ਬਰਨਾਲਾ, 25 ਸਤੰਬਰ (ਨਰਿੰਦਰ ਅਰੋੜਾ)-ਬੀਤੇ ਦਿਨੀਂ ਫੂਡ ਐਂਡ ਡਰੱਗਜ਼ ਐਡਮਨਿਸਟੇ੍ਰਸ਼ਨ ਪੰਜਾਬ ਵਲੋਂ ਡਰੱਗ ਕੰਟਰੋਲ ਅਫ਼ਸਰਾਂ ਦੀਆਂ ਬਦਲੀਆਂ ਦੀ ਲਿਸਟ ਜਾਰੀ ਕੀਤੀ ਸੀ | ਜਿਸ ਵਿਚ ਬਰਨਾਲਾ ਵਿਖੇ ਡੀ.ਸੀ.ਓ. ਮੈਡਮ ਪਰਨੀਤ ਕੌਰ ਦੀ ਬਦਲੀ ਪਟਿਆਲਾ ਵਿਖੇ ਕਰ ਦਿੱਤੀ ਸੀ ਅਤੇ ਗੁਨਦੀਪ ਬਾਂਸਲ ਜੋ ਕਿ ਬਠਿੰਡਾ ਵਿਖੇ ਬਤੌਰ ਡੀ.ਸੀ.ਓ. ਤਾਇਨਾਤ ਸਨ ਦੀ ਬਦਲੀ ਬਰਨਾਲਾ ਵਿਖੇ ਕਰ ਦਿੱਤੀ ਗਈ ਹੈ | ਜਿਨ੍ਹਾਂ ਨੂੰ ਲੁਧਿਆਣਾ-4 ਅਤੇ ਵਾਧੂ ਚਾਰਜ ਬਰਨਾਲਾ ਦਾ ਦਿੱਤਾ ਗਿਆ | ਜ਼ਿਕਰਯੋਗ ਹੈ ਕਿ ਗੁਨਦੀਪ ਬਾਂਸਲ ਸਾਲ 2011 ਵਿਚ ਪਹਿਲਾਂ ਵੀ ਬਰਨਾਲਾ ਵਿਖੇ ਡੀ.ਸੀ.ਓ. ਵਜੋਂ ਤਾਇਨਾਤ ਸਨ | 2011 ਬੈਚ ਦੇ ਗੁਨਦੀਪ ਬਾਂਸਲ ਬਠਿੰਡਾ, ਫ਼ਾਜ਼ਿਲਕਾ ਆਦਿ ਜ਼ਿਲਿ੍ਹਆਂ ਵਿਚ ਆਪਣੀਆਂ ਸੇਵਾਵਾਂ ਨਿਭਾਅ ਚੱੁਕੇ ਹਨ | ਅਹੁਦਾ ਸੰਭਾਲਦਿਆਂ ਗੁਨਦੀਪ ਬਾਂਸਲ ਨੇ ਕਿਹਾ ਕਿ ਸਾਰੇ ਕੈਮਿਸਟ ਡਰੱਗ ਐਂਡ ਕਾਸਮੈਟਿਕ ਐਕਟ ਦੀ ਪਾਲਣਾ ਕਰਦੇ ਹੋਏ ਸਹੀ ਕੰਮ ਕਰਨ, ਗ਼ਲਤ ਕੰਮ ਕਰਨ ਵਾਲੇ ਕਿਸੇ ਕੈਮਿਸਟ ਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ ਅਤੇ ਸਹੀ ਕੈਮਿਸਟ ਨੂੰ ਕੋਈ ਮੁਸ਼ਕਲ ਨਹੀਂ ਆਉਣ ਦਿੱਤੀ ਜਾਵੇਗੀ |
