ਮਮਤਾ ਬੈਨਰਜੀ ਵਲੋਂ ਜਿਸ ਕਲਿਆਣ ਬੈਨਰਜੀ ਨੂੰ ਚੀਫ਼ ਵਿਪ੍ਹ ਬਣਾਉਣ 'ਤੇ 40 ਸਾਲ ਪੁਰਾਣੀ ਪਾਰਟੀ ਮੈਂਬਰ ਕਾਕੋਲੀ ਘੋਸ਼ ਨੂੰ ਅਹੁਦੇ ਤੋਂ ਹਟਾ ਕੇ ਉਨ੍ਹਾਂ ਦੀ ਅਜਿਹੀ ਨਾਰਾਜ਼ਗੀ ਮੁੱਲ ਲਈ ਕਿ ਅੱਜ ਉਹ (ਘੋਸ਼) ਬਾਗ਼ੀਆਂ ਦੇ ਧੜੇ ਦੀ ਅਗਵਾਈ ਕਰ ਰਹੇ ਹਨ, ਉਹ ਹੀ ਕਲਿਆਣ ਬੈਨਰਜੀ ਹੁਣ ਤਿੱਖੇ ਤੇਵਰ ਵਿਖਾ ਰਹੇ ਹਨ | ਕਲਿਆਣ ਬੈਨਰਜੀ ਨੇ ਮਮਤਾ ਨੂੰ ਅਲਟੀਮੇਟਮ ਦਿੰਦਿਆਂ ਕਿਹਾ ਕਿ ਉਹ ਜਾਂ ਤਾਂ ਅਭਿਸ਼ੇਕ (ਬੈਨਰਜੀ) ਨੂੰ ਚੁਣਨ ਜਾਂ ਉਨ੍ਹਾਂ ਜਿਹੇ ਵਫ਼ਾਦਾਰਾਂ ਨੂੰ | ਕਲਿਆਣ ਬੈਨਰਜੀ ਨੇ ਖੁਦ ਨੂੰ ਅਭਿਸ਼ੇਕ ਬੈਨਰਜੀ ਦੇ ਖ਼ਿਲਾਫ ਫਰਜ਼ੀ ਦਸਤਖ਼ਤ ਕੇਸ ਤੋਂ ਵੀ ਖੁਦ ਨੂੰ ਅਲੱਗ ਕਰਨ ਦਾ ਐਲਾਨ ਕਰ ਦਿੱਤਾ | ਕਲਿਆਣ ਬੈਨਰਜੀ ਨੇ ਕਿਹਾ ਕਿ ਅਸੀਂ ਕੱਲ੍ਹ ਅਭਿਸ਼ੇਕ ਦੇ ਕੇਸ ਲਈ ਤਿਆਰੀ ਕਰ ਰਹੇ ਸੀ ਅਤੇ ਅੱਧੀ ਰਾਤ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਵਕੀਲ ਬਦਲ ਲਿਆ ਗਿਆ ਹੈ | ਉਨ੍ਹਾਂ ਇਸ ਨੂੰ ਅਪਮਾਨਜਨਕ ਦੱਸਦਿਆਂ ਕਿਹਾ ਕਿ ਅਭਿਸ਼ੇਕ ਨੂੰ ਸੀਨੀਅਰਾਂ ਦਾ ਸਨਮਾਨ ਕਰਨਾ ਨਹੀਂ ਆਉਂਦਾ |
