16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 03-06-2025

ਸ਼ਾਮ ਨੂੰ ਮੀਂਹ ਪੈਣ ਨਾਲ ਲੋਕਾਂ ਨੂੰ ਮਿਲੀ ਰਾਹਤ

Ad Position 21
No active advertisement
ਅਜੀਤ ਡੈਸਕ 03-06-2025
ਜਲੰਧਰ, 2 ਜੂਨ (ਸ਼ਿਵ)-ਅੱਜ ਸ਼ਾਮ ਨੂੰ ਮੀਂਹ ਪੈਣ ਨਾਲ ਜਿੱਥੇ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲੀ, ਉਥੇ ਕਈ ਜਗ੍ਹਾ ਪਾਣੀ ਵੀ ਖੜ੍ਹਾ ਹੋ ਗਿਆ ਤੇ ਝੱਖੜ ਚੱਲਣ ਕਰਕੇ ਵੀ ਕਈ ਜਗ੍ਹਾ ਬਿਜਲੀ ਸਪਲਾਈ ਬੰਦ ਹੋ ਗਈ | ਮੌਸਮ ਵਿਭਾਗ ਵਲੋਂ ਭਵਿੱਖਬਾਨੀ ਕੀਤੀ ਗਈ ਸੀ ਕਿ ਇਨ੍ਹਾਂ ਦਿਨਾਂ 'ਚ ਕਿਸੇ ਵੀ ਦਿਨ ਝੱਖੜ ਵੀ ਆ ਸਕਦਾ ਹੈ | ਬੀਤੇ ਦਿਨਾਂ ਵਿਚ ਵੀ ਮੀਹ ਪੈਣ ਨਾਲ ਜਿੱਥੇ ਮੌਸਮ ਫਿਰ ਬਦਲ ਗਿਆ ਸੀ | ਪਰ ਅੱਜ ਅਚਾਨਕ ਸ਼ਾਮ ਮੀਂਹ ਆਉਣ ਨਾਲ ਲੋਕਾਂ ਨੇ ਕਾਫੀ ਰਾਹਤ ਮਹਿਸੂਸ ਕੀਤੀ | ਚਾਹੇ ਮੀਂਹ ਕੁਝ ਸਮਾਂ ਹੀ ਪਿਆ ਪਰ ਇਸ ਦੇ ਨਾਲ ਮੌਸਮ ਠੰਡਾ ਹੋ ਗਿਆ | ਕੁੱਝ ਦਿਨਾਂ ਤੋਂ ਮੀਹ ਦੇ ਨਾਲ ਝੱਖੜ ਆਉਣ ਨਾਲ ਜਿੱਥੇ ਜਨਜੀਵਨ ਵੀ ਪ੍ਰਭਾਵਿਤ ਰਿਹਾ ਹੈ, ਉੱਥੇ ਕਈ ਦਿਨਾਂ ਤੋਂ ਪਾਵਰਕਾਮ ਦੇ ਮੁਲਾਜ਼ਮ ਅਫਸਰਾਂ ਨੂੰ ਵੀ ਬਿਜਲੀ ਬੰਦ ਹੋਣ ਦੀਆਂ ਸ਼ਿਕਾਇਤਾਂ ਨੂੰ ਠੀਕ ਕਰਨ ਵਿਚ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣ ਕਰਨਾ ਪੈ ਰਿਹਾ ਹੈ | ਜਲੰਧਰ ਵਿਚ ਤਕਨੀਕੀ ਸਟਾਫ ਘੱਟ ਹੋਣ ਕਰਕੇ ਪਾਵਰਕਾਮ ਵਲੋਂ ਬਿਜਲੀ ਸ਼ਿਕਾਇਤਾਂ ਸਮੇਂ ਸਿਰ ਠੀਕ ਨਹੀਂ ਹੋ ਰਹੀਆਂ ਹਨ ਜਿਸ ਕਰਕੇ ਲੋਕਾਂ ਵਲੋਂ ਕਾਫੀ ਰੋਸ ਜਾਹਰ ਕੀਤਾ ਜਾਂਦਾ ਰਿਹਾ ਹੈ | ਬਿਜਲੀ ਮੁਲਾਜ਼ਮ ਜਥੇਬੰਦੀਆਂ ਵਲੋਂ ਵੀ ਪਾਵਰਕਾਮ ਮੈਨੇਜਮੈਂਟ ਨੂੰ ਫੀਲਡ ਸਟਾਫ ਦੀ ਹੋਰ ਭਰਤੀ ਕਰਨ ਦੀ ਮੰਗ ਵੀ ਕੀਤੀ ਜਾਂਦੀ ਰਹੀ ਹੈ | ਉਧਰ ਪਾਵਰਕਾਮ ਉਤਰੀ ਜ਼ੋਨ ਦੇ ਉਪ ਮੁੱਖ ਇੰਜੀ. ਸ੍ਰੀ ਗੁਲਸ਼ਨ ਚੂਟਾਨੀ ਨੇ ਦੱਸਿਆ ਕਿ ਚਾਹੇ ਮੀਂਹ, ਝੱਖੜ ਕੁਝ ਸਮਾਂ ਹੀ ਚੱਲਿਆ ਪਰ ਕੁਝ ਜਗ੍ਹਾ ਬਿਜਲੀ ਸਪਲਾਈ ਬੰਦ ਹੋ ਗਈ ਜਿਹੜੀ ਸਮੇਂ ਸਿਰ ਚਲਾ ਦਿੱਤੀ ਗਈ ਸੀ |
Ad Position 22
No active advertisement
ਪਿਛਲੀ ਖ਼ਬਰ ਪੰਥਕ ਹਿਤੈਸ਼ੀਆਂ ਦੀ ਕਿਸ਼ਨਪੁਰਾ ਦੇ ਗ੍ਰਹਿ ਵਿਖੇ ਬੈਠਕ <br/> ਅਗਲੀ ਖ਼ਬਰ ਲੈਕਚਰਾਰ ਨੰਦਿਨੀ ਧੀਰ ਨੂੰ ਸੇਵਾ ਮੁਕਤੀ 'ਤੇ ਨਿੱਘੀ ਵਿਦਾਇਗੀ <br/>
Ad Position 24