ਨੇਜੇਬਾਜ਼ ਨੀਰਜ ਚੋਪੜਾ ਨੇ ਚਾਂਦੀ ਤੇ ਯਸ਼ਵੀਰ ਨੇ ਕਾਂਸੀ ਦਾ ਤਗਮਾ ਜਿੱਤਿਆ

ਭਾਰਤੀ ਨੇਜੇਬਾਜ਼ ਨੀਰਜ ਚੋਪੜਾ ਮੁਸ਼ਕਲ ਹਾਲਾਤਾਂ ’ਚ ਆਪਣਾ ਸਰਬੋਤਮ ਪ੍ਰਦਰਸ਼ਨ ਕਰਨ ’ਚ ਅਸਫਲ ਰਿਹਾ ਪਰ ਚਾਂਦੀ ਦਾ ਤਗਮਾ ਆਪਣੇ ਨਾਂਅ ਕੀਤਾ ਜਦੋਂ ਕਿ ਯਸ਼ਵੀਰ ਸਿੰਘ ਨੇ ਰਾਸ਼ਟਰਮੰਡਲ ਖੇਡਾਂ ’ਚ ਆਪਣੀ ਆਖਰੀ ਕੋਸ਼ਿਸ਼ ’ਚ ਸਭ ਤੋਂ ਵਧੀਆ ਕੋਸ਼ਿਸ਼ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ। 28 ਸਾਲਾ ਟੋਕੀਓ ਓਲੰਪਿਕ ਚੈਂਪੀਅਨ ਨੀਰਜ ਨੇ ਆਪਣੀ ਦੂਜੀ ਕੋਸ਼ਿਸ਼ ’ਚ ਸੀਜ਼ਨ ਦਾ ਆਪਣਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕੀਤਾ, 85.83 ਮੀਟਰ ਸੁੱਟਿਆ, ਜੋ ਦੂਜੇ ਸਥਾਨ ’ਤੇ ਰਹਿਣ ਲਈ ਕਾਫ਼ੀ ਸੀ। ਉਹ 19 ਜੂਨ ਨੂੰ ਦੋਹਾ ਡਾਇਮੰਡ ਲੀਗ ’ਚ 85.69 ਮੀਟਰ ਦੇ ਨਾਲ ਚੌਥੇ ਸਥਾਨ ’ਤੇ ਰਿਹਾ ਸੀ। 24 ਸਾਲਾ ਯਸ਼ਵੀਰ, ਜਿਸਨੇ ਰਾਸ਼ਟਰਮੰਡਲ ਖੇਡਾਂ ’ਚ ਆਪਣਾ ਡੈਬਿਊ ਕੀਤਾ, ਨੇ ਆਪਣੀ ਛੇਵੀਂ ਤੇ ਆਖਰੀ ਕੋਸ਼ਿਸ਼ ’ਚ 85.41 ਮੀਟਰ ਦੇ ਥ੍ਰੋਅ ਨਾਲ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਉਸਦਾ ਪਿਛਲਾ ਸਰਵੋਤਮ 83.72 ਮੀਟਰ ਸੀ। ਉਹ 81.33 ਮੀਟਰ ਦੇ ਸਰਵੋਤਮ ਯਤਨ ਨਾਲ 5ਵੇਂ ਦੌਰ ਤੋਂ ਬਾਅਦ ਸੱਤਵੇਂ ਸਥਾਨ ’ਤੇ ਸੀ, ਪਰ ਉਸਦੀ ਆਖਰੀ ਕੋਸ਼ਿਸ਼ ਪ੍ਰਭਾਵਸ਼ਾਲੀ ਸੀ। ਉਮੀਦ ਅਨੁਸਾਰ, ਸ੍ਰੀਲੰਕਾ ਦੇ ਸਟਾਰ ਰੋਮੇਸ਼ ਥਰੰਗਾ ਪਥੀਰਾਗੇ ਨੇ 89.75 ਮੀਟਰ ਦੇ ਥਰੋਅ ਨਾਲ ਸੋਨ ਤਗਮਾ ਜਿੱਤਿਆ। ਬਹੁਤ ਜ਼ਿਆਦਾ ਠੰਡ ਅਤੇ ਤੇਜ਼ ਹਵਾਵਾਂ ਦੇ ਬਾਵਜੂਦ ਉਸਦਾ ਪ੍ਰਦਰਸ਼ਨ ਪ੍ਰਭਾਵਸ਼ਾਲੀ ਰਿਹਾ। ਉਸਨੇ ਜੂਨ ’ਚ ਰੋਮ ਡਾਇਮੰਡ ਲੀਗ ਵਿੱਚ 92.62 ਮੀਟਰ ਥਰੋਅ ਕੀਤਾ ਸੀ।­