ਸੇਖਾ ਚੌਕ ਤੋਂ ਲੈ ਕੇ ਟਰਾਈਡੈਂਟ ਪੁਲ ਤੱਕ ਸੜਕ 'ਤੇ ਪ੍ਰੀਮਿਕਸ ਦਾ ਸਹੀ ਢੰਗ ਨਾਲ ਕੰਮ ਨਾ ਹੋਣ ਕਾਰਨ ਵਾਹਨ ਚਾਲਕ ਹੋ ਰਹੇ ਨੇ ਪ੍ਰੇਸ਼ਾਨ <br/>
ਸੇਖਾ ਚੌਕ ਨਜ਼ਦੀਕ ਅਤੇ ਟਰਾਈਡੈਂਟ ਪੁਲ ਉੱਪਰ ਪ੍ਰੀਮਿਕਸ ਸਹੀ ਢੰਗ ਨਾਲ ਨਾ ਪਾਉਣ ਕਾਰਨ ਸੜਕ ਦੀ ਮਾੜੀ ਹਾਲਤ ਦੀਆਂ ਤਸਵੀਰਾਂ | ਤਸਵੀਰਾਂ : ਰਿੰਪੀ ਸਟੂਡੀਓ
<br/>
26-12-2025
ਲੋਕਾਂ ਦੀਆਂ ਸਮੱਸਿਆਵਾਂ ਵੱਲ ਸਰਕਾਰ ਅਤੇ ਪ੍ਰਸ਼ਾਸਨ ਦਾ ਨਹੀਂ ਕੋਈ ਧਿਆਨ-ਕੈਪਟਨ ਸਿੱਧੂ
ਸੇਖਾ ਚੌਂਕ ਤੋਂ ਲੈ ਕੇ ਟਰਾਈਡੈਂਟ ਪੁਲ ਉੱਪਰ ਤੱਕ ਸੜਕ ਦੀ ਮਾੜੀ ਹਾਲਤ ਬਾਰੇ ਗੱਲਬਾਤ ਸੀਨੀਅਰ ਭਾਜਪਾ ਆਗੂ ਕੈਪਟਨ ਗੁਰਜਿੰਦਰ ਸਿੰਘ ਸਿੱਧੂ ਨੇ ਕਿਹਾ ਕਿ ਬੜੀ ਹੈਰਾਨੀ ਵਾਲੀ ਗੱਲ ਹੈ ਕਿ ਸ਼ਹਿਰ ਵਿਚਲਾ ਰਾਏਕੋਟ ਰੋਡ ਜਿੱਥੇ ਕਾਫ਼ੀ ਜ਼ਿਆਦਾ ਆਬਾਦੀ ਹੈ ਅਤੇ ਟਰਾਈਡੈਂਟ ਵਰਗੀ ਫ਼ੈਕਟਰੀ ਸਥਿਤ ਹੈ ਵਿਖੇ ਬਣੇ ਓਵਰਬਿ੍ਜ ਉੱਪਰ ਕੋਈ ਵੀ ਸਟਰੀਟ ਲਾਈਟ ਨਹੀਂ ਲੱਗੀ ਹੋਈ ਜਦੋਂਕਿ ਇੱਥੋਂ ਰੋਜ਼ਾਨਾ ਹਜ਼ਾਰਾਂ ਦੀ ਗਿਣਤੀ ਵਿਚ ਵਾਹਨਾਂ ਦੀ ਆਵਾਜਾਈ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਭਗਤ ਰਵਿਦਾਸ ਚੌਂਕ ਤੋਂ ਲੈ ਕੇ ਟਰਾਈਡੈਂਟ ਪੁੱਲ ਉੱਪਰ ਤੇ ਅੱਗੇ ਸੰਘੇੜਾ ਤੱਕ ਇਸ ਸਿੰਗਲ ਰੋਡ ਨੂੰ ਵਨ-ਵੇ ਕੀਤਾ ਜਾਵੇ ਅਤੇ ਟਰਾਈਡੈਂਟ ਪੁੱਲ ਸਮੇਤ ਜਿੱਥੇ ਵੀ ਸਟਰੀਟ ਲਾਈਟ ਨਹੀਂ ਲਗਾਈ ਗਈ, ਸਟਰੀਟ ਲਾਈਟ ਲਗਾਈ ਜਾਵੇ ਤਾਂ ਜੋ ਇਸ ਸੜਕ 'ਤੇ ਹੁੰਦੇ ਹਾਦਸਿਆਂ ਤੋਂ ਲੋਕਾਂ ਦਾ ਬਚਾਅ ਹੋ ਸਕੇ |
