ਜਲੰਧਰ, 23 ਦਸੰਬਰ (ਡਾ. ਜਤਿੰਦਰ ਸਾਬੀ)- ਜਲੰਧਰ-ਆਰੀਆ ਤਾਈਕਵਾਂਡੋ ਟ੍ਰੇਨਿੰਗ ਸੈਂਟਰ ਦੇ ਖਿਡਾਰੀਆਂ ਨੇ ਐਲ.ਪੀ.ਯੂ., ਜਲੰਧਰ ਵਿਖੇ ਕਰਵਾਈ ਗਈ ਤੀਜੀ ਪੰਜਾਬ ਸਟੇਟ ਓਪਨ ਤਾਈਕਵਾਂਡੋ ਚੈਂਪੀਅਨਸ਼ਿਪ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਦੌਰਾਨ ਖਿਡਾਰੀਆਂ ਨੇ ਕੁੱਲ 9 ਤਗਮੇ ਜਿੱਤੇ | ਟੀਮ ਦੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ 'ਚ ਅੱਠ ਚਾਂਦੀ ਦੇ ਤਗਮੇ ਅਤੇ ਇੱਕ ਕਾਂਸੀ ਦਾ ਤਗਮਾ ਸ਼ਾਮਿਲ ਹੈ | ਇਸ ਦੌਰਾਨ ਦੀਆ ਸੋਨੀ, ਕਿ੍ਤਿਕਾ ਭਗਤ, ਵੰਸ਼ ਭਗਤ, ਕਿ੍ਆਨ ਲਾਂਬਾ, ਰਾਘਵ ਲਾਂਬਾ, ਹਰਸ਼ਿਤਾ, ਕਨਵ ਅਤੇ ਕਾਰਤਿਕ ਨੇ ਚਾਂਦੀ ਦੇ ਤਗਮੇ ਜਿੱਤੇ ਅਤੇ ਰਿਧੀਮਾ ਚੌਹਾਨ ਨੇ ਕਾਂਸੀ ਦਾ ਤਗਮਾ ਜਿੱਤਿਆ | ਕੋਚ ਸੌਰਵ ਅਤੇ ਸਲਾਹਕਾਰ ਵੇਦ ਪ੍ਰਕਾਸ਼ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ |
