ਐੱਲ.ਪੀ.ਜੀ. ਦੀਆਂ ਕੀਮਤਾਂ ਦੁਨੀਆ 'ਚ ਸਭ ਤੋਂ ਘੱਟ-ਸਰਕਾਰ
ਅਜੀਤ ਡੈਸਕ
08-06-2026
ਨਵੀਂ ਦਿੱਲੀ, 7 ਜੂਨ (ਪੀ.ਟੀ.ਆਈ.)-ਸਰਕਾਰ ਨੇ ਐਤਵਾਰ ਨੂੰ ਕਿਹਾ ਹੈ ਕਿ ਘਰੇਲੂ ਐੱਲ.ਪੀ.ਜੀ. ਦੀਆਂ ਕੀਮਤਾਂ 'ਚ ਪ੍ਰਤੀ ਸਿਲੰਡਰ 29 ਰੁਪਏ ਵਧਾਉਣ ਤੋਂ ਬਾਅਦ ਵੀ ਭਾਰਤੀ ਪਰਿਵਾਰ ਰਸੋਈ ਗੈਸ ਲਈ ਦੁਨੀਆ ਵਿੱਚ ਸਭ ਤੋਂ ਘੱਟ ਕੀਮਤ ਅਦਾ ਕਰ ਰਹੇ ਹਨ¢ ਇਹ ਪੱਛਮੀ ਏਸ਼ੀਆ ਵਿੱਚ ਰੁਕਾਵਟਾਂ ਕਾਰਨ ਅੰਤਰਰਾਸ਼ਟਰੀ ਐੱਲ.ਪੀ.ਜੀ. ਕੀਮਤਾਂ ਵਿੱਚ ਤੇਜ਼ੀ ਨਾਲ ਵਾਧੇ ਦੇ ਬਾਵਜੂਦ ਹੈ¢ ਇਸੇ ਦÏਰਾਨ ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ (ਪੀਐੱਮ ਯੂ ਵਾਈ) ਦੇ ਲਾਭਪਾਤਰੀਆਂ ਨੂੰ ਸਾਲਾਨਾ ਪਹਿਲੇ ਚਾਰ ਰੀਫਿਲ ਲਈ 300 ਰੁਪਏ ਪ੍ਰਤੀ ਰੀਫਿਲ ਦੀ ਸਬਸਿਡੀ ਪ੍ਰਾਪਤ ਕਰਨ ਤੋਂ ਬਾਅਦ ਪ੍ਰਤੀ ਸਿਲੰਡਰ 642 ਰੁਪਏ ਦੀ ਪ੍ਰਭਾਵੀ ਕੀਮਤ ਦਾ ਭੁਗਤਾਨ ਕਰਨਾ ਜਾਰੀ ਰਹੇਗਾ (ਪਿਛਲੇ ਸਾਲ 9 ਰੀਫਿਲ ਦਾ ਐਲਾਨ ਕੀਤਾ ਗਿਆ ਸੀ)¢ ਇਹ ਵਾਧਾ 7 ਮਾਰਚ ਨੂੰ ਪ੍ਰਤੀ ਸਿਲੰਡਰ 60 ਰੁਪਏ ਦੇ ਵਾਧੇ ਤੋਂ ਬਾਅਦ ਹੋਇਆ ਹੈ, ਜਿਸ ਨਾਲ 14.2 ਕਿਲੋਗ੍ਰਾਮ ਸਿਲੰਡਰ ਲਈ ਕੁੱਲ ਵਾਧਾ 89 ਰੁਪਏ ਹੋ ਗਿਆ ਹੈ¢ ਇਹ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ ਸਰਕਾਰੀ ਤੇਲ ਮਾਰਕੀਟਿੰਗ ਕੰਪਨੀਆਂ ਹਾਲ ਹੀ ਵਿੱਚ ਬਦਲਾਅ ਤੋਂ ਪਹਿਲਾਂ ਵੇਚੇ ਗਏ ਪ੍ਰਤੀ ਐੱਲ.ਪੀ.ਜੀ. ਸਿਲੰਡਰ ਲਗਭਗ 703 ਰੁਪਏ ਦਾ ਨੁਕਸਾਨ ਕਰ ਰਹੀਆਂ ਸਨ¢ਸਰਕਾਰ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਫਰਵਰੀ ਦੇ ਅਖੀਰ ਵਿੱਚ ਪੱਛਮੀ ਏਸ਼ੀਆ ਵਿੱਚ ਯੁੱਧ ਸ਼ੁਰੂ ਹੋਣ ਤੋਂ ਬਾਅਦ ਅੰਤਰਰਾਸ਼ਟਰੀ ਕੀਮਤਾਂ ਵਿੱਚ ਵਾਧਾ ਹੋਇਆ, ਜਿਸ ਨਾਲ ਘਰੇਲੂ ਐੱਲ.ਪੀ.ਜੀ. ਸਿਲੰਡਰ ਦੀ ਸਪਲਾਈ ਦੀ ਲਾਗਤ 1,600 ਰੁਪਏ ਤੋਂ ਵੱਧ ਹੋ ਗਈ¢ਭਾਰਤ ਵਿੱਚ ਐੱਲ.ਪੀ.ਜੀ.ਦਰਾਮਦ ਦੀ ਲਾਗਤ ਸਾਊਦੀ ਕੰਟਰੈਕਟ ਪ੍ਰਾਈਸ (ਸੀ ਪੀ) ਨਾਲ ਜੁੜੀ ਹੋਈ ਹੈ, ਜੋ ਕਿ ਬਾਲਣ ਲਈ ਗਲੋਬਲ ਬੈਂਚਮਾਰਕ ਹੈ¢ ਬਿਆਨ ਦੇ ਅਨੁਸਾਰ, ਇਹ ਬੈਂਚਮਾਰਕ ਫਰਵਰੀ ਤੋਂ ਲਗਭਗ 46 ਫੀਸਦੀ ਵਧਿਆ ਹੈ, ਕਿਉਂਕਿ ਹੋਰਮੁਜ਼ ਜਲਡਮਰੂ ਰੁਕਾਵਟ ਕਾਰਨ ਖਾੜੀ ਖੇਤਰ ਤੋਂ ਸਪਲਾਈ ਘਟੀ ਹੈ¢ਸਰਕਾਰ ਨੇ ਕਿਹਾ ਕਿ ਵਾਧੇ ਦੇ ਬਾਵਜੂਦ, ਘਰੇਲੂ ਐੱਲ.ਪੀ.ਜੀ. ਦੀਆਂ ਕੀਮਤਾਂ ਗੁਆਂਢੀ ਦੇਸ਼ਾਂ ਜਿਵੇਂ ਕਿ ਪਾਕਿਸਤਾਨ, ਨਿਪਾਲ, ਬੰਗਲਾਦੇਸ਼ ਅਤੇ ਸ਼੍ਰੀਲੰਕਾ ਨਾਲੋਂ ਘੱਟ ਹਨ,ਅਤੇ ਵਿਕਸਤ ਅਰਥਵਿਵਸਥਾਵਾਂ ਜਿਵੇਂ ਕਿ ਅਮਰੀਕਾ, ਆਸਟ੍ਰੇਲੀਆ ਅਤੇ ਕੈਨੇਡਾ ਦੀਆਂ ਕੀਮਤਾਂ ਨਾਲੋਂ ਕਾਫ਼ੀ ਘੱਟ ਹਨ¢
