ਨਵੀਂ ਦਿੱਲੀ, 4 ਸਤੰਬਰ (ਪੀ.ਟੀ.ਆਈ.) ਇਕ ਇਤਿਹਾਸਕ ਪਹਿਲਕਦਮੀ 'ਚ, ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਮਰਥਨ ਨਾਲ, ਵੂਮੈਨ ਇਨ ਫਿਲਮ (ਡਬਲਯੂ.ਆਈ.ਐਫ.) ਇੰਡੀਆ ਨੇ ਟੋਰਾਂਟੋ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ (ਟੀ.ਆਈ.ਐਫ.ਐਫ.) 'ਚ ਦੇਸ਼ ਦੇ ਪਹਿਲੇ ਮਹਿਲਾਵਾਂ ਦੀ ਅਗਵਾਈ ਵਾਲੇ ਵਫ਼ਦ ਦਾ ਐਲਾਨ ਕੀਤਾ | ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ (ਐਨ.ਐਫ.ਡੀ.ਸੀ.) ਦੁਆਰਾ ਸੁਵਿਧਾਜਨਕ ਅਤੇ ਮੰਤਰਾਲੇ ਦੇ ਪ੍ਰਮੁੱਖ ਗਲੋਬਲ ਮਾਰਕੀਟ ਪਲੇਟਫਾਰਮ, ਵੇਵਜ਼ ਬਾਜ਼ਾਰ ਦੁਆਰਾ ਸਮਰਥਤ ਇਸ ਪਹਿਲਕਦਮੀ ਨੂੰ ਸਿਰਫ ਇਕ ਹਫ਼ਤੇ 'ਚ 200 ਤੋਂ ਵੱਧ ਅਰਜ਼ੀਆਂ ਪ੍ਰਾਪਤ ਹੋਈਆਂ | ਇਸ 'ਚੋਂ ਮੁੱਖ ਰਚਨਾਤਮਕ ਭੂਮਿਕਾਵਾਂ 'ਚ ਅÏਰਤਾਂ ਵਲੋਂ ਅਗਵਾਈ ਕੀਤੇ ਗਏ 6 ਪ੍ਰੋਜੈਕਟਾਂ ਨੂੰ ਟੀ.ਆਈ.ਐਫ. ਐਫ. 'ਚ ਭਾਰਤ ਦੀ ਨੁਮਾਇੰਦਗੀ ਲਈ ਚੁਣਿਆ ਗਿਆ ਹੈ, ਜੋ ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ ਤੇ 9 ਸਤੰਬਰ ਤੱਕ ਚੱਲੇਗਾ | 6 ਜੇਤੂ ਹਨ ਅਰਸ਼ਲੀ ਜੋਸ (ਏ ਡੈਂਡੇਲੀਅਨਜ਼ ਡ੍ਰੀਮ), ਦੀਪਾ ਭਾਟੀਆ (ਰੈਬਿਟ ਹੋਲ), ਕਾਤਿਆਨੀ ਕੁਮਾਰ (ਸੰਜ਼ ਆਫ਼ ਦ ਰਿਵਰ), ਮਧੂਮਿਤਾ ਸੁੰਦਰਰਮਨ (ਦ ਗੈਸਟ ਹਾਊਸ), ਪਰੋਮਿਤਾ ਧਾਰ (ਉਲਟਾ ਅਤੇ ਪ੍ਰਮਤੀ ਆਨੰਦ (ਏ ਲੇਟ ਆਟਮ ਡ੍ਰੀਮ) | ਜ਼ਿਕਰਯੋਗ ਹੈ ਕਿ ਅੰਤਿਮ ਚੋਣ ਨਿਰਮਾਤਾਵਾਂ, ਸੱਭਿਆਚਾਰਕ ਆਗੂਆਂ ਤੇ ਉਦਯੋਗ ਮਾਹਿਰਾਂ ਦੀ ਇਕ ਪ੍ਰਸਿੱਧ ਅੰਤਰਰਾਸ਼ਟਰੀ ਜਿਊਰੀ ਵਲੋਂ ਕੀਤੀ ਗਈ, ਜਿਨ੍ਹਾਂ ਦਾ ਸਾਂਝਾ ਤਜਰਬਾ ਅਕੈਡਮੀ ਅਵਾਰਡ ਜੇਤੂ ਫਿਲਮਾਂ, ਗਲੋਬਲ ਫਿਲਮ ਬਾਜ਼ਾਰਾਂ ਤੇ ਸਿਨੇਮਾ 'ਚ ਅÏਰਤਾਂ ਦੀ ਵਕਾਲਤ ਤੱਕ ਫੈਲਿਆ ਹੋਇਆ ਹੈ |
