ਹਾਜੀਪੁਰ, 24 ਅਪ੍ਰੈਲ (ਪੁਨੀਤ ਭਾਰਦਵਾਜ)-ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ ਰਾਤ 8 ਵਜੇ ਤੋਂ ਲੈ ਕੇ 20 ਮਿੰਟ ਦੇ ਵਾਸਤੇ ਬਲੈਕ ਆਊਟ ਮੋਕ ਡਰਿਲ ਐਕਸਰਸਾਈਜ਼ ਦੀ ਅਪੀਲ ਕੀਤੀ ਗਈ ਸੀ | ਪੀ.ਐੱਸ.ਪੀ.ਸੀ.ਐੱਲ. ਵਲੋਂ 20 ਮਿੰਟ ਦੇ ਵਾਸਤੇ ਬਿਜਲੀ ਬੰਦ ਕਰ ਦਿੱਤੀ ਗਈ | ਇਸ ਸਭ ਦੇ ਬਾਵਜੂਦ ਵੀ ਹਾਜੀਪੁਰ ਦੇ ਬਾਜ਼ਾਰਾਂ ਦੇ ਵਿਚ ਦੁਕਾਨਦਾਰਾਂ ਵਲੋਂ ਇਸ ਬਲੈਕ ਆਊਟ ਦੀ ਅਪੀਲ ਨੂੰ ਲੈ ਕੇ ਜਾਗਰੂਕਤਾ ਦੀ ਭਾਰੀ ਕਵੀ ਦੇਖਣ ਨੂੰ ਮਿਲੀ | ਕੁਝ ਦੁਕਾਨਦਾਰਾਂ ਵਲੋਂ ਹੀ ਇਸ ਬਲੈਕ ਆਊਟ ਦੀ ਅਪੀਲ 'ਤੇ ਅਮਲ ਕੀਤਾ ਗਿਆ | ਇਥੋਂ ਤੱਕ ਕਿ ਹਾਜੀਪੁਰ ਦੀ ਦਾਣਾ ਮੰਡੀ ਦੇ ਵਿਚ ਲਾਈਟਾਂ ਜਗਾਈਆਂ ਹੋਈਆਂ ਸਨ | ਲੋਕਾਂ ਦਾ ਕਹਿਣਾ ਹੈ ਕਿ ਬਲੈਕ ਆਊਟ ਮੋਕ ਡਰਿਲ ਐਕਸਰਸਾਈਜ਼ ਨੂੰ ਲੈ ਕੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਠੋਸ ਕਦਮ ਚੁੱਕਣੇ ਚਾਹੀਦੇ ਹਨ |
