ਨਵੀਂ ਦਿੱਲੀ, 1 ਸਤੰਬਰ (ਮਿਸਰਦੀਪ)-ਸੀ.ਸੀ.ਆਰ.ਟੀ. ਭਾਰਤ ਸਰਕਾਰ ਵਲੋਂ ਐਨ.ਈ.ਪੀ. ਦੇ ਅਧੀਨ ਟੀਚਰ ਟਰੇਨਿੰਗ ਵਰਕਸ਼ਾਪ ਲਗਾਈ ਗਈ, ਜਿਸ ਦੌਰਾਨ ਪੰਜਾਬ ਦੇ ਲੋਕ ਨਾਚ (ਭੰਗੜਾ) 'ਤੇ ਸੈਮੀਨਾਰ ਕੀਤਾ ਗਿਆ, ਜਿਸ ਵਿਚ ਲੋਕ-ਨਾਚਾਂ ਦੇ ਅੰਤਰਰਾਸ਼ਟਰੀ ਕੋਚ ਰਾਜਿੰਦਰ ਟਾਂਕ ਨੇ ਭੰਗੜੇ ਦੇ ਪਿਛੋਕੜ, ਰਵਾਇਤੀ ਤਾਲਾਂ, ਲੋਕ-ਸਾਜ਼ਾਂ ਅਤੇ ਪੌਸ਼ਾਕ ਦੇ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਪ੍ਰਸਿੱਧ ਢੋਲੀ ਅਮਿਤ ਨੇ ਢੋਲ 'ਤੇ ਰਵਾਇਤੀ ਤਾਲਾਂ, ਸਿਮਰਨਜੀਤ ਸਿੰਘ ਨੇ ਭੰਗੜੇ ਦੀਆਂ ਰਵਾਇਤੀ ਚਾਲਾਂ ਸਭ ਦੇ ਸਾਹਮਣੇ ਕਰ ਕੇ ਵਿਖਾਈਆਂ | ਗਾਇਕ ਦੀਪਕ ਨੇ ਲੋਕ-ਗੀਤ, ਲੋਕ-ਬੋਲੀਆਂ ਗਾ ਕੇ ਬੱਲੇ-ਬੱਲੇ ਕਰਵਾ ਦਿੱਤੀ ਅਤੇ ਸਾਰਿਆਂ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ | ਕੋਚ ਰਾਜਿੰਦਰ ਟਾਂਕ ਨੇ ਵਰਕਸ਼ਾਪ ਵਿਚ ਆਏ ਹੋਏ ਅਧਿਆਪਕਾਂ ਨੂੰ ਭੰਗੜੇ ਦੀਆਂ ਰਵਾਇਤੀ ਚਾਲਾਂ ਦੀ ਸਿਖਲਾਈ ਦਿੱਤੀ | ਸੈਮੀਨਾਰ ਵਿਚ ਭਾਰਤ ਦੇ 12 ਰਾਜਾਂ ਤੋਂ ਆਏ 60 ਦੇ ਕਰੀਬ ਅਧਿਆਪਕਾਂ ਨੇ ਹਿੱਸਾ ਲਿਆ | ਸੈਮੀਨਾਰ ਦੇ ਅਖੀਰ ਵਿਚ ਸੀ.ਸੀ.ਆਰ.ਟੀ. ਦੇ ਫੀਲਡ ਅਫ਼ਸਰ ਸੀ.ਐਮ. ਤਿ੍ਪਾਠੀ ਨੇ ਕੋਚ ਰਾਜਿੰਦਰ ਟਾਂਕ ਦੀ ਸਮੁੱਚੀ ਟੀਮ, ਅਧਿਆਪਕਾਂ ਅਤੇ ਸੀ.ਸੀ.ਆਰ.ਟੀ. ਦੇ ਸਮੂਹ ਸਟਾਫ਼ ਦਾ ਧੰਨਵਾਦ ਕੀਤਾ |
