ਭੁਲੱਥ, 27 ਦਸੰਬਰ (ਮੇਹਰ ਚੰਦ ਸਿੱਧੂ)-ਸਬ ਡਵੀਜ਼ਨ ਕਸਬਾ ਭੁਲੱਥ ਦੇ ਨਾਲ ਲੱਗਦੇ ਪਿੰਡ ਬਾਗੜੀਆਂ ਦੇ ਸੰਤ ਥੋਮਸ ਬਿਲੀਵਰਜ ਈਸਟਰਨ ਚਰਚ ਦੇ ਫਾਦਰ ਸੁਖਵਿੰਦਰ ਸਿੰਘ ਬਾਗੜੀਆਂ ਦੀ ਅਗਵਾਈ ਵਿੱਚ ਕਿ੍ਸਮਸ ਦੇ ਤਿਉਹਾਰ ਸਬੰਧੀ ਸ਼ੋਭਾ ਯਾਤਰਾ ਕੱਢੀ ਗਈ | ਇਸ ਮੌਕੇ ਫਾਦਰ ਸੁਖਵਿੰਦਰ ਸਿੰਘ ਬਾਗੜੀਆਂ ਵੱਲੋਂ ਸੰਗਤਾਂ ਨੂੰ ਪ੍ਰਭੂ ਯਿਸੂ ਮਸੀਹ ਦੇ ਜੀਵਨ ਸਬੰਧੀ ਪਵਿੱਤਰ ਬਾਈਬਲ ਵਿਚੋਂ ਵਚਨ ਸੁਣਾ ਕੇ ਸੰਗਤਾਂ ਨੂੰ ਨਾਮ ਬਾਣੀ ਨਾਲ ਜੋੜਿਆ ਗਿਆ | ਸਮਾਗਮ ਦੌਰਾਨ ਬੀਬੀਆਂ ਵੱਲੋਂ ਪ੍ਰਭੂ ਯਿਸੂ ਮਸੀਹ ਦੇ ਜੀਵਨ ਸਬੰਧੀ ਭਜਨਾਂ ਦਾ ਗੁਣਗਾਨ ਕੀਤਾ ਗਿਆ | ਫਾਦਰ ਸੁਖਵਿੰਦਰ ਵੱਲੋਂ ਇਕੱਤਰ ਹੋਈਆਂ ਸੰਗਤਾਂ ਨੂੰ ਪ੍ਰਭੂ ਯਿਸੂ ਮਸੀਹ ਦੇ ਦਰਸਾਏ ਮਾਰਗ ਤੇ ਚੱਲਣ ਦੀ ਪ੍ਰੇਰਨਾ ਦਿੱਤੀ | ਇਸ ਮੌਕੇ ਭਾਈ ਜੋਗਿੰਦਰ ਸੁਭਾਨਪੁਰ, ਗੁਰਦੇਵ ਬਰਿਆਰ, ਡੈਵਿਡ ਅਕਾਲਾ, ਫਰਾਂਸਿਸ ਅਕਾਲਾ, ਅਲਬਰਟ ਲੱਕੀ ਅਕਾਲਾ, ਬਲਵਿੰਦਰ ਅਖਾੜਾ, ਮਨਪ੍ਰੀਤ ਸਿੰਘ, ਜਤਿੰਦਰ ਗਿੱਲ ਭਟਨੂਰਾ, ਭੈਣ ਰੀਨਾ, ਭੈਣ ਟੀਨਾ ਬਾਗੜੀਆਂ, ਰਣਜੀਤ ਕੌਰ ਬਾਗੜੀਆਂ, ਊਸ਼ਾ ਰਾਣੀ, ਅੰਜਨਾ, ਰਾਜ ਰਾਮਗੜ੍ਹ, ਮਨਦੀਪ ਰਾਜਪੁਰ, ਬੀਬੀ ਕਾਨਤਾ, ਕੁਲਦੀਪ ਕੌਰ, ਮਨਜੀਤ ਕੌਰ, ਮਨਜਿੰਦਰ ਕੌਰ, ਸਰਪੰਚ ਚਰਨਜੀਤ ਸਿੰਘ ਬਾਗੜੀਆਂ, ਕੁਲਵਿੰਦਰ ਸਿੰਘ ਕਰਮਜੀਤ ਸਿੰਘ, ਮੈਂਬਰ ਪੰਚਾਇਤ ਮਲਕੀਤ ਸਿੰਘ, ਮਨਜਿੰਦਰ ਸਿੰਘ ਬਾਗੜੀਆਂ ਤੇ ਹੋਰ ਹਾਜ਼ਰ ਸਨ |
