ਅਹਿਮਦਗੜ੍ਹ, 24 ਸਤੰਬਰ (ਰਵਿੰਦਰ ਪੁਰੀ)-ਗੋਵਿੰਦ ਨੈਸ਼ਨਲ ਕਾਲਜ ਨਾਰੰਗਵਾਲ ਅਤੇ ਗ੍ਰਾਮ ਪੰਚਾਇਤ, ਨਾਰੰਗਵਾਲ ਨੇ ਸਾਂਝੇ ਤੌਰ 'ਤੇ ਨਾਰੰਗਵਾਲ ਪਿੰਡ 'ਚ ਇਕ ਸਿਹਤ ਜਾਂਚ ਕੈਂਪ ਲਗਾਇਆ ¢ ਇਸ ਮੌਕੇ ਪਿ੍ੰਸੀਪਲ ਡਾ. ਸੰਦੀਪ ਸਾਹਨੀ ਅਤੇ ਪਿੰਡ ਦੇ ਸਰਪੰਚ ਮਨਜਿੰਦਰ ਸਿੰਘ ਮਨੀ ਨੇ ਮੁੱਖ ਮਹਿਮਾਨ ਡਾ. ਤੇਜਪਾਲ ਸਿੰਘ ਗਿੱਲ ਚੇਅਰਮੈਨ, ਪਨਗ੍ਰੇਨ ਪੰਜਾਬ ਦਾ ਸਵਾਗਤ ਕੀਤਾ ¢ ਡਾ. ਸਾਹਨੀ ਨੇ ਕਿਹਾ ਕਿ ਇਹ ਕੈਂਪ ਸਮੇਂ ਦੀ ਲੋੜ ਹਨ ¢ ਜੇਕਰ ਅਸੀਂ ਚੰਗੀ ਸਿਹਤ ਚਾਹੁੰਦੇ ਹਾਂ ਤਾਂ ਸਾਨੂੰ ਇਸ ਦੀ ਧਿਆਨ ਨਾਲ ਜਾਂਚ ਕਰਨੀ ਚਾਹੀਦੀ ਹੈ ¢ ਡਾ. ਤੇਜਪਾਲ ਸਿੰਘ ਗਿੱਲ ਨੇ ਇਸ ਮੌਕੇ ਸੰਬੋਧਨ ਕਰਦਿਆਂ ਕਿਹਾ ਕਿ ਅਜਿਹੇ ਕੈਂਪ ਸ਼ਲਾਘਾਯੋਗ ਹਨ ¢ ਜਿਨ੍ਹਾਂ ਨੂੰ ਪਿੰਡਾਂ 'ਚ ਲਗਾਉਆ ਅਤਿ ਜ਼ਰੂਰੀ ਹੈ ¢ ਇਸ ਕੈਂਪ ਵਿਚ 150 ਮਰੀਜ਼ਾਂ ਨੂੰ ਡਾਕਟਰੀ ਸਹਾਇਤਾ ਪ੍ਰਦਾਨ ਕੀਤੀ ਗਈ ਹੈ ਅਤੇ ਗੁਰੂ ਨਾਨਕ ਚੈਰੀਟੇਬਲ ਹਸਪਤਾਲ, ਡੇਹਲੋਂ ਦੇ ਇੱਕ ਡਾਕਟਰ ਪੈਨਲ ਨੇ ਮਰੀਜ਼ਾਂ ਦੀ ਜਾਂਚ ਕੀਤੀ ਅਤੇ ਦਵਾਈਆਂ ਦਿੱਤੀਆਂ¢ ਡਾ. ਸਾਕਸ਼ੀ ਕਾਲੜਾ (ਗਾਇਨੀਕੋਲੋਜਿਸਟ ਅਤੇ ਪ੍ਰਸੂਤੀ ਮਾਹਿਰ), ਡਾ. ਸਾਹਿਲ ਕੁਮਾਰ (ਪੈਡੀਆਟ੍ਰੀਸ਼ੀਅਨ) ਡਾ. ਸ਼ਾਲਿਨੀ (ਮੈਡੀਸਨ) ਡਾ. ਚੰਦਰ ਲਤਾ (ਆਯੁਰਵੈਦ) ਨੇ ਇਸ ਕੈਂਪ ਵਿਚ ਵੱਖ-ਵੱਖ ਮਰੀਜ਼ਾਂ ਦੀ ਜਾਂਚ ਕੀਤੀ¢ ਇਸ ਕੈਂਪ ਵਿਚ ਨਾਰੰਗਵਾਲ ਕਾਲਜ ਦੇ ਬੀ. ਐੱਸ. ਸੀ. ਨਾਨ-ਮੈਡੀਕਲ ਅਤੇ ਬੀ. ਕਾਮ. ਕਲਾਸ ਦੇ ਵਲੰਟੀਅਰਾਂ ਨੇ ਡਿਊਟੀ ਨਿਭਾਈ ¢ ਡਾ. ਪੁਨੀਤ ਕੌਰ ਗਰੇਵਾਲ, ਮਹਿਲਾ ਸਸ਼ਕਤੀਕਰਨ ਅਤੇ ਜਨਤਕ ਨੀਤੀ ਮਾਹਿਰ, ਪ੍ਰੋਗਰਾਮ ਪ੍ਰਬੰਧਨ ਇਕਾਈ (ਮਿਸ਼ਨ ਸ਼ਕਤੀ), ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ, ਹਰਿਆਣਾ ਸਰਕਾਰ ਨੇ ਇਸ ਕੈਂਪ ਵਿਚ ਸ਼ਿਰਕਤ ਕੀਤੀ¢ ਡਾ. ਰਮਨਦੀਪ ਕੌਰ ਅਤੇ ਡਾ. ਪਰਮਜੀਤ ਕੌਰ ਨੇ ਪੂਰੇ ਪ੍ਰੋਗਰਾਮ ਦਾ ਪ੍ਰਬੰਧ ਕੀਤਾ ਹੈ ¢
