ਢਾਕਾ, 4 ਜਨਵਰੀ (ਪੀ.ਟੀ.ਆਈ.) -ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਬੰਗਲਾਦੇਸ਼ ਦੇ ਸ਼ਰੀਅਤਪੁਰ ਜ਼ਿਲ੍ਹੇ ਵਿਚ ਇਕ ਹਿੰਦੂ ਵਪਾਰੀ ਦੀ ਕੁੱਟਮਾਰ ਕਰਨ ਤੋਂ ਬਾਅਦ ਸਾੜ ਕੇ ਮਾਰਨ ਦੇ ਮਾਮਲੇ ਵਿਚ ਐਤਵਾਰ ਨੂੰ ਤਿੰਨ ਵਿਅਕਤੀਆਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ¢ ਢਾਕਾ ਤੋਂ ਲਗਭਗ 100 ਕਿਲੋਮੀਟਰ ਦੱਖਣ ਵਿਚ ਸ਼ਰੀਅਤਪੁਰ ਜ਼ਿਲ੍ਹੇ ਦੇ ਦਾਮੁਦਿਆ ਵਿਚ ਕੇਉਰਭੰਗਾ ਬਾਜ਼ਾਰ ਨੇੜੇ 50 ਸਾਲਾ ਖੋਕਨ ਚੰਦਰ ਦਾਸ 'ਤੇ ਬੁੱਧਵਾਰ ਰਾਤ ਨੂੰ ਹਮਲਾ ਕੀਤਾ ਗਿਆ ਸੀ¢ ਉਸ ਦੀ ਸਨਿਚਰਵਾਰ ਨੂੰ ਮÏਤ ਹੋ ਗਈ¢ ਪ੍ਰੋਥਮ ਆਲੋ ਅਖ਼ਬਾਰ ਨੇ ਰਿਪੋਰਟ ਦਿੱਤੀ ਕਿ ਰੈਪਿਡ ਐਕਸ਼ਨ ਬਟਾਲੀਅਨ (ਆਰ ਏ ਬੀ) ਦੀ ਇਕ ਟੀਮ ਨੇ ਐਤਵਾਰ ਸਵੇਰੇ ਢਾਕਾ ਤੋਂ ਲਗਭਗ 100 ਕਿਲੋਮੀਟਰ ਉੱਤਰ-ਪੂਰਬ ਵਿਚ ਕਿਸ਼ੋਰਗੰਜ ਤੋਂ ਤਿੰਨ ਮੁਲਜ਼ਮਾਂ ਨੂੰ ਗਿ੍ਫ਼ਤਾਰ ਕੀਤਾ ਹੈ¢ ਗਿ੍ਫ਼ਤਾਰ ਕੀਤੇ ਗਏ ਵਿਅਕਤੀਆਂ ਦੀ ਪਛਾਣ ਦਾਮੁਦਿਆ ਵਾਸੀ ਸੋਹਾਗ ਖਾਨ (27), ਰੱਬੀ ਮੋਲਿਆ (21), ਅਤੇ ਪਲਾਸ਼ ਸਰਦਾਰ (25) ਵਜੋਂ ਹੋਈ ਹੈ¢ ਦਾਸ, ਜੋ ਕਿ ਫਾਰਮੇਸੀ ਅਤੇ ਮੋਬਾਈਲ ਬੈਂਕਿੰਗ ਦਾ ਕਾਰੋਬਾਰ ਕਰਦਾ ਸੀ, ਇਕ ਆਟੋ ਰਿਕਸ਼ਾ ਵਿਚ ਯਾਤਰਾ ਕਰ ਰਿਹਾ ਸੀ ਜਦੋਂ ਹਮਲਾਵਰਾਂ ਨੇ ਗੱਡੀ ਨੂੰ ਰੋਕਿਆ ਅਤੇ ਕਥਿਤ ਤÏਰ 'ਤੇ ਉਸ ਨੂੰ ਕੁੱਟਿਆ, ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕੀਤਾ ਅਤੇ ਫਿਰ ਉਸ ਦੇ ਸਿਰ 'ਤੇ ਪੈਟਰੋਲ ਪਾ ਕੇ ਉਸ ਨੂੰ ਅੱਗ ਲਗਾ ਦਿੱਤੀ ਸੀ |