ਬਾਸਕਟਬਾਲ ਖਿਡਾਰਨ ਸੁਖਮਨ ਨੂੰ ਕੀਤਾ ਸਨਮਾਨਿਤ <br/>

ਅ

ਅਜੀਤ ਡੈਸਕ 22-10-2025

ਸਿਰਸਾ, 21 ਅਕਤੂੁਬਰ (ਭੁਪਿੰਦਰ ਪੰਨੀਵਾਲੀਆ)- ਸ਼੍ਰੀ ਗੁਰਦੇਵ ਚੈਰੀਟੇਬਲ ਟਰੱਸਟ, ਸੰਤਨਗਰ ਵੱਲੋਂ ਬਾਸਕਟਬਾਲ ਖਿਡਾਰਨ ਸੁਖਮਨ ਨੂੰ ਸਨਾਮਨਿਤ ਕੀਤਾ ਗਿਆ | ਸੁਖਮਨ ਪਿੰਡ ਨਕੌੜਾ ਦੇ ਕਿਸਾਨ ਸੁਮਿਤ ਸਿੰਘ ਕਾਹਲੌ ਦੀ ਧੀ ਹੈ | ਸੁਖਮਨ ਨੂੰ ਗੁਰਦੇਵ ਇਨਡੋਰ ਸਟੇਡੀਅਮ ਵਿੱਚ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਸਨਮਾਨਿਤ ਕੀਤਾ ਗਿਆ | ਟਰੱਸਟ ਦੇ ਮੈਂਬਰ ਦਵਿੰਦਰ ਸਿੰਘ ਕਾਹਲੋ, ਗੁਰਮੁਖ ਸਿੰਘ ਅਤੇ ਕਰਨ ਸਿੰਘ ਐਸਡੀਓ ਨੇ ਸਾਂਝੇ ਤੌਰ 'ਤੇ ਦੱਸਿਆ ਕਿ ਸੁਖਮਨ ਹੁਣ ਤੱਕ 47ਵੀਂ ਸਬ-ਜੂਨੀਅਰ ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ (ਕਾਂਗੜਾ, ਹਿਮਾਚਲ ਪ੍ਰਦੇਸ਼), 67ਵੀਂ ਨੈਸ਼ਨਲ ਸਕੂਲ ਖੇਡਾਂ (ਬਾੜਮੇਰ, ਰਾਜਸਥਾਨ), 48ਵੀਂ ਸਬ-ਜੂਨੀਅਰ ਬਾਸਕਟਬਾਲ ਚੈਂਪੀਅਨਸ਼ਿਪ (ਪੁੰਡੂਚੇਰੀ), 39ਵੀਂ ਯੂਥ ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ (ਕੋਲਕਾਤਾ), 40ਵੀਂ ਯੂਥ ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ (ਪੁੰਡੂਚੇਰੀ), ਸੀਬੀਐਸਈ ਨੈਸ਼ਨਲ (ਤੀਜਾ ਸਥਾਨ, ਇੰਦੌਰ 2024-2026) ਸੀਬੀਐਸਈ ਨੈਸ਼ਨਲ (ਦੂਜਾ ਸਥਾਨ, ਮਹਿੰਦਰਗੜ੍ਹ) ਹਰਿਆਣਾ 2025-2026, ਸਕੂਲ ਨੈਸ਼ਨਲ (ਚੇਨਈ), ਇੰਟਰ ਸਕੂਲ (ਪਹਿਲਾ ਸਥਾਨ) 2023-2024, ਇੰਟਰ ਸਕੂਲ (ਪਹਿਲਾ ਸਥਾਨ) 2024-2025 ਵਿੱਚ ਹਿੱਸਾ ਲੈ ਚੁੱਕਾ ਹੈ ਅਤੇ ਆਪਣੀ ਪ੍ਰਤਿਭਾ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਆਪਣੇ ਮਾਪਿਆਂ ਅਤੇ ਪਿੰਡ ਦਾ ਨਾਮ ਰੌਸ਼ਨ ਕੀਤਾ ਹੈ | ਟਰੱਸਟ ਦੇ ਪ੍ਰਧਾਨ ਹਰਪਿੰਦਰ ਸਿੰਘ ਕੂਕਾ ਨੇ ਦੱਸਿਆ ਕਿ ਪਿੰਡ ਦੇ ਗੁਰਦੇਵ ਇਨਡੋਰ ਸਟੇਡੀਅਮ ਵਿੱਚ ਸ਼ਾਨਦਾਰ ਖੇਡ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ ਤਾਂ ਜੋ ਪੇਂਡੂ ਨੌਜਵਾਨ ਆਪਣੀ ਪ੍ਰਤਿਭਾ ਦਾ ਖੁੱਲ੍ਹ ਕੇ ਪ੍ਰਦਰਸ਼ਨ ਕਰ ਸਕਣ |