ਭਾਰਤ ਨੇ ਰਾਹਤ ਸਮੱਗਰੀ ਤੇ ਉਪਕਰਨਾਂ ਦੀ ਇਕ ਹੋਰ ਖੇਪ ਨਿਪਾਲ ਭੇਜੀ

ਨਵੀਂ ਦਿੱਲੀ, 9 ਸਤੰਬਰ (ਏਜੰਸੀ)-ਅਧਿਕਾਰੀਆਂ ਨੇ ਦੱਸਿਆ ਕਿ ਭਾਰਤ ਨੇ ਬੁੱਧਵਾਰ ਨੂੰ ਨਿਪਾਲ ਲਈ ਸੀ-17 ਟਰਾਂਸਪੋਰਟ ਏਅਰਕ੍ਰਾਫ਼ਟ ਰਾਹੀਂ 35 ਟਨ ਰਾਹਤ ਸਮੱਗਰੀ ਤੇ ਉਪਕਰਨ ਭੇਜੇ। ਭਾਰਤ ਨੇ ਰਾਹਤ ਟੀਮ ਵੀ ਭੇਜੀ ਹੈ ਜੋ ਨਿਪਾਲੀ ਸੈਨਾ ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ, ਜਦੋਂ ਕਿ ਪੀੜਤਾਂ ਦੀਆਂ ਲਾਸ਼ਾਂ ਦੀ ਪਛਾਣ ਲਈ ਇਕ ਫੋਰੈਂਸਿਕ ਟੀਮ ਵੀ ਭੇਜੀ ਹੈ। ਭਾਰਤ ਨੇ 3 ਸਤੰਬਰ ਦੀ ਰਾਤ ਨੂੰ ਨਿਪਾਲ ਲਈ ਦੋ ਮਿਲਟਰੀ ਟਰਾਂਸਪੋਰਟ ਏਅਰਕ੍ਰਾਫ਼ਟਾਂ ਰਾਹੀਂ 21 ਟਨ ਤੋਂ ਜ਼ਿਆਦਾ ਰਾਹਤ ਸਮੱਗਰੀ ਦੀ 6ਵੀਂ ਖੇਪ ਭੇਜੀ ਸੀ। ਨਿਪਾਲ ’ਚ ਆਏ ਹੜ੍ਹਾਂ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 1365 ਤੱਕ ਪੁੱਜ ਗਈ ਹੈ।