ਸੁਲਤਾਨਪੁਰ ਲੋਧੀ, 28 ਦਸੰਬਰ (ਨਰੇਸ਼ ਹੈਪੀ)-ਸਾਹਿਬਜ਼ਾਦਿਆਂ ਦੇ ਮਨਾਏ ਜਾ ਰਹੇ ਸ਼ਹੀਦੀ ਪੰਦਰਵਾੜੇ ਦੇ ਸਬੰਧ ਵਿਚ ਅੱਜ ਕਟੜਾ ਬਾਜ਼ਾਰ ਸੁਲਤਾਨਪੁਰ ਲੋਧੀ ਵਿਖੇ ਰਾਕੇਸ਼ ਸਟੂਡੀਓ ਦੇ ਬਾਹਰ ਬਦਾਮਾਂ ਵਾਲੇ ਦੁੱਧ ਤੇ ਬਿਸਕੁਟਾਂ ਦਾ ਵਿਸ਼ਾਲ ਲੰਗਰ ਲਗਾਇਆ ਗਿਆ | ਇਸ ਮੌਕੇ ਪੁੱਜੇ ਭਾਜਪਾ ਦੇ ਹਲਕਾ ਇੰਚਾਰਜ ਰਕੇਸ਼ ਨੀਟੂ ਨੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜ਼ਾਦਿਆਂ ਦੀ ਤਸਵੀਰ ਅੱਗੇ ਫੁੱਲ ਭੇਟ ਕਰਦਿਆਂ ਕਿਹਾ ਕਿ ਪੋਹ ਮਹੀਨੇ ਦੀ ਦਰਦਨਾਕ ਦਾਸਤਾਨ ਦਾ ਦੁਨੀਆਂ ਦੇ ਇਤਿਹਾਸ ਅੰਦਰ ਕੋਈ ਸਾਨੀ ਨਹੀਂ ਹੈ | ਉਨ੍ਹਾਂ ਕਿਹਾ ਕਿ ਲੋਕ ਆਪਣੀ ਖ਼ਾਤਰ ਤਾਂ ਮਰ ਸਕਦੇ ਹਨ ਪਰ ਕਿਸੇ ਦੇਸ਼ ਕੌਮ ਦੀ ਖ਼ਾਤਰ ਬਲੀਦਾਨ ਦੇਣਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਸਿਖਾਇਆ ਹੈ | ਸੋ ਇਹਨਾਂ ਦੀ ਮਹਾਨ ਕੁਰਬਾਨੀ ਨੂੰ ਯਾਦ ਕਰਦੇ ਹੋਏ ਸਾਨੂੰ ਸਾਰਿਆਂ ਨੂੰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਵੱਲੋਂ ਵਿਖਾਏ ਗਏ ਰਸਤੇ 'ਤੇ ਚੱਲਦਿਆਂ ਸਰਬੱਤ ਦੇ ਭਲੇ ਦੇ ਕਾਰਜ ਕਰਨੇ ਚਾਹੀਦੇ ਹਨ | ਇਸ ਮੌਕੇ ਭਾਜਪਾ ਦੇ ਹਲਕਾ ਇੰਚਾਰਜ ਰਾਕੇਸ਼ ਕੁਮਾਰ ਨੀਟੂ, ਦਰਸ਼ਨ ਕਨੌਜੀਆ, ਅਸ਼ੋਕ ਕਨੌਜੀਆ, ਹਰਦਿਆਲ ਸਿੰਘ, ਸੋਨੰੂ ਅਰੋੜਾ, ਨਵਦੀਪ ਕੌਰ, ਗੁਰਪ੍ਰੀਤ ਕੌਰ, ਲਖਪਤ ਰਾਏ ਪ੍ਰਭਾਕਰ, ਮਿੰਟੂ ਜੈਨ, ਸਤਪਾਲ ਕਾਲਾ, ਨੀਲਮ, ਰਜਨੀ, ਗੁਰਪਾਲ ਸਿੰਘ ਕੰਡਾ, ਗੁਰਮਿੰਦਰ ਸਿੰਘ ਕੰਡਾ, ਅਵੀ, ਜਗਦੀਸ਼ ਜੱਗੂ, ਭਗਵਾਨ ਦਾਸ ਅਰੋੜਾ, ਤਰੁਣ, ਰਾਕੇਸ਼, ਪ੍ਰੋਫੈਸਰ ਰੂਬਲ ਕਨੌਜੀਆ, ਸੋਮ ਕਾਂਤੀ ਆਦਿ ਵੀ ਹਾਜ਼ਰ ਸਨ |
