ਬੈਂਗਲੁਰੂ, 3 ਨਵੰਬਰ (ਪੀ.ਟੀ.ਆਈ.)-ਸੈਸ਼ਨ ਅਦਾਲਤ ਨੇ ਸੋਮਵਾਰ ਨੂੰ ਰਸਮੀ ਤੌਰ 'ਤੇ ਕੰਨੜ ਅਦਾਕਾਰ ਦਰਸ਼ਨ ਥੁਗੁਦੀਪਾ, ਉਸਦੀ ਸਾਥੀ ਪਵਿੱਤਰਾ ਗੌੜਾ ਤੇ 15 ਹੋਰਾਂ ਵਿਰੁੱਧ ਰੇਣੁਕਾਸਵਾਮੀ ਕਤਲ ਕੇਸ ਦੇ ਸਬੰਧ 'ਚ ਕਤਲ ਅਤੇ ਅਗਵਾ ਸਮੇਤ ਦੋਸ਼ ਤੈਅ ਕੀਤੇ | ਸਾਰੇ 17 ਦੋਸ਼ੀਆਂ ਨੇ ਦੋਸ਼ੀ ਨਾ ਹੋਣ ਦੀ ਗੱਲ ਕਹੀ, ਜਿਸ ਨਾਲ 10 ਨਵੰਬਰ ਨੂੰ ਮੁਕੱਦਮਾ ਸ਼ੁਰੂ ਹੋਣ ਦਾ ਰਾਹ ਪੱਧਰਾ ਹੋ ਗਿਆ | ਅਦਾਲਤ ਨੇ ਪਹਿਲੇ ਦੋਸ਼ੀ ਪਵਿੱਤਰਾ ਗੌੜਾ ਤੋਂ ਸ਼ੁਰੂ ਕਰਕੇ ਦੋਸ਼ ਪੜ੍ਹਨੇ ਸ਼ੁਰੂ ਕਰ ਦਿੱਤੇ | ਦੋਸ਼ਾਂ ਵਿਚ ਕਤਲ, ਅਪਰਾਧਿਕ ਸਾਜਿਸ਼, ਅਗਵਾ ਅਤੇ ਗੈਰ-ਕਾਨੂੰਨੀ ਇਕੱਠ ਸ਼ਾਮਿਲ ਸਨ | ਚਾਰਜਸ਼ੀਟ ਦੇ ਅਨੁਸਾਰ, ਰੇਣੁਕਾਸਵਾਮੀ ਨੇ ਕਥਿਤ ਤੌਰ 'ਤੇ ਪਵਿੱਤਰਾ ਨੂੰ ਅਸ਼ਲੀਲ ਸੁਨੇਹੇ ਭੇਜੇ ਸਨ, ਜਿਸ ਤੋਂ ਬਾਅਦ ਉਸਨੂੰ ਅਗਵਾ ਕਰ ਕੁੱਟਮਾਰ ਕੀਤੀ ਗਈ | ਇਸਤਗਾਸਾ ਪੱਖ ਨੇ ਦੋਸ਼ ਲਗਾਇਆ ਕਿ ਪਵਿੱਤਰਾ ਨੇ ਰੇਣੁਕਾਸਵਾਮੀ ਨੂੰ ਚੱਪਲ ਨਾਲ ਮਾਰਿਆ, ਜਦੋਂ ਕਿ ਦਰਸ਼ਨ ਨੇ ਉਸਨੂੰ ਆਪਣੀ ਪੈਂਟ ਉਤਾਰਨ ਲਈ ਮਜਬੂਰ ਕਰਨ ਤੋਂ ਬਾਅਦ ਹਮਲਾ ਕੀਤਾ, ਜਿਸ ਨਾਲ ਉਸਦੀ ਮੌਤ ਹੋ ਗਈ | ਅਦਾਲਤ ਨੇ ਇਹ ਵੀ ਨੋਟ ਕੀਤਾ ਕਿ ਕੁਝ ਦੋਸ਼ੀਆਂ ਨੂੰ ਦੋਸ਼ ਲੈਣ ਲਈ ਕਥਿਤ ਤੌਰ 'ਤੇ ਪੈਸੇ ਦੀ ਪੇਸ਼ਕਸ਼ ਕੀਤੀ ਗਈ ਸੀ | ਸਾਰੇ 17 ਦੋਸ਼ੀਆਂ ਵਲੋਂ ਦੋਸ਼ੀ ਮੰਨਣ ਤੋਂ ਇਨਕਾਰ ਕਰਨ ਤੋਂ ਬਾਅਦ, ਅਦਾਲਤ ਨੇ ਦੋਸ਼ ਦਸਤਾਵੇਜ਼ਾਂ 'ਤੇ ਰਸਮੀ ਦਸਤਖਤ ਪੂਰੇ ਕਰ ਲਏ | ਦਰਸ਼ਨ, ਪਵਿੱਤਰਾ ਅਤੇ ਸੱਤ ਹੋਰ ਦੋਸ਼ੀਆਂ ਨੂੰ ਫਿਰ ਜੇਲ੍ਹ ਵਾਪਸ ਭੇਜ ਦਿੱਤਾ ਗਿਆ | ਅਗਲੀ ਸੁਣਵਾਈ, ਮੁਕੱਦਮੇ ਦੀ ਸ਼ੁਰੂਆਤ ਦੇ ਨਾਲ, 10 ਨਵੰਬਰ ਨੂੰ ਹੋਣੀ ਹੈ |
