ਹੁਸ਼ਿਆਰਪੁਰ, 23 ਅਪ੍ਰੈਲ (ਨਰਿੰਦਰ ਸਿੰਘ ਬੱਡਲਾ)-ਕੋਟਫ਼ਤੂਹੀ ਤੋਂ ਰੋਜ਼ਾਨਾ 'ਅਜੀਤ' ਦੇ ਪੱਤਰਕਾਰ ਅਵਤਾਰ ਸਿੰਘ ਅਟਵਾਲ ਨੂੰ ਬੀਤੀ ਸ਼ਾਮ ਉਨ੍ਹਾਂ ਦੇ ਮੋਬਾਈਲ ਫ਼ੋਨ 'ਤੇ ਚੱਲਦੇ ਵਟਸਐਪ 'ਤੇ ਫਿਲੀਪਾਈਨ ਦੇ ਨੰਬਰ +639275833578 ਤੋਂ ਇਕ ਧਮਕੀ ਵਾਲੀ ਕਾਲ ਆਈ, ਜਿਸ ਨੂੰ ਉਨ੍ਹਾਂ ਦੇ ਖੇਤਾਂ ਵਿਚ ਕੰਬਾਈਨ ਚੱਲਣ ਕਰਕੇ ਉਨ੍ਹਾਂ ਦੇ ਘਰ ਵਿਚ ਰਿਸ਼ਤੇਦਾਰ ਲੜਕੀ ਨੇ ਫ਼ੋਨ ਚੁੱਕਿਆ, ਜਿਸ 'ਤੇ ਇਕ ਵਿਅਕਤੀ ਜੋ ਹਿੰਦੀ 'ਚ ਬੋਲ ਰਿਹਾ ਸੀ ਨੇ ਜੋ ਆਪਣੇ ਆਪ ਨੂੰ ਕਿੰਗ ਦੱਸਿਆ ਤੇ ਕਿਹਾ ਕਿ ਉਹ ਆਪਣੇ ਫੇਸਬੁੱਕ ਤੋਂ ਖ਼ਬਰਾਂ ਤੇ ਵੀਡੀਓ ਡਿਲੀਟ ਕਰ ਦੇਣ ਨਹੀਂ ਤਾਂ ਉਨ੍ਹਾਂ ਨੂੰ ਜਾਨੀ ਨੁਕਸਾਨ ਹੋ ਸਕਦਾ ਅਤੇ ਉਹ ਮੈਨੂੰ 10 ਮਿੰਟ ਵਿਚ ਇਸੇ ਨੰਬਰ 'ਤੇ ਵਾਪਸ ਕਾਲ ਕਰਕੇ ਮੇਰੇ ਨਾਲ ਗੱਲ ਕਰਨ, ਨਹੀਂ ਤਾਂ ਇਸ ਦੇ ਭਿਆਨਕ ਨਤੀਜੇ ਭੁਗਤਣੇ ਹੋਣਗੇ | ਪੱਤਰਕਾਰ ਵਲੋਂ ਇਸ ਸਬੰਧੀ ਜ਼ਿਲ੍ਹਾ ਪੁਲਿਸ ਮੁਖੀ ਨੂੰ ਲਿਖਤੀ ਸ਼ਿਕਾਇਤ ਵੀ ਭੇਜੀ ਗਈ ਹੈ, ਜਿਸ 'ਤੇ ਵਿਭਾਗ ਆਪਣੀ ਕਾਰਵਾਈ ਕਰ ਰਿਹਾ ਹੈ |
