ਭਾਰਤ ਦੇ 11 ਜਹਾਜ਼ ਫਾਰਸ ਦੀ ਖਾੜੀ ’ਚ ਫਸੇ
ਅਜੀਤ ਡੈਸਕ
15-07-2026
ਹੋਰਮੁਜ਼ ’ਚ ਜਾਰੀ ਤਣਾਅ ਦਰਮਿਆਨ ਭਾਰਤ ਨਾਲ ਸੰਬੰਧਿਤ 11 ਜਹਾਜ਼ ਅਤੇ 148 ਭਾਰਤੀ ਚਾਲਕ ਦਲ ਦੇ ਮੈਂਬਰ ਫਾਰਸ ਦੀ ਖਾੜੀ ’ਚ ਫਸੇ ਹੋਏ ਹਨ। ਜਿਨ੍ਹਾਂ ’ਚੋਂ 7 ਭਾਰਤੀ ਝੰਡੇ ਵਾਲੇ ਜਹਾਜ਼ ਅਤੇ 4 ਭਾਰਤ ਲਈ ਸਾਮਾਨ ਲੈ ਕੇ ਆਉਣ ਵਾਲੇ ਵਿਦੇਸ਼ੀ ਜਹਾਜ਼ ਸ਼ਾਮਿਲ ਹਨ। ਇਹ ਸਾਰੇ ਜਹਾਜ਼ ਹੋਰਮੁਜ਼ ਜਲ ਮਾਰਗ ’ਚੋਂ ਲੰਘਣ ਦੀ ਉਡੀਕ ਕਰ ਰਹੇ ਹਨ। ਵਿਦੇਸ਼ ਮੰਤਰਾਲੇ ਦੇ ਸੂਤਰਾਂ ਅਨੁਸਾਰ ਫਰਵਰੀ ਤੋਂ ਸੰਘਰਸ਼ ਸ਼ੁਰੂ ਹੋਣ ਦੇ ਬਾਅਦ ਤੋਂ ਹੁਣ ਤੱਕ ਭਾਰਤ ਲਈ ਸਾਮਾਨ ਲੈ ਕੇ 57 ਜਹਾਜ਼ ਹੋਰਮੁਜ਼ ਜਲ ਮਾਰਗ ਪਾਰ ਕਰ ਚੁੱਕੇ ਹਨ। ਜਿਨ੍ਹਾਂ ’ਚੋਂ 21 ਭਾਰਤੀ ਝੰਡੇ ਵਾਲੇ ਅਤੇ 36 ਵਿਦੇਸ਼ੀ ਜਹਾਜ਼ ਸ਼ਾਮਿਲ ਹਨ। 13 ਜੁਲਾਈ ਤੱਕ ਵੱਖ-ਵੱਖ ਸ਼ਿਪਿੰਗ ਕੰਪਨੀਆਂ ਭਾਰਤੀ ਚਾਲਕ ਦਲ ਦੇ 3918 ਮੈਂਬਰਾਂ ਨੂੰ ਸੁਰੱਖਿਅਤ ਕੱਢ ਚੁੱਕੀਆਂ ਹਨ।
