16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 03-06-2025

ਜੱਟ ਸਿੱਖ ਕੌਂਸਲ ਵਲੋਂ ਹੋਣਹਾਰ ਵਿਦਿਆਰਥੀਆਂ ਨੂੰ ਸਕਾਲਰਸ਼ਿਪ ਭੇਟ <br/>

Ad Position 21
No active advertisement
ਜੱਟ ਸਿੱਖ ਕੌਂਸਲ ਵਲੋਂ ਦਿੱਤੀ ਜਾ ਰਹੀ ਵਿੱਤੀ ਸਹਾਇਤਾ ਦੇ ਚੈੱਕ ਵਿਦਿਆਰਥੀਆਂ ਨੂੰ ਸੌਂਪਦੇ ਹੋਏ ਸੀਨੀਅਰ ਡਿਪਟੀ ਮੇਅਰ ਬਲਬੀਰ ਸਿੰਘ ਬਿੱਟੂ, ਨਾਲ ਡਾ. ਐਚ. ਐਸ. ਮਾਨ, ਜਸਪਾਲ ਸਿੰਘ ਵੜੈਚ, ਸੁਖਵਿੰਦਰ ਸਿੰਘ ਲਾਲੀ, ਸੁਖਬਹਾਰ ਸਿੰਘ, ਕਰਨਲ ਭੁਪਿੰਦਰ ਸਿੰਘ ਸ਼ਾਹੀ ਤੇ ਹੋਰ | ਤਸਵੀਰ- ਮੁਨੀਸ਼ <br/> 03-06-2025
ਜਲੰਧਰ, 2 ਜੂਨ (ਜਸਪਾਲ ਸਿੰਘ)-ਕੇ. ਸੀ. ਐਲ. ਇੰਸਟੀਚਿਊਟ ਆਫ ਲਾਅਜ਼ ਦੇ 7 ਤੇ ਲਾਇਲਪੁਰ ਖਾਲਸਾ ਕਾਲਜ ਆਫ ਐਜੂਕੇਸ਼ਨ ਦੇ 3 ਵਿਦਿਆਰਥੀਆਂ ਨੂੰ ਜੱਟ ਸਿੱਖ ਕੌਂਸਲ ਵਲੋਂ ਉਨ੍ਹਾਂ ਦੀਆਂ ਅਕਾਦਮਿਕ ਪ੍ਰਾਪਤੀਆਂ ਕਰਕੇ ਸਕਾਲਰਸ਼ਿਪ ਦਿੱਤੀ ਗਈ | ਇਸ ਸੰਬੰਧੀ ਕਰਵਾਏ ਵਿਸ਼ੇਸ਼ ਸਮਾਗਮ 'ਚ ਨਗਰ ਨਿਗਮ ਦੇ ਸੀਨੀਅਰ ਡਿਪਟੀ ਮੇਅਰ ਬਲਬੀਰ ਸਿੰਘ ਬਿੱਟੂ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਏ | ਉਨ੍ਹਾਂ ਸੰਸਥਾ ਦੇ ਉੱਦਮ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਇਸ ਨਾਲ ਨਾ ਕੇਵਲ ਵਿਦਿਆਰਥੀਆਂ ਦੀਆਂ ਵਿੱਦਿਆ ਸੰਬੰਧੀ ਲੋੜਾਂ ਪੂਰੀਆਂ ਹੁੰਦੀਆਂ ਹਨ ਬਲਕਿ ਉਨ੍ਹਾਂ ਦਾ ਉਤਸ਼ਾਹ ਵੀ ਵਧਦਾ ਹੈ ਤੇ ਹੋਰ ਵਿਦਿਆਰਥੀ ਵੀ ਇਸ ਤੋਂ ਪ੍ਰੇਰਨਾ ਲੈਂਦੇ ਹਨ | ਇਸ ਮੌਕੇ ਕਾਲਜ ਦੀ ਗਵਰਨਿੰਗ ਕੌਂਸਲ ਦੇ ਸੰਯੁਕਤ ਸਕੱਤਰ ਜਸਪਾਲ ਸਿੰਘ ਵੜੈਚ, ਜੱਟ ਸਿੱਖ ਕੌਂਸਲ ਦੇ ਪ੍ਰਧਾਨ ਡਾ. ਐਚ. ਐਸ. ਮਾਨ, ਸ੍ਰੀਮਤੀ ਜਗਵਿੰਦਰ ਕੌਰ ਦਿਓਲ ਲਾਈਫ ਟਾਈਮ ਮੈਂਬਰ, ਸੁਖਵਿੰਦਰ ਸਿੰਘ ਲਾਲੀ (ਸੰਸਥਾਪਕ ਮੈਂਬਰ), ਸੁਖਬਹਾਰ ਸਿੰਘ ਸਕੱਤਰ, ਕਰਨਲ ਭੁਪਿੰਦਰ ਸਿੰਘ ਸ਼ਾਹੀ ਮੈਂਬਰ, ਭੁਪਿੰਦਰ ਸਿੰਘ ਸੇਖੋਂ ਮੈਂਬਰ, ਗੁਲਬਹਾਰ ਸਿੰਘ ਮੈਂਬਰ, ਧਰਮਿੰਦਰ ਸਿੰਘ ਚਾਹਲ ਅਤੇ ਕਾਲਜ ਪਿ੍ੰ. ਡਾ. ਦਲਜੀਤ ਰਿਆਤ ਆਦਿ ਵੀ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ | ਦੱਸਣਯੋਗ ਹੈ ਕਿ ਡਾ. ਐਚ. ਐਸ. ਮਾਨ ਦੀ ਅਗਵਾਈ ਹੇਠ ਜੱਟ ਸਿੱਖ ਕੌਂਸਲ ਵਲੋਂ ਪਿਛਲੇ ਲੰਬੇ ਸਮੇਂ ਤੋਂ ਵੱਖ-ਵੱਖ ਕਾਲਜਾਂ ਤੇ ਹੋਰਨਾਂ ਵਿੱਦਿਅਕ ਅਦਾਰਿਆਂ 'ਚ ਪੜ੍ਹਨ ਵਾਲੇ ਗਰੀਬ ਤੇ ਲੋੜਵੰਦ ਬੱਚਿਆਂ ਨੂੰ ਉਨ੍ਹਾਂ ਦੀ ਪੜ੍ਹਾਈ ਲਈ ਆਰਥਿਕ ਸਹਾਇਤਾ ਪ੍ਰਦਾਨ ਕੀਤੀ ਜਾ ਰਹੀ ਹੈ |

Ad Position 22
No active advertisement
ਪਿਛਲੀ ਖ਼ਬਰ ਲਿਟਲ ਬਲੌਸਮ ਸਕੂਲ 'ਚ ਸਮਰ ਕੈਂਪ ਦੀ ਸ਼ੁਰੂਆਤ <br/> ਅਗਲੀ ਖ਼ਬਰ ਪੁਰਾਣੇ ਬਾਜ਼ਾਰਾਂ 'ਚ ਵਪਾਰਕ ਨਕਸ਼ੇ ਪਾਸ ਕਰਨ ਦੀ ਜਲਦੀ ਲਾਗੂ ਹੋਵੇ ਨੀਤੀ-ਰਿੰਕੂ <br/>
Ad Position 24