤੇ | ਵਿਦਿਆਰਥੀਆਂ ਲਈ ਵੱਖ-ਵੱਖ ਗਤੀਵਿਧੀਆਂ ਵੀ ਕਰਵਾਈਆਂ ਗਈਆਂ | ਜਿਸ ਵਿਚ ਉਨ੍ਹਾਂ ਨੇ ਆਪਣੀ ਬੇਮਿਸਾਲ ਸਿਰਜਣਾਤਮਿਕਤਾ ਅਤੇ ਰੰਗਾਂ ਦੀ ਸਮਝ ਦਿਖਾਈ | ਸਕੂਲ ਦੀ ਪਿ੍ੰਸੀਪਲ ਸ੍ਰੀਮਤੀ ਛਾਇਆ ਵਿਨੋਚਾ ਨੇ ਆਪਣੇ ਸੰਬੋਧਨ ਵਿਚ ਧਾਰਮਿਕ ਸਦਭਾਵ, ਏਕਤਾ ਅਤੇ ਪਰਿਵਾਰਕ ਬੰਧਨ ਦੇ ਮਹੱਤਵ 'ਤੇ ਵਿਚਾਰ ਸਾਂਝੇ ਕੀਤੇ | ਵਾਤਾਵਰਣ ਦੀ ਰੱਖਿਆ ਲਈ ਪਰੰਪਰਾਗਤ ਦੀਵੇ ਦੀ ਵਰਤੋਂ ਕਰਨ ਅਤੇ ਪਟਾਕਿਆਂ ਤੋਂ ਬਚਣ ਦਾ ਸੁਨੇਹਾ ਵੀ ਦਿੱਤਾ |