ਜਲੰਧਰ, 20 ਦਸੰਬਰ (ਹਰਵਿੰਦਰ ਸਿੰਘ ਫੁੱਲ)-ਸੁਆਮੀ ਸੰਤ ਦਾਸ ਪਬਲਿਕ ਸਕੂਲ, ਜਲੰਧਰ ਵਿਖੇ ਹੁਨਰ ਸਿੱਖਿਆ ਅਤੇ ਕੌਸ਼ਲ ਬੋਧ ਦੇ ਲਾਜ਼ਮੀ ਲਾਗੂ ਕਰਨ 'ਤੇ ਇੱਕ ਰੋਜ਼ਾ ਸੀ.ਬੀ.ਐੱਸ.ਈ ਸਮਰੱਥਾ ਨਿਰਮਾਣ ਸਮਾਗਮ (ਸੀ.ਬੀ.ਪੀ) ਕਰਵਾਇਆ ਗਿਆ | ਸਮਾਗਮ ਦਾ ਉਦੇਸ਼ ਮੌਜੂਦਾ ਸੈਸ਼ਨ ਤੋਂ ਕੌਸ਼ਲ ਢਾਂਚੇ ਨੂੰ ਲਾਜ਼ਮੀ ਤੌਰ 'ਤੇ ਲਾਗੂ ਕਰਨਾ ਅਤੇ ਸਕੂਲ ਪੱਧਰ 'ਤੇ ਕਿੱਤਾ ਮੁਖੀ ਜਾਗਰੂਕਤਾ ਦੇ ਨਾਲ -ਨਾਲ ਦੇ ਹੁਨਰ-ਅਧਾਰਿਤ ਸਿੱਖਿਆ ਦੇ ਏਕੀਕਰਨ ਨੂੰ ਮਜ਼ਬੂਤ ਕਰਨਾ ਸੀ | ਇਹ ਪ੍ਰੋਗਰਾਮ ਸਕੂਲ ਦੇ ਪਿ੍ੰਸੀਪਲ ਡਾ. ਸੋਨੀਆ ਮਾਗੋ, ਪਿ੍ੰਸੀਪਲ ਅਤੇ ਦੀਪਿੰਦਰ ਕੌਰ ਪਿ੍ੰਸੀਪਲ ਲਾਇਨਜ਼ ਪਬਲਿਕ ਸਕੂਲ ਗੁਰੂਗ੍ਰਾਮ ਦੁਆਰਾ ਸੰਚਾਲਿਤ ਕੀਤਾ ਗਿਆ | ਇਸ ਸੈਸ਼ਨ ਵਿਚ ਰਾਜ ਦੇ 100 ਪਿ੍ੰਸੀਪਲਾਂ ਅਤੇ ਸਿੱਖਿਅਕਾਂ ਨੇ ਭਾਗ ਲਿਆ | ਇਸ ਨੇ ਅਨੁਭਵੀ ਸਿੱਖਿਆ, ਜੀਵਨ ਹੁਨਰ ਅਤੇ ਰੁਜ਼ਗਾਰ ਯੋਗਤਾ ਹੁਨਰਾਂ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ, ਜਿਸ ਨਾਲ ਅਧਿਆਪਕਾਂ ਨੂੰ ਸੰਪੂਰਨ ਸਿੱਖਿਆ ਦੇ ਇੱਕ ਬੁਨਿਆਦੀ ਹਿੱਸੇ ਵਜੋਂ ਕੌਸ਼ਲ ਬੋਧ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਦੇ ਯੋਗ ਬਣਾਇਆ ਗਿਆ |
