ਨਵੀਂ ਦਿੱਲੀ, 5 ਜਨਵਰੀ (ਪੀ. ਟੀ. ਆਈ.)-ਜਰਮਨ ਚਾਂਸਲਰ ਫ੍ਰੈਡਰਿਕ ਮਰਜ਼ ਵਪਾਰ, ਨਿਵੇਸ਼ ਅਤੇ ਰੱਖਿਆ ਅਤੇ ਸੁਰੱਖਿਆ ਸਮੇਤ ਕਈ ਖੇਤਰਾਂ ਵਿਚ ਦੁਵੱਲੇ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਲਈ ਅਗਲੇ ਹਫ਼ਤੇ ਭਾਰਤ ਦਾ ਦੋ ਦਿਨਾ ਦੌਰਾ ਕਰਨਗੇ | ਵਿਦੇਸ਼ ਮੰਤਰਾਲੇ (ਐਮ. ਈ. ਏ.) ਨੇ ਸੋਮਵਾਰ ਨੂੰ ਮਰਜ਼ ਦੀ ਪਹਿਲੀ ਭਾਰਤ ਯਾਤਰਾ ਦਾ ਐਲਾਨ ਕਰਦੇ ਹੋਏ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 12 ਜਨਵਰੀ ਨੂੰ ਅਹਿਮਦਾਬਾਦ ਵਿਚ ਜਰਮਨ ਨੇਤਾ ਦਾ ਸਵਾਗਤ ਕਰਨਗੇ | ਜਰਮਨ ਚਾਂਸਲਰ ਬੈਂਗਲੁਰੂ ਵੀ ਜਾਣਗੇ | ਦੋਵਾਂ ਦੇਸ਼ਾਂ ਦੇ ਲੋਕਾਂ ਅਤੇ ਵਿਆਪਕ ਵਿਸ਼ਵ ਭਾਈਚਾਰੇ ਦੇ ਲਾਭ ਲਈ ਇੱਕ ਅਗਾਂਹਵਧੂ ਸਾਂਝੇਦਾਰੀ ਬਣਾਉਣ ਲਈ ਭਾਰਤ ਅਤੇ ਜਰਮਨੀ ਦੇ ਸਾਂਝੇ ਦਿ੍ਸ਼ਟੀਕੋਣ ਦੀ ਪੁਸ਼ਟੀ ਕਰਨ ਦਾ ਇੱਕ ਕੀਮਤੀ ਮੌਕਾ ਪ੍ਰਦਾਨ ਕਰੇਗਾ |