ਤਲਵਾੜਾ, 21 ਫਰਵਰੀ (ਐੱਚ. ਐੱਸ. ਮਿੱਠੂ)-ਭਾਖੜਾ ਬਿਆਸ ਪ੍ਰਬੰਧ ਬੋਰਡ (ਬੀਬੀਐਮਬੀ) ਦੇ ਫਾਇਰ ਸਟੇਸ਼ਨ ਦੀ ਟੀਮ ਨੇ ਸ਼ੁੱਕਰਵਾਰ ਨੂੰ ਆਪਣੀ ਜਾਂਬਾਜ਼ੀ ਅਤੇ ਤਕਨੀਕੀ ਸੂਝ-ਬੂਝ ਦਾ ਸਬੂਤ ਦਿੰਦਿਆਂ ਇੱਕ ਡੁੱਬਦੇ ਨੌਜਵਾਨ ਨੂੰ ਸੁਰੱਖਿਅਤ ਬਚਾ ਲਿਆ | ਸ਼ਾਹ ਨਹਿਰ ਦੇ ਤੇਜ਼ ਵਹਾਅ ਵਿਚ ਕਰੀਬ ਇਕ ਕਿੱਲੋਮੀਟਰ ਤੱਕ ਵਹਿ ਚੁੱਕੇ ਇਸ ਵਿਅਕਤੀ ਦੀ ਜਾਨ ਬਚਾਉਣ ਵਿਚ ਫਾਇਰ ਟੀਮ ਦੇ ਕਰਮਚਾਰੀਆਂ ਨੇ ਫ਼ਰਿਸ਼ਤਿਆਂ ਵਾਂਗ ਭੂਮਿਕਾ ਨਿਭਾਈ | ਜਾਣਕਾਰੀ ਅਨੁਸਾਰ ਨੇੜਲੇ ਪਿੰਡ ਵਿਚ ਮੈਡੀਕਲ ਸਟੋਰ ਚਲਾਉਂਦਾ ਇੱਕ ਵਿਅਕਤੀ ਅਚਾਨਕ ਅਣਨਿਯੰਤਰਿਤ ਹੋ ਕੇ ਨਹਿਰ ਵਿਚ ਡਿਗ ਗਿਆ | ਪਾਣੀ ਦਾ ਵਹਾਅ ਬਹੁਤ ਤੇਜ਼ ਹੋਣ ਕਰਕੇ ਉਹ ਕੁੱਝ ਹੀ ਪਲਾਂ ਵਿਚ ਕਾਫ਼ੀ ਦੂਰ ਤੱਕ ਵਹਿ ਗਿਆ | ਡੁੱਬਦੇ ਵਿਅਕਤੀ ਦੀਆਂ ਚੀਖਾਂ ਸੁਣ ਕੇ ਇਕ ਰਾਹਗੀਰ ਨੇ ਤੁਰੰਤ ਸੂਝਬੂਝ ਦਿਖਾਉਂਦੇ ਹੋਏ ਬੀਬੀਐਮਬੀ ਫਾਇਰ ਸਟੇਸ਼ਨ ਨੂੰ ਫ਼ੋਨ ਰਾਹੀਂ ਸੂਚਿਤ ਕੀਤਾ | ਸੂਚਨਾ ਮਿਲਦਿਆਂ ਹੀ ਫਾਇਰ ਡਰਾਈਵਰ ਅਰੁਣਦੀਪ ਸਿੰਘ ਨੇ ਆਪਣੀ ਡਰਾਈਵਿੰਗ ਕਾਬਲੀਅਤ ਦਾ ਪ੍ਰਦਰਸ਼ਨ ਕਰਦਿਆਂ ਟੀਮ ਨੂੰ ਚੰਦ ਮਿੰਟਾਂ ਵਿਚ ਮੌਕੇ 'ਤੇ ਪਹੁੰਚਾ ਦਿੱਤਾ | ਉਸ ਸਮੇਂ ਤੱਕ ਵਿਅਕਤੀ ਬਹੁਤ ਥੱਕ ਚੁੱਕਾ ਸੀ ਅਤੇ ਉਸ ਦੀ ਹਿੰਮਤ ਜਵਾਬ ਦੇ ਰਹੀ ਸੀ | ਲੀਡਿੰਗ ਫਾਇਰਮੈਨ ਦਰਸ਼ਨ ਕੁਮਾਰ ਦੀ ਅਗਵਾਈ ਹੇਠ ਫਾਇਰਮੈਨ ਧੰਨਾ ਸਿੰਘ, ਫਾਇਰਮੈਨ ਜੈਵੀਰ ਅਤੇ ਡਰਾਈਵਰ ਅਰੁਣਦੀਪ ਸਿੰਘ ਨੇ ਨਹਿਰ ਦੇ ਦੋਨੋਂ ਕੰਢਿਆਂ ਦਰਮਿਆਨ ਰੱਸੀ ਦਾ ਵਿਸ਼ੇਸ਼ Tਜ਼ਿਗ-ਜ਼ੈਗU ਜਾਲ ਤਿਆਰ ਕੀਤਾ | ਜਿਵੇਂ ਹੀ ਡੁੱਬਦਾ ਵਿਅਕਤੀ ਇਸ ਰੱਸੀ ਦੇ ਸੰਪਰਕ ਵਿਚ ਆਇਆ, ਉਸ ਨੇ ਇਸ ਨੰੂ ਮਜ਼ਬੂਤੀ ਨਾਲ ਫੜ ਲਿਆ | ਸਟੀਕ ਟੀਮ ਵਰਕ ਨਾਲ ਮਿਲੀ ਕਾਮਯਾਬੀ ਲੀਡਿੰਗ ਫਾਇਰਮੈਨ ਦਰਸ਼ਨ ਕੁਮਾਰ ਦੀ ਯੋਗ ਅਗਵਾਈ ਹੇਠ ਪੂਰੀ ਟੀਮ ਨੇ ਪੂਰੇ ਤਾਲਮੇਲ ਨਾਲ ਰੱਸੀ ਖਿੱਚ ਕੇ ਵਿਅਕਤੀ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ | ਤੁਰੰਤ ਉਸ ਨੰੂ ਬੀ.ਬੀ.ਐਮ.ਬੀ. ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਦੀ ਹਾਲਤ ਨੂੰ
