ਸ੍ਰੀ ਮੁਕਤਸਰ ਸਾਹਿਬ, 31 ਅਕਤੂਬਰ (ਰਣਜੀਤ ਸਿੰਘ ਢਿੱਲੋਂ)-ਸਥਾਨਕ ਮੌੜ ਰੋਡ ਸਥਿਤ ਸੀ.ਆਰ.ਐੱਮ. ਡੀ.ਏ.ਵੀ. ਮਾਡਲ ਹਾਈ ਸਕੂਲ ਵਿਖੇ ਸਿਵਲ ਹਸਪਤਾਲ ਵਲੋਂ 'ਯੁੱਧ ਨਸ਼ਿਆਂ ਵਿਰੁੱਧ' ਸਰਕਾਰੀ ਮੁਹਿੰਮ ਤਹਿਤ ਭਾਸ਼ਣ ਤੇ ਡਰਾਇੰਗ ਮੁਕਾਬਲੇ ਕਰਵਾਏ ਗਏ | ਮੁਕਾਬਲਿਆ 'ਚ ਸੱਤਵੀਂ ਤੋਂ ਲੈ ਕੇ ਬਾਰ੍ਹਵੀਂ ਜਮਾਤ ਤੱਕ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ | ਭਾਸ਼ਨ ਮੁਕਾਬਲੇ ਵਿਚ 23 ਵਿਦਿਆਰਥੀਆਂ ਅਤੇ ਡਰਾਇੰਗ ਮੁਕਾਬਲੇ 'ਚ 30 ਵਿਦਿਆਰਥੀਆਂ ਨੇ ਭਾਗ ਲਿਆ | ਭਾਸ਼ਨ ਮੁਕਾਬਲੇ ਵਿਚ ਵਿਦਿਆਰਥੀ ਪ੍ਰਭਜੋਤ ਸਿੰਘ, ਹੈਰੀ, ਨਵਜੋਤ ਕੌਰ, ਮਨੀਸ਼ਾ, ਭੂਮਿਕਾ, ਸ਼ਾਇਨਾ, ਚਾਹਤ, ਜਗਜੋਤ ਕੌਰ ਜੇਤੂ ਰਹੇ | ਜਦਕਿ ਡਰਾਇੰਗ ਮੁਕਾਬਲੇ ਵਿਚ ਵਿਦਿਆਰਥੀ ਮਨਦੀਪ ਸਿੰਘ, ਭਾਵਨਾ, ਵੰਸ਼, ਮਾਨਵ ਜੇਤੂ ਰਹੇ | ਪਿ੍ੰਸੀਪਲ ਹਰਪਾਲ ਕੌਰ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਅਤੇ ਸਿਵਲ ਹਸਪਤਾਲ ਤੋਂ ਆਏ ਹੋਏ ਕਾਊਾਸਲਰ ਲਖਵੀਰ ਕੌਰ ਤੇ ਕਾਊਾਸਲਰ ਨਵਨੀਤ ਕੌਰ ਬਰਾੜ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਸਟੇਜ ਸੰਚਾਲਕ ਦੀ ਭੂਮਿਕਾ ਚਰਨ ਦਾਸ, ਜਦਕਿ ਜੱਜਮੈਂਟ ਦੀ ਭੂਮਿਕਾ ਸੀਮਾ ਗੁਪਤਾ, ਜੀਨੀਆ ਤੇ ਗੁਰਜੀਤ ਕੌਰ ਨੇ ਨਿਭਾਈ | ਇਸ ਮੌਕੇ ਵਾਈਸ ਪਿ੍ੰਸੀਪਲ ਬਬੀਤਾ ਵਧਵਾ, ਸ਼ੀਨਮ, ਮਨਦੀਪ ਕੌਰ, ਕੁਲਦੀਪ ਸਿੰਘ, ਪੂਜਾ, ਸ਼ਰੂਤੀ, ਨੀਤਿਕਾ ਅਤੇ ਤਰਨਪ੍ਰੀਤ ਹਾਜ਼ਰ ਸਨ |
