ਕਪੂਰਥਲਾ, 19 ਦਸੰਬਰ (ਵਿਸ਼ੇਸ਼ ਪ੍ਰਤੀਨਿਧ)-ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (ਈ.ਪੀ.ਐਫ.ਓ.) ਜਲੰਧਰ ਤੇ ਕਰਮਚਾਰੀ ਰਾਜ ਬੀਮਾ ਨਿਗਮ ਈ.ਐਸ.ਆਈ.ਸੀ. ਜਲੰਧਰ ਵਲੋਂ ਕਰਮਚਾਰੀਆਂ ਲਈ ਭਵਿੱਖ ਨਿਧੀ (ਈ.ਪੀ.ਐਫ.) ਤੇ ਕਰਮਚਾਰੀ ਰਾਜ ਬੀਮਾ (ਈ.ਐਸ.ਆਈ.) ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਰੇਲ ਕੋਚ ਫ਼ੈਕਟਰੀ ਕਪੂਰਥਲਾ ਦੇ ਟੈਕਨੀਕਲ ਟਰੇਨਿੰਗ ਸੈਂਟਰ ਵਿਚ ਇਕ ਸੈਮੀਨਾਰ ਕਰਵਾਇਆ ਗਿਆ, ਜਿਸ ਵਿਚ ਕੰਟਰੈਕਟ ਵਰਕਰਾਂ, ਠੇਕੇਦਾਰਾਂ ਤੇ ਆਰ.ਸੀ.ਐਫ. ਦੇ ਅਧਿਕਾਰੀਆਂ ਸਮੇਤ 100 ਦੇ ਕਰੀਬ ਵਿਅਕਤੀਆਂ ਨੇ ਭਾਗ ਲਿਆ | ਕਰਮਚਾਰੀ ਭਵਿੱਖਨਿਧੀ ਯੋਜਨਾ ਦੇ ਲਾਭ ਬਾਰੇ ਕਰਵਾਏ ਪਹਿਲੇ ਸੈਸ਼ਨ ਵਿਚ ਹਰਚਰਨ ਸਿੰਘ ਇਨਫੋਰਸਮੈਂਟ ਅਫ਼ਸਰ (ਈ.ਪੀ.ਐਫ.) ਅਤੇ ਰਾਜਦੀਪ ਸਿੰਘ ਬਰਾੜ ਇਨਫੋਰਸਮੈਂਟ ਅਫ਼ਸਰ ਈ.ਪੀ.ਐਫ. ਨੇ ਕਰਮਚਾਰੀ ਭਵਿੱਖ ਨਿਧੀ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ, ਜਦਕਿ ਈ.ਪੀ.ਐਫ. ਦੇ ਤਕਨੀਕੀ ਪੱਖਾਂ ਬਾਰੇ ਡੀ.ਪੀ.ਏ. ਪੰਕਜ ਸਰਪਾਲ ਨੇ ਚਰਚਾ ਕੀਤੀ | ਬਾਅਦ ਵਿਚ ਕਰਮਚਾਰੀ ਰਾਜ ਬੀਮਾ ਯੋਜਨਾ ਦੇ ਲਾਭਾਂ ਬਾਰੇ, ਈ.ਐਸ.ਆਈ.ਸੀ. ਦੇ ਐਸ.ਐਸ.ਓ. ਉੱਤਮ ਕੁਮਾਰ ਨੇ ਠੇਕੇਦਾਰਾਂ ਨੂੰ ਈ.ਐਸ.ਆਈ.ਸੀ. ਦੀ ਐਸ.ਪੀ.ਆਰ.ਈ.ਈ. 2025 ਯੋਜਨਾ ਵਿਚ ਕਰਮਚਾਰੀਆਂ ਨੂੰ ਰਜਿਸਟਰ ਕਰਵਾਉਣ ਲਈ ਉਤਸ਼ਾਹਿਤ ਕੀਤਾ | ਸੈਮੀਨਾਰ ਦੀ ਸਮਾਪਤੀ ਚੀਫ਼ ਸੇਫ਼ਟੀ ਅਫ਼ਸਰ ਵਲੋਂ ਦਿੱਤੇ ਭਾਸ਼ਣ ਨਾਲ ਹੋਈ | ਇਸ ਸੈਮੀਨਾਰ ਵਿਚ ਆਰ.ਸੀ.ਐਫ. ਦੇ ਡਿਪਟੀ ਸੀ.ਐਮ.ਈ. (ਕੋਆਰਡੀਨੇਸ਼ਨ) ਅਭੈ ਪਿ੍ਆ ਡੋਗਰਾ, ਵਰਕਸ ਮੈਨੇਜਰ ਫਰਨੀਸ਼ਿੰਗ ਨੀਰਜ ਕੁਮਾਰ, ਟੈਕਨੀਕਲ ਟਰੇਨਿੰਗ ਸੈਂਟਰ ਦੇ ਪਿ੍ੰਸੀਪਲ ਰਮੇਸ਼ਵਰ ਸਿੰਘ, ਸਹਾਇਕ ਵਰਕਸ ਮੈਨੇਜਰ ਅਤੁੱਲ ਕੁਮਾਰ ਯਾਦਵ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ | ਪਿ੍ੰਸੀਪਲ ਰਮੇਸ਼ਵਰ ਸਿੰਘ ਨੇ ਸੈਮੀਨਾਰ ਦੀ ਸਮਾਪਤੀ 'ਤੇ ਈ.ਪੀ.ਐਫ.ਓ. ਤੇ ਈ.ਐਸ.ਆਈ.ਸੀ. ਦੇ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ |
