ਭੰਗਾਲਾ, 19 ਅਪ੍ਰੈਲ (ਬਲਵਿੰਦਰਜੀਤ ਸਿੰਘ ਸੈਣੀ)- ਗੁਰਦੁਆਰਾ ਸਾਹਿਬ (ਬਾਹਰਲਾ ਡੇਰਾ) ਪਿੰਡ ਮੰਝਪੁਰ (ਮੁਕੇਰੀਆਂ) ਵਿਖੇ ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀਆਂ ਦੀ ਸਰਪ੍ਰਸਤੀ ਹੇਠ ਬਾਬਾ ਤਾਰਾ ਸਿੰਘ ਜੀਆਂ ਦੇ ਤਪ ਅਸਥਾਨ ਤੇ ਬਾਬਾ ਵੀਰ ਸਿੰਘ ਨਰੰਗਾਵਾਦ ਵਾਲਿਆਂ ਦਾ 181ਵਾਂ ਸਲਾਨਾ ਸ਼ਹੀਦੀ ਸਮਾਗਮ ਨੂੰ ਮੁੱਖ ਰੱਖ ਕੇ ਮਹਾਨ ਸਾਲਾਨਾ ਸਮਾਗਮ 9 ਮਈ ਦਿਨ ਸ਼ਨੀਵਾਰ ਨੂੰ (ਜਿਸ ਨੂੰ ਸਤਾਈਏ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ) ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਨਗਰ ਪੰਚਾਇਤ, ਯੂਥ ਕਲੱਬ ਤੇ ਇਲਾਕੇ ਦੀਆ ਸੰਗਤਾਂ ਦੇ ਸਹਿਯੋਗ ਨਾਲ ਬਹੁਤ ਹੀ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾ ਰਿਹਾ ਹੈ | ਇਹ ਜਾਣਕਾਰੀ ਸਾਂਝੀ ਕਰਦੇ ਹੋਏ ਪ੍ਰਬੰਧਕ ਕਮੇਟੀ ਨੇ ਦੱਸਿਆ ਹੈ ਕਿ ਇਸ ਸੰਬੰਧ ਵਿਚ 29 ਅਪ੍ਰੈਲ ਨੂੰ ਅਖੰਡ ਪਾਠ ਦੇ ਲੜੀਵਾਰ ਪ੍ਰਵਾਹ ਚੱਲਣਗੇ ਜਿਸ ਦੇ ਸਪੂਰਨਤਾਈ ਭੋਗ 9 ਮਈ ਦਿਨ ਸ਼ਨੀਵਾਰ ਨੂੰ ਸਵੇਰੇ 8 ਵਜੇ ਪੈਣਗੇ | ਉਪਰੰਤ ਜਿਸ ਵਿਚ ਕਥਾ ਵਾਚਕ ਭਾਈ ਕਲਿਆਣ ਸਿੰਘ (ਗਰਨਾ ਸਾਹਿਬ), ਢਾਡੀ ਜਥਾ ਭਾਈ ਸੁਖਰਾਜ ਸਿੰਘ ਰਾਜਾ (ਸ੍ਰੀ ਅੰਮਿ੍ਤਸਰ ਵਾਲੇ) ਇਤਿਹਾਸ ਰਾਹੀਂ ਢਾਡੀ ਵਾਰ ਸਰਵਣ ਕਰਨਗੇ ਅਤੇ ਸੰਤ ਹਰਜਿੰਦਰ ਸਿੰਘ ਮੰਝਪੁਰ ਵਾਲੇ ਵਿਸ਼ੇਸ਼ ਤੇ ਪਹੁੰਚ ਰਹੇ ਹਨ |
